Abité Recuperada convenzionada de abitaziuns - renunzia

N sorvisc dl'aministraziun provinziala de Südtirol

Descriziun generala

Por podëi despone a na manira lëdia de n’abitaziun cun le lian de vint agn preodü dal articul 7 dla lege provinziala di 3 de jenà dl 1978, n. 1, resp. dal articul 79 dla lege provinziala di 11 d’agost dl 1997, n. 13 (alienaziun, afit y.i.i.), val debojëgn de renunzié al’alisiraziun por frabiché conzedüda.

Chësta renunzia po gnì fata te vigni momënt cun le formular y n martl da bol da  € 16,00. Do la renunzia mëss la persona che à ciafè le contribut rete certes somes.

Ti pröms diesc agn dl lian ne vëgnel nia plü paié fora i contribuć ai fić y  la persona che à ciafè le contribut mëss rete i contribuć paià fora – alplü 10 contribuć semestrai, tl caje de contribuć ai fić; tl caje de n contribut de un n iade mëssel rete döt le contribut.

Tl secundo dejenà dl lian mëss la persona che à ciafè le contribut rete i contribuć paià fora – alplü 10 contribuć semestrai, tl caje de contribuć ai interesc; ti ultimi 4 agn dl lian vëgn la soma smendrida vigni ann de n cuinto dla soma preodüda; tl caje de n contribut de un n iade, mëssel gnì retü n dejim dl contribut por vigni ann che manćia al complimënt dl ventejim ann dl lian.

L’autorisaziun dla straicada dl lian odü danfora dal art. 7, l.p. n. 1/78, resp. preodü dal art. 79, l.p. n. 13/97 vëgn relasciada, do avëi ciafè l’arat positif dl comun, dal diretur de Repartiziun. L’apartamënt po gnì venü o afité ia.

  • Copia dla partida tavolara dl’abitaziun alisirada (ma por i comuns catastai che ne n’é nia informatisà)
  • arat positif dl comun por la straicada dl lian preodü dal art. 7, l.p. di 03.01.1978, n. 1, resp. dl lian preodü dal art. 71, l.p. di 11.08.1997, n. 13, resp. dl lian preodü dal art. 79, l.p. di 17.12.1998, n. 13 tla verjiun varënta.

Ala domanda él da ajuntè n martl da bol da 16,00 euro.

(Sorvisc actualisá ai: 07/06/2018)

Ënt competënt

Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefono: 0471 41 87 29 (Michaela Ploner)
0471 41 87 11
Fax: 0471 41 87 39
E-mail: wohnbauprogrammierung@provinz.bz.it
PEC: wohnbauprogramm.programmazioneedilizia@pec.prov.bz.it
Website: http://www.provincia.bz.it/edilizia-abitativa/

Orar por la jënt:

Sënta prinzipala a Balsan:

Palaz 12, Strada Kanonikus-Michael-Gamper 1, 39100 Balsan

(Ćiantun Strada Schlachthof) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00

Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00