Cumpra y urbanisaziun de terac por le frabiché alisiré – finanziamënt por i comuns

N sorvisc dl'aministraziun provinziala de Südtirol

Descriziun generala

Cumpra de terac por frabiché

L'assessur provinzial por le frabiché abitatif ti conzed ai Comuns imprësć zënza fić por la cumpra de terac adatà da gnì adorà sciöche terac da frabiché, do avëi mudé la destinaziun urbanistica. Denant co cumprè le terac mëss le Comun damanè do l’arat liënt dla Comisciun urbanistica provinziala.

Do che al é gnü aprovè le plann d’atuaziun por chi terac che é destinà al frabiché abitatif alisiré y ales operes de urbanisaziun primara tl plann de atuaziun, vëgn le 50% dl imprëst zënza fić trasformè te n contribut de un n iade. Les alisiraziuns conzedüdes por cumprè terac adatà da gnì adorà sciöche terac da frabiché, do avëi mudé la destinaziun urbanistica, ne stlüj nia fora che al vëgnes preodü tl plann de atuaziun cubatöres por les aziëndes de sorvisc y dl comerz al menü, sciöche inće por les operes de urbanisaziun secundara che va debojëgn por le raiun.

Urbanisaziun primara

Vigni raiun d’espanjiun nü mëss gnì urbanisé. Porchël realisëia le Comun, o te n valgügn caji inće che che à damanè do la conzesciun da frabiché, sön la basa de n proiet esecutif les operes de urbanisaziun primara.

Aladô dl art. 65 dla lege provinziala di 11 d’agost dl 1997, n. 13 é chëstes operes de urbanisaziun primara:

  • les strades residenziales
  • les lercs por s’archité y parchè
  • la canalisaziun
  • la rëi idrica
  • la rëi de destribuziun d'energia eletrica y gas
  • l’iluminaziun publica
  • les lercs verdes atrezades

L'assessur provinzial por le frabiché abitatif conzed por l'urbanisaziun primara di raiuns por le frabiché abitatif, y por les atres operes che va debojëgn por colié i raiuns ai sorvisc publics, n contribut de un n iade dl 60% dl cost aprovè dles operes proietades. Aladô dl decunt final vëgn chësc contribut integrè ćina a arjunje le 60% dla spëisa paiada dal comun, tan inant che al vëgn presentè te 3 agn dala data dla pröma conzesciun dl contribut. 

Por arjigné ca n raiun pol jì debojëgn de fà dlungia les operes de urbanisaziun primara inće laûrs por la segurëza geotecnica. Sce al vëgn comprovè sön la basa de n arat geologich la nezescité de chisc laûrs, vëgn inće chisc ametüs ales alisiraziuns descrites dessura. L'alisiraziun é ma amissibla, sce le cost complessif por la cumpra, l'arjigné ca y l'urbanisaziun primara dl terac edificabl superëia le 20% dl cost de costruziun convenzional dla cubatöra amissibila tl raiun por les porsones a chëres che al ti é gnü assegné le tarac.

Urbanisaziun secundara

Cun la conzesciun dl contribut de un n iade por l'urbanisaziun primara vëgnel inće conzedü n contribut de un n iade por l'urbanisaziun secundara dl 60% dl contribut che é, aladô dl regolamënt comunal sön la scudida di contribuć de urbanisaziun, a ćiaria di assegnatars ti raiuns resservà al frabiché abitatif alisiré.

Por l’anuzaziun de chësc sorvisc ne vêlel degönes condiziuns d’azès particolares.

Por l’anuzaziun de chësc sorvisc ne val nia debojëgn de dè jö documënć implü.

L’anuzaziun de chësc sorvisc é debann.

(Sorvisc actualisá ai: 07/06/2018)

Ënt competënt

25.2. Ofize Promoziun dl frabiché alisiré
Palazzo 12, via Canonico Michael Gamper 1, 39100 Balsan
Telefonn: 0471/418740
0471/418758 (Ivo Ponticello)
Fax: 0471 41 87 59
PEC: wohnbaufoerderung.promozioneedilizia@pec.prov.bz.it
Plata internet: http://www.provincia.bz.it/edilizia-abitativa/

Orar por la jënt:

Sënta prinzipala a Balsan:

Landhaus 12

Kanonikus-Michael-Gamper-Straße 1 (Ecke Schlachthofstraße)

39100 Balsan

Lönesc, dedolönesc, mercui y vëndres dales 09:00 ales 12:00

Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

 

Terminns

Por l’anuzaziun de chësc sorvisc ne n’él da tignì ite degügn terminns particolars.