Contribut por la costituziun de na ponsiun complementara di paurs, di mesaras y di afitadins parziai y de sü familiars che dëida para

N sorvisc dl'aministraziun provinziala de Südtirol

Descriziun generala

Ara se trata de n contribut por paurs, mesaras y afitadins parziai y sü familiars che dëida para, scric ite tles listes dl sorvisc contribuc agricui unificá (ex-Scau) tl ann de referimënt (chël ó dí l’ann dan chël dla presentaziun dla domanda). Le contribut ti speta, do avëi desmostré da avëi paié ite tl ann de referimënt dl contribut, te öna dles formes dla ponsiun complementares regolamentades dal decret legislatif n. 252/2005 y mudaziuns suandëntes.

● L'aziënda agricola é n'aziënda de zidlamënt de bestiam che é te condiziuns desvantajoses, chël ó dí:

  1. altamo 50 punc de desvantaje, calcolá do les normes varëntes por le svilup agricul di raiuns da munt,
  2. alplü 3 hectars de spersa de lëgn d'ordöra o vignes,
  3. altamo 1 y alpü 40 unités de bestiam adult,
  4. n davagn brutto extra-agricul dl titolar y di familiars atifs eventuai de nia passa € 22.000,00 (dal davagn complessif brutto él stlüt fora le davagn agrar y de proprieté tl cheder dl'ativité agricola, le davagn da assiguraziun previdenziala di paurs, le davagn da ativités aladô dl art.2135 dl codesc zivil).

Por i punc 1 y 2 velel la situaziun al 1. de novëmber dl ann de referimënt (chël ó dí l’ann dan chël dla presentaziun dla domanda). Por le punt 3 mëssel gní dé dant le valur mesan de unité de bestiam adult tl ann de referimënt. Por le punt 4 velel le davagn de dui agn dan l'ann de presentaziun dla domanda.

● Paiamënt de altamo € 500,00 te n fonds dla ponsiun complementara tl ann de referimënt.

La domanda pó gní dada jö:

  • pro düc i patronac dla provinzia, che dëida scrí fora y ortié inant al’Agenzia;

  • pro l’Agenzia por le svilup sozial y economich tla strada Kanonikus-Michael-Gamper n. 1 a Balsan.

Lege regionala di 25 de messé dl 1992, n. 7 - art. 6-ter y mudamënc suandënc

Decret dl Presidënt dla Regiun di 4 de jügn dl 2008, n. 3/L.

Decret dl Presidënt dla Provinzia di 16 de ma dl 2017, n. 18

Tan alt é pa le contribut?
Le contribut é de € 500,00 al ann, sce l'iscriziun tles listes dl sorvisc contribuc agricui unificá (ex-Scau) é por döt l'ann. Sce l'iscriziun é por n tëmp plü cört vëgn le contribut smendrí aladô (ejëmpl: sce al é n'iscriziun de 2 mëisc é le contribut de € 83,33, chël ó dí 2/12 de € 500,00).
Le contribut ti speta ala porsona interessada por alplü 10 agn y ti vëgn paié ite diretamënter tl fonds de ponsiun complementar a chël che le benedizié/la benefiziada é scrit/scrita ite

Gradatöra tl caje de mancianza de ressurses finanziaries
Por chësc contribut él preodü na spëisa complessiva al ann. Sce la majera soma dla spëisa al ann ne bastass nia por paié fora le contribut a dötes les porsones che fej domanda, se crüzia l’ASSE da fá na gradatöra. Les aziëndes zootecniches cun n majer numer de punc de svantaje á la priorité. Sce döes porsones á le medemo numer de punc de svantaje, ti vëgnel dé la priorité ala porsona plü vedla. Sce tramidui i criters nominá dessura é anfat, ti vëgnel dé la priorité ala porsona che á paié ite la majera soma tl fonds dla ponsiun complementara.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 418319 Wolfgang Zippl
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: https://aswe.provinz.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

Cina ai 30 de setëmber dl ann do che an á paié ite tl fonds de ponsiun complementa.