Vai al contenuto principale Vai alla navigazione principale Vai alla navigazione secondaria

Stipendiums por studëntes y studënć che frecuentëia istituziuns universitares o scores altes profescionales
N sorvisc dl'aministraziun provinziala de Südtirol

Vai pormez ai formulars

Descriziun generala

Vigni ann mët la Provinzia a desposiziun stipendiums por les studëntes y i studënć che frecuentëia universitês, scores altes profescionales o istituziuns ecuiparades. La domanda online por l´ann 2014/15 po gnì dada jö dai 6 agost 2014 inant. Aladô di prinzips tla Costituziun vëgn i stipendiums conzedüs tres bandides de concurs publiches, tolon en conscidraziun la condiziun economica y le mirit de stüde dla porsona che fej domanda.

Dlungia i stipendiums ordinars tl ćiamp dl dërt da studié al université, él chisc provedimënć:

  • stipendiums straordinars;
  • stipendiums por mirić particolars;
  • stipendiums por la formaziun post-universitara y por practicums.

Condiziuns d’azès

Por les studëntes y i studënć tla provinzia de Balsan:

  • ester zitadines/zitadins dl’Uniun Europeica; o ester zitadins extracomunitars/zitadines extracomunitares cun l’autorisaziun de sojornanza CE por sojornanzes lunges tla Talia o ester zitadines/zitadins che à ciafè le reconescimënt dl status de profuga/profugh o de proteziun sussidiara aladô dla diretiva comunitara 2004/83/CE, y de conseguënza ester ecuiparà ales zitadines y ai zitadins talians y avëi la residënza zënza interuziun da altamo 2 ann tla provinzia de Balsan;
  • ne ester nia zitadines/zitadins dl’Uniun Europeica y avëi la residënza zënza interuziun da altamo 2 ann tla provinzia de Balsan;
  • ester scrita/scrit ite sciöche studënta ordinara/studënt ordinar pro n’université tla provinzia de Balsan y frecuentè so pröm curs de laurea, bachelor, laurea magistrala, n curs de stüde “a ziclus unich” o n curs de stüde ecuiparè;
  • ne avëi nia complì 35 agn y ester scrita/scrit ite a n curs de stüde de trëi agn (curs de bachelor o curs de laurea);

·         ne avëi nia complì 40 agn y ester scrita/scrit ite a n curs de stüde de altamo cater agn o, do le bachelor/la laurea trienala jì inant cun so stüde cun na laurea magistrala (120 credić formatifs).

Por les studëntes y i studënć defora dla provinzia de Balsan:

  • ester zitadines/zitadins dl’Uniun Europeica; o ester zitadines extracomunitares/zitadins extracomunitars cun l’autorisaziun de sojornanza CE por sojornanzes lunges tla Talia o ester zitadines/zitadins che à ciafè le reconescimënt dl status de profuga/profugh o de proteziun sussidiara aladô dla diretiva comunitara 2004/83/CE, y de conseguënza ester ecuiparà ales zitadines y ai zitadins talians;
  • ester zitadines/zitadins extracomunitars zënza autorisaziun de sojornanza y avëi la residënza zënza interuziun da altamo 2 agn tla provinzia de Balsan;
  • ester scrita/scrit ite sciöche studënta ordinara/studënt ordinar pro n’université defora dla provinzia de Balsan y frecuentè so pröm curs de laurea, bachelor, laurea magistrala, n curs de stüde “a ziclus unich”, n curs de diplom laurea o n curs de stüde ecuiparè;
  • ne avëi nia complì 35 agn y ester scrita/scrit ite a n curs de stüde de trëi agn (curs de bachelor o curs de laurea o n curs de stüde ecuiparè);

·         ne avëi nia complì 40 agn y ester scrita/scrit ite a n curs de stüde de altamo cater agn o, jì inant do la laurea trienala cun n curs de laurea magistrala (de regola cun 90 o 120 credić formatifs).

Tan inant che ares/ai:

  • n’à nia superè de n ann la dorada legala dl curs de stüde de trëi agn, de dui agn la dorada legala de n curs de stüde de cater agn (indöt po le stipendium por cursc de stüde consecutifs gnì conzedü por alplü set agn, por cursc de stüde cun na dorada legala de sis agn por alplü ot agn);
  • à arjunt ti stüdi le suzès damanè;
  • ne ciafa nia por le medemo curs de stüde d’atres previdënzes (ater co i stipendiums por programs de barat);
  • é te condiziuns economiches de desvantaje.

Por ciafè sö la condiziun economica dejavantajada vëgnel tut en conscidraziun le davagn y le patrimone aplican i criters aposta, fissà vigni ann dala Junta provinziala.

De plü informaziuns ciàfon tles bandides di concursc.

Terminns

Les domandes po gnì dades jö dai 6 agost dl 2014 inant.

Al é a desposiziun dui terminns:

  • terminn tecnich intermesan: ai 15 de setëmber dl 2014;
  • ultim terminn: ai 31 d’otober dl 2014.

Por ti rové pormez al sorvisc e-government vëgn l’identificaziun dles studëntes y di studënć fata cun la cherta di sorvisc provinziala. Por de plü informaziuns sön la cherta di sorvisc provinziala, l'ativaziun y l'adoranza pon cherdè sö le numer vërt 800 816 836 o ćiarè sön internet: http://www.provinz.bz.it/buergerkarte.

Sce les studëntes y i studënć à bele n account personal metü adöm dal inom utënt y dala password, relascè dal Ofize Promoziun dl stüde, université y inrescida pol gnì adorè inant le medemo account. Les studëntes y i studënć che n’à nia la cherta di sorvisc provinziala sciafia da damanè do n account zertifiché pro l’Ofize Promoziun dl stüde, université y inrescida. De plü informaziuns é da ciafè pro l’Ofize Promoziun dl stüde, université y inrescida al numer 0471 - 412927 por che che stüdia tla provinzia de Balsan y al numer 0471 - 412941 por che che stüdia defora dla provinzia de Balsan.

Documënć che va debojëgn

Les studëntes y i studënć dà jö i dać damanà sot süa responsabilité, porchël renunziëia l'aministraziun provinziala tla maiù pert di caji ala presentaziun di documënć, mo fej controi a caje sön les detlaraziuns. Sce al vëgn fora dai controi che le contignü dles detlaraziuns é falzes, vëgnel apliché sanziuns. De gran trasgresciuns vëgn segnalades al'autorité iudiziara.

Cosć

L’anuzaziun de chësc sorvisc é debann.

Referimënt a normes de lege; regolamënć

Lege provinziala di 30 de novëmber dl 2004, n. 9, sön le dërt da studié al’université.

D’atres informaziuns

La soma di stipendiums:

  • variëia da € 1.400 y € 5.800, aladô dl davagn depuré;
  • vëgn alzada ćina a € 6.900 por les studëntes y i studënć cun mituns;
  • vëgn smendrida dl 30% por che che va vigni dé a ćiasa;
  • vëgn smendrida dl 50% sce la studënta o le studënt o les "porsones de referimënt" é tl post de stüde o atira dlungia (ma por studëntes y studënć tla provinzia de Balsan).
  • Por les studëntes y i studënć che stlüj jö i stüdi danter le 01.12.2014 y i 31.01.2015 vëgn le stipendium smendrì dl 50%.
  • Por les studëntes y i studënć che frecuentëia n curs de stüde a destanza y che à dötes les condiziuns preodüdes dala bandida, él preodü n stipendium de € 510.


Sce al n’é nia assà mesi vëgn i stipendiums assegnà aladô de na gradatöra.

De plü informaziun é da ciafè tles bandides di concursc.

A vigni porsona che fej domanda ti gnaràl lascé alsavëi por scrit le resultat dla domanda por la conzesciun de n stipendium.

Ales studëntes y ai studënć che ô retifiché la domanda por le stipendium por l'ann academich 2014/2015 ti vëgnel metü a desposiziun n FAC SIMILE. Chësta domanda de ratificaziun va dada jö ćina 15 dis dala racoiüda dla comunicaziun sön l'assegnaziun de n stipendium o ala refodada dla domanda. Al é inće a desposiziun na verjiun FAC SIMILE dl’autorisaziun cun chëra che la porsona che fej domanda autorisëia n’atra porsona da ciafè informaziuns sön süa domanda de stipendium por l'ann academich 2014/2015.

Ënt competënt

40. Promozion dl stude, Università y Nrescida
40. Promozion dl stude, Università y Nrescida

Unité aministrativa competënta

40.3. Ufize per la promozion dl stude universiter, l’università y la nrescida

Misciun

palazzo 7, via Andreas Hofer 18, 39100 Balsan

Telefonn

0471 41 29 26 Jeanette Bruins: Studierende außerhalb Südtirol - studenti/studentesse fuori provincia
0471 41 29 41 Martina Torresan: Studierende außerhalb Südtirol - studenti/studentesse fuori provincia
0471 41 29 45 Petra Pfeifer: Studierende außerhalb Südtirol - studenti/studentesse fuori provincia
0471 41 29 46 Karin Sega: Studierende in Südtirol - studenti/studentesse in provincia
0471 41 29 27 Fabiana Maffei: Studierende in Südtirol - studenti/studentesse in provincia

Fax

0471 41 29 49

PEC

hochschulfoerderung.dirittostudiouni@pec.prov.bz.it

Plata internet

http://www.provincia.bz.it/diritto-allo-studio/amministrazione/83.asp

Orar por la jënt:

Lönesc, mertesc, mercui, vendres: dales 09:00 ales 12:00.
Jöbia: dales 08:30 ales 13:00 y dales 14:00 ales 17:30

(Atualisà ai: 03/09/2014)