Confëriment dla “Stëra de mirit dal laur”

N sorvisc dl'aministraziun provinziala de Südtirol

Descriziun generala

En gaujiun dla Festa dl laur gnarál indô conferí al 1. de ma les „Stëres de mirit dal laur“. 

A che pa:

  • laurantes/lauranc, dependëntes y dependënc o dirigënc/dirigëntes che laora o á lauré te aziëndes publiches o privates, te cooperatives (ince sciöche comëmbri), assoziaziuns sindacales, consorc di impresars o organisaziuns reconesciüdes a livel nazional;
  • porsones en ponsiun, che fej pert dles categories nominades chiló dessura;
  • laurantes/lauranc al ester, che á n liam particolar cun la patria, che é porsones competëntes y che laora cun lezitënza.

Chësta onoranza pó gní dada por recordé laurantes/lauranc al ester che é jüs mancia o é morc por gaujia di risć de so laur.

Chisc é i recuisic che ó ester por le conferimënt (almanco un):

  • ester gnüdes reconesciüdes/gnüs reconesciüs por süa competënza, laboriosité y le bun comportamënt; avëi arjunt miric por inovaziuns tecniches o organisatives o invenziuns che á mioré l’efiziënza dl laur;
  • avëi dé contribuc originai por mioré les mosöres de segurëza söl laur;
  • avëi desmostré n impëgn particolar por istruí y arjigné ca la generaziun jona al’ativité profescionala.

  • la zitadinanza taliana;
  • n'eté de almanco 50 agn - tl momënt dla domanda; 
  • avëi fat n'ativité profescionala por 25 agn alalungia zënza interuziun y zënza avëi ciafé reclamaziuns te öna o plü aziëndes. 

Vigni domanda mëss gní fata sön papier scëmpl y gní presentada cun chisc documënc:

  • atestat de nasciüda o autozertificaziun;
  • zertificat de zitadinanza taliana o autozertificaziun;
  • atestat o atestac de laur di agn de sorvisc cina le de dla presentaziun dla domanda o cina la ponsiun;
  • atestat de competënza, laboriosité y bun comportamënt tl'aziënda;
  • curriculum vitae;
  • autorisaziun da pert dla porsona interessada por l'adoranza di dac personai (decret legisaltif n. 196/2003).

Düc i documënc dess gní mená ite por talian deache ai mëss gní ortiá inant al Ministere dl laur a Roma.

Les domandes ti mëss gní menades al Ispetorat dl laur da Balsan, Kanonikus-Michael-Gamper-Straße 1, 39100 Balsan cina ai 31 d'otober dl 2019. Chësc terminn ne se lascia nia sburlé.

L’anuzaziun de chësc sorvisc é debann.

De plü informaziuns é da ciafé tl secretariat dl Ispetorat dl laur a Balsan (tel. 0471 418542).

(Sorvisc actualisá ai: 29/08/2019)

Ënt competënt

Ispetorat dl laur
Palazzo 12, via Canonico Michael Gamper 1, 39100 Balsan
Telefonn: 0471 41 85 40
0471 41 85 41
PEC: arbeitsinspektorat.ispettoratolavoro@pec.prov.bz.it
Plata internet: http://www.provinz.bz.it/arbeit

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

Les domandes ti mëss gní menades al Ispetorat dl laur da Balsan, Kanonikus-Michael-Gamper-Straße 1, 39100 Balsan cina ai 31 d'otober dl 2019. Chësc terminn ne se lascia nia sburlé.