Mantenimënt dla vita de familia y dla cësa
N servisc dl raion cumprensoriel

Descriziun generala

Ala persones singules o a families ti vëniel cunzedù n cuntribut al mëns per permëter che la vita familiera y de cësa vede inant, danter l auter nce per schivé de messëi tò su zachei te na cësa de cura o de paussa. Acioche chësc cuntribut posse unì cunzedù, muessel unì dant chësta zircostanzes dutes deberieda:

• i cumëmbri de familia o la persona singula ne ie nia bona de mantenì la vita de familia y de manejé nstëssa la cësa
• mutons y genitores che ne viv nia tla medema cësa ne ie nia boni de judé assé,
• la ne va nia da giapé na soluzion per la situazion de bujëni tres l servisc de assistënza a cësa o n auter servisc con i medems fins
• na persona fulestiera se festidiëia per mantenì la vita de familia y de cësa y juda scencaje nce diretamënter i cumëmbri dla familia secudida.

Condiziuns d’azès

La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco sies mënsc stabilmënter y tresora te Südtirol:

• zitadins talians
• zitadins de n stat dla Union europeica
• zitadins de stac terc cun na permiscion de permanënza-Ue a tëmp lonch data ora dala Talia
• persones a chëles che l ti ie unit recunesciù l status de muciadifs
• persones a chëles che l ti ie unit recunesciù l status de defendura sussidiera.

Oradechël à nce chësta persones rejon de giapé la prestazins de assistënza economica, sce dan fé na dumanda àles si residënza anagrafica permanënta y stabila da almanco sies mënsc te Südtirol:

• zitadins de stac terc
• persones zënza zitadinanza.

Terminns

Te uni mumënt iel mesun fé dumanda pra l Servisc soziel cumpetënt – Servisc de assistënza ecunomica soziela.

Documënć che va debojëgn

• DOMANDA PRESTAZIUN DE TERZO LIVEL
• „Autozertificazion de bujën de cura“
• „Autozertificazion genitor singul“

Cosć

La nuzazion de chësc servisc ie gratis.

Referimënt a normes de lege; regolamënć

• Regulamënt d’esecuzion en cont di pruvedimënc de assistënza ecunomica soziela y dl paiamënt dla tarifes ti servijes soziei: Decrët dl Presidënt dla Jonta pruvinziela di 11 de agost dl 2000, nr. 30, tla verscion en forza
• Regolamënt sön le relevamënt unifiché dl davagn y dl patrimoni: Decrët dl Presidënt dla Provinzia di 11 de jenà dl 2011, n. 2

Plata internet:

Per d'autra nfurmazions prions bel de jì sun la plata dla istituzion cumpetënta per chësc servisc.