Adatamënt de mesuns de trasport per familiers
N servisc dl raion cumprensoriel

Descriziun generala

Ala persones che à n cumëmber de familia cun n nciamp (articul 1, coma 4 dla lege pruvinziela di 30 de juni 1983, nr. 20), ti vëniel cunzedù n cuntribut per l adatamënt di mesuns de trasport. Persones cun nciamp che sta tresora te na strutura d’albierch ne pò nia unì cunscidredes coche cunvivëntes de familia.

D’autra nfurmazions pudëis giapé tl art. 27 dl D.P.J.P.30/2000, tla verscion en forza.

L cuntribut reverda i adatamënc a motors y ai auti coche udù dant dal articul 15 dla lege pruvinziela di 30 de juni 1983, nr. 20, tla verscion en forza.

Condiziuns d’azès

La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco sies mënsc stabilmënter y tresora te Südtirol:

• zitadins talians
• zitadins de n stat dla Union europeica
• zitadins de stac terc cun na permiscion de permanënza-Ue a tëmp lonch data ora dala Talia
• persones a chëles che l ti ie unit recunesciù l status de muciadifs
• persones a chëles che l ti ie unit recunesciù l status de defendura sussidiera.

Oradechël à nce chësta persones rejon de giapé la prestazins de assistënza economica, sce dan fé na dumanda àles si residënza anagrafica permanënta y stabila da almanco sies mënsc te Südtirol:

• zitadins de stac terc
• persones zënza zitadinanza.

Terminns

Te uni mumënt iel mesun fé dumanda pra l Servisc soziel cumpetënt – Servisc de assistënza ecunomica soziela.

Documënć che va debojëgn

• DOMANDA PRESTAZIUN DE PRÖM LIVEL
• „Autozertificazion de bujën de cura“
• „Autozertificazion genitor singul“

Cosć

La nuzazion de chësc servisc ie gratis.

Referimënt a normes de lege; regolamënć

Regulamënt d’esecuzion en cont di pruvedimënc de assistënza ecunomica soziela y dl paiamënt dla tarifes ti servijes soziei: Decrët dl Presidënt dla Jonta pruvinziela di 11 de agost dl 2000, nr. 30, tla verscion en forza

Regolamënt sön le relevamënt unifiché dl davagn y dl patrimoni: Decret dl Presidënt dla Provinzia di 11 de jenà dl 2011, n. 2

Plata internet:

Per d'autra nfurmazions prions bel de jì sun la plata dla istituzion cumpetënta per chësc servisc.