Intervënć de emergënza tl caje de catastrofes naturales

N sorvisc dl'aministraziun provinziala de Südtirol

Descriziun generala

Can vëgnel pa dè na te’sort de contribut?

Tl caje de tremoroc, agajuns, roes, ploiüdes, lovines y d’atres calamitês naturales. I dagns gaujà dal mè de füch n’alda nia laprò.

Che à pa le dërt de ciafè n contribut por dortoré o fà sö danü frabricać do na catastrofa naturala?

  1. Che che n’é nia patrun, titolar dl dërt de nüz, d’adoranza o d’abitaziun de n’atra abitaziun adatada al bojëgn dla familia y n’à nia zedü ti ultimi cin agn chisc dërć (pröma ćiasa).
  2. Che che à n davagn complessif ćina la IV fascia de davagn, sciöche preodü dal art. 58, coma 1), l.p. n.13/98.
  3. Che che à n dann complessif (dann al frabicat, al aredamënt, al patüc de ćiasa y al guant) de altamo le 4 % dl cost de costruziun dl’ abitaziun convenzional.

La domanda mëss gnì presentada te 180 dis dala catastrofa naturala.

Pro la domanda mëssel gnì dè jö n verbal d’azertamënt scrit dal’ofize tecnich dl comun competënt sön la basa dles osservaziuns fates dales porsones interessades. Tl verbal mësson dè dant le numer y la destinaziun dles ćiamenes dl’abitaziun danejada o desdrüta dan la catastrofa naturala y le cost aratè por la dortoré o la fà sö danü.
Por le medemo fin pol gnì dè jö ti dis atira do la catastrofa naturala, le verbal scrit dai funzionars dl Ofize tecnich por le frabiché alisiré dla Provinzia, sce al contëgn i dać nominà dessura.

Che à pa le dërt de ciafè n contribut por dagns al patüc de ćiasa, al aredamënt y al guant gaujà da catastrofes naturales?

Families che à pordü en pert o daldöt i mebli, l’aredamënt, le guant y le patüc de ćiasa.

An tëgn cunt dl davagn familiar complessif.

La domanda mëss gnì presentada te 90 dis dala catastrofa naturala.

Pro la domanda mëssel gnì dè jö n verbal de azertamënt scrit dal ofize tecnich dl comun competënt sön la basa dles osservaziuns fates dales porsones interessades, y olache al vëgn dè dant le dann.
Le verbal po inće gnì scrit dai funzionars dl Ofize tecnich por le frabiché alisiré dla Provinzia atira do la catastrofa naturala, sce al à i dać nominà dessura. 

Documënć che va debojëgn:

Sce ai é patruns:

  • formular, da jì a tó pro l’ofize dl frabiché abitatif alisiré;
  • verbal scrit dal tecnich de comun, o dal funzionar dl Ofize tecnich por le frabiché abitatif;
  • planta vidimada dl apartamënt;
  • estrat tavolar por desmostrè la proprieté.

Sce ai é afitadins:

  • contrat d’afit registré
  • preventif dla spëisa detaié por dortoré o fà sö danü (cun le timber de n tecnich scrit ite tl register)
  • preventif dla spëisa (tl caje de demoliziun y recostruziun)
  • davagn di ultimi dui agn

An ne tëgn nia cunt dla proprieté di geniturs.
An ne mëss nia dè jö le zertificat de portignënza al grup linguistich.

Tl caje de conzesciun de n contribut ne vëgnel nia anotè.

Che n’à pa nia le dërt de ciafè n contribut?

  • I patruns di frabicać danejà fać sö cuntra les normes dla lege urbanistica provinziala y por chi che al n’é nia gnü relascè na conzesciun da frabiché doprò
  • che che resultëia sciöche patrun de d’atri apartamënć, dlungia chël danejè, o che che à venü o zedü n apartamënt adatè al bojëgn familiar ti ultimi 5 agn
  • che che é sura la 4° fascia de davagn
  • sce le dann gaujè, cun laprò chël che vëgn dal avëi pordü l’aredamënt y.i.i. é plü bas co le 4 porcënt dl cost de costruziun convenzional (chësc gaujëia l’estlujiun sce le davagn familiar complessif dl patrun é mënder co le minim vital).

Les gaujes de estlujiun ne vëgn nia aplicades sce l’abitaziun dortorada o fata sö danü é convenzionada aladô dl articul 79 dla lege urbanistica provinziala. Le contribut de un n iade ne po nia ester majer co le 30 porcënt di cosć reconesciüs amissibli.

Sorts de contribuć:

  1. Contribuć por dortoré o fà sö danü frabicać urbanns, sce ai à les carateristiches de abitaziuns popolares o economiches.

    PRESENTAZIUN DLA DOMANDA TE 180 DIS DALA CATASTROFA NATURALA
    Entité dl contribut:  de un n iade dl 30 al 70 porcënt di cosć reconesciüs amissibli
    Le contribut mascim ne po nia ester majer co le cost de costruziun convenzional de n’abitaziun popolara cun na spersa convenzionala de 160 metri cuadrać.
  2. Contribuć por la pordüda de aredamënt, guant y patüc de ćiasa.

    PRESENTAZIUN DLA DOMANDA TE 90 DIS DALA CATASTROFA NATURALA
    Entité dl contribut: ćina alplü le 50 porcënt di dagns albüs
  3. Contribuć por intervënć de segurëza geotecnica por costruziuns residenziales che va debojëgn do catastrofes naturales.

    PRESENTAZIUN DLA DOMANDA TE 180 DIS DALA CATASTROFA NATURALA
    Entité dl contribut: de un n iade tla mosöra dl 70 porcënt di cosć reconesciüs amissibli

(Sorvisc actualisá ai: 20/06/2019)

Ënt competënt

Ofize tecnich dl frabiché alisiré
Palazzo 12, via Canonico Michael Gamper 1, 39100 Balsan
Telefono: 0471 41 87 60
0471 41 87 61
Fax: 0471 41 87 79
E-mail: ufficio.tecnico.edilizia.agevolata@provinzia.bz.it
PEC: wohnbautechnik.ufficiotecnicoedilizia@pec.prov.bz.it
Website: http://www.provinzia.bz.it/

Orar por la jënt:

Sënta prinzipala a Balsan:

Landhaus 12, Kanonikus-Michael-Gamper-Straße 1, 39100 Balsan

(Ecke Schlachthofstraße) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00