Assëgn provinzial por i mituns

N sorvisc dl'aministraziun provinziala de Südtirol

Descriziun generala

L'assëgn provinzial por i mituns ti speta a families cun:

  • altamo 2 mituns/mitans de mëndra eté o
  • n su möt/na sora möta sot ai 7 agn* o
  • n möt/na möta cun handicap, ince de majera eté o
  • n möt/na möta de mëndra eté cun n fre/na so de majera eté che convir y che é sön le zertificat de familia dla porsona che fej domanda.

* anter i pröms set agn dl möt/dla möta o por set agn dala data dl'adoziun o dl afidamënt y a vigni moda alplü cina dejedot agn.

Residënza:

  • 5 agn de residënza, zënza interuziun, tla provinzia de Balsan denanco dé jö la domanda o na residënza storica anagrafica de almanco 15 agn, de chisc altamo un n ann zënza interuziun denanco dé jö la domanda. Implü pól gní presenté ince vigni ater documënt da chël che al resultëia la sojornanza permanënta por almanco 5 agn tla provinzia de Balsan.

  • Sce la porsona che fej domanda n’á nia la residënza, mëss l’om/la fomena l’avëi.

  • Zitadins/Zitadines de n ater paisc dl'UE che n'á nia la residënza: te chësc caje mëssel gní desmostré d'avëi n raport de laur tla provinzia de Balsan.

Mituns y porsones ecuiparades:

  • Ai mëss vire adöm cun la porsona che fej domanda y resulté sön so zertificat de familia, tut fora i caji d'afidamënt.
  • Por che al vëgnes paié l'assëgn provinzial por i mituns vëgn chëstes porsones ecuiparades ai mituns/ales mitans de mëndra eté:
    a) i mituns/les mitans de majera eté cun handicap;

    b) i fredesc, les sorus, i nei, i nus, les nezes de majera eté cun handicap;
    c) i mituns/les mitans de mëndra eté afidá a tëmp plëgn dal tribunal o cun provedimënt aministratif aladô dl articul 9 dla lege di 4 de ma dl 1983, n. 184, y mudaziuns suandëntes, ince sce ai/ares ne resultëia nia sön le zertificat de familia dla porsona che fej domanda, i mituns/les mitans sot ghiravanza dla porsona che fej domanda, sciöche ince i mituns/les mitans de majera eté cun handicap sot a ghiravanza, curatel, aministraziun de sostëgn o n'atra forma de proteziun iuridica dla porsona damananta.

An conscidra porsones cun handicap i invalig zivii/invalides ziviles cun n degré d'invalidité de almanco 74%, sciöche ince i verc zivii/les verces ziviles y les porsones surdes.

Situaziun economica:

Davagn y patrimone dla familia (anfat de tanc che ai é

Les condiziuns economiches dla familia vëgn valutades sön la basa dla detlaraziun unificada dl davagn y dl patrimone (DUDP).

Por dé jö la domanda por ciafé l’assëgn provinzial por i mituns adorëise dal 1° de messé dl 2019 la detlaraziun DURP 2018. Por dé jö la DUDP podëise s'anuzé di zëntri de assistënza fiscala (CAAF) y/o di patronac dla provinzia che pîta chësc sorvisc o ince adoré le sorvisc online eGov.

L’anuzaziun de chësc sorvisc é debann.

Tan ciafon pa sciöche assëgn?

Tan che an ciafa depënn dal davagn y dal patrimone y dal numer dles porsones che fej pert dla familia.

Tabeles A, B, C

Can vëgnel pa paié fora l'assëgn?

I paiamënc vëgn fac a rates vigni mëis che vëgn do, chël ó dí che la rata de jená vëgn paiada fora ala fin dl mëis de forá.

Co vëgnel pa paié fora l'assëgn?

I paiamënc vëgn fac sön le cunt bancar dé dant o sce chësc ne vëgn nia dé dant, vëgnel paié fora tres assëgn bancar da incassé te dui mëisc pro na portina dla Cassa dl Sparagn (tesorier dla Provinzia).

Metede averda: aladô dl art. 12, coma 2, lëtra c) dl D.L. di 6 de dezëmber dl 2011, n. 201 "Desposiziuns de prescia por la chersciüda, la iustizia y le consolidamënt dles finanzes publiches", ne vára nia plü da paié fora somes de o de passa 1.000,00 euro cun n assëgn bancar, mo ma plü eletronicamënter tres la banca.  

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.
 

(Sorvisc actualisá ai: 01/07/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefonn: 0471 41 83 03 Paola Faoro
0471 41 83 11 Fabiana Gabella
0471 41 83 09 Davide Giabardo
0471 41 83 14 Barbara Kaufmann
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Plata internet: http://aswe.provinz.bz.it

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda pó impormó gní presentada canche al é danman düc i recuisic. Le contribut ti speta dal mëis do chël che al é gnü fat domanda. Por ejëmpl, sce la domanda vëgn presentada de merz, speta l'assëgn dal mëis d'aurí inant.

Sce la domanda vëgn dada jö te 90 dis dala nasciüda, dal'adoziun o dal afidamënt dl möt/dla möta, speta l'assëgn dal mëis do la nasciüda, l'adoziun o l'afidamënt.

Por garantí che an ciafes l'assëgn zënza interuziuns mëss la domanda gní fata danü vigni ann danter le 1. de setëmber y i 31 de dezëmber.

DÉ JÖ LES DOMANDE

La domanda mëss gní dada jö pro n patronat o tres le sorvisc online eGov