Locaziun parziala dl’abitaziun alisirada a studënć, lerneri, lauranć y jënt atempada

N sorvisc dl'aministraziun provinziala de Südtirol

Descriziun generala

Por podëi afité en pert n'abitaziun cun le lian sozial val debojëgn dl'autorisaziun, che vëgn damanada dala porsona che ciafa l'alisiraziun y che vëgn relasciada dal diretur de repartiziun.

L'abitaziun mëss romagne adatada al numer de dötes les porsones che é tl'abitaziun (familia dla porsona che ciafa l'alisiraziun y afitadins - D.J.P. n. 3347 di 29.09.2003) y mudaziuns suandëntes:

NUMER DI FAMILIARS

De plü afitadins

2

3

4

5

6

Abitaziun nia adatada

sce mëndra co

43 m²

58 m²

73 m²

88 m²

103 m²

Al po gnì dè en afit ćiamenes singoles (alplü döes), che mëss ester daldöt aredades; al mëss gnì metü a desposiziun n sorvisc igienich aposta o al mëss gnì garantì l'adoranza di sorvisc sanitars.

Les ćiamenes cun na spersa mëndra co 12 mpo gnì ocupades ma da öna na porsona (aladô dla normativa urbanistica varënta mëss na ćiamena ester altamo 9 m2 grana) .

L'afit por na porsona (cun spëises): te na ćiamena singola: 217,50 €, te na ćiamena dopla: 165,00 €

Studënć:

Post de stüde tl comun olache al é l'abitaziun alisirada o te n comun che n’é nia plü dalunc co 30 km.

Validité dl'autorisaziun:

Dorada dl curs de stüde (y/o ćina ala tomanza dl lian)

Lerneri, lauranć:

Post de laûr tl comun olache al é l'abitaziun alisirada o te n comun che n’é nia plü dalunc co 30 km.

Validité dl'autorisaziun:

Dorada dl contrat de laûr (y/o ćina ala tomanza dl lian)

Jënt atempada (passa 65 agn):

Residënza anagrafica da altamo 5 agn te n comun dla provinzia.

Validité dl'autorisaziun:

ilimitada (y/o ćina ala tomanza dl lian).

Dötes 3 les categories, chël ô dì i studënć, i lerneri/lauranć y la jënt atempada, ne po nia avëi n'abitaziun adatada o ester titolar dl dërt de nuzaziun, adoranza o abitaziun de na te'abitaziun a manco co 20 km dal post de laûr o dala sënta di istituć scolastics o universitari, y che é saurida da arjunje cun i mesi de trasport publics.

Sce les porsones che tol en afit n'abitaziun é de mëndra eté, mëss i geniturs avëi chësta condiziun.

L'abitaziun mëss romagne adatada aladô dl numer de dötes les porsones che é tl'abitaziun (familia dla porsona che fej domanda y afitadins - D.J.P. n. 3347 di 29.09.2003).

Por la porsona che fej domanda:

  • domanda cun martl da bol da € 16,00
  • fotocopia dla planta dl'abitaziun cun indicaziun dles ćiamenes da afité
  • detlaraziun sostitutiva sön la composiziun dla familia
  • detlaraziun sostitutiva cun: le numer y la spersa abitabla dles ćiamenes che an ô afité, dać anagrafics dl'afitadin, adoranza de locai deboriada (ćisadafüch, sorvisc igienics, y i.i.), l'afit damanè y le tëmp por chël che al vëgn damanè l'autorisaziun.

Por i studënć*:

  • detlaraziun sostitutiva da chëra che al resultëia la sort de stüdi fać y süa dorada.

Por i lerneri che laôra*:

  • detlaraziun sostitutiva da chëra che al resultëia la sort de raport de laûr (lernerat o laûr a tëmp determiné o indeterminé).

Por i lauranć foresć:

  • chërta o autorisaziun de sojornanza.

Por la jënt atempada *:

  • copia dla chërta d'identité
  • detlaraziun sostitutiva dla residënza anagrafica y de süa dorada tla provinzia.

* Detlaraziun sostitutiva cun chëra che l'afitadin, o i geniturs tl caje de porsones de mendra etè, detlarëia de n'avëi nia n'abitaziun adatada o de ne ester nia titolar dl dërt de nuzaziun, adoranza o abitaziun de na te'abitaziun a manco co 20 km dal post de laûr o dala sënta scolastica/universitara y che é saurida da arjunje cun i mesi de trasport publics.

L’anuzaziun de chësc sorvisc é debann.

(Sorvisc actualisá ai: 19/12/2018)

Ënt competënt

25.1. Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefonn: 0471 41 87 34 (Michela Foglietti)
Fax: 0471 41 87 39
PEC: wohnbauprogramm.programmazioneedilizia@pec.prov.bz.it
Plata internet: http://www.provincia.bz.it/edilizia-abitativa/

Orar por la jënt:

Sënta prinzipala a Balsan:

Landhaus 12, Kanonikus-Michael-Gamper-Straße 1, 39100 Balsan
(Ecke Schlachthofstraße) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

Terminns

Por l’anuzaziun de chësc sorvisc ne n’él da tignì ite degügn terminns particolars.