Assistënza economica soziela

N sorvisc di raiuns soziai

Descriziun generala

L’assistënza economica soziela ie na cumpetënza di Servijes soziei.

Ala families y ala persones singules cun na ntreda che ne tleca nia, ti vëniel cunzedù n aiut finanzier. Depierpul ti vëniel nce pità na cunsulënza y assistënza per unì ora dla situazion de bujën.

Pra la prestazions de assistënza economica soziela tóchel leprò servijes soziei(Decrët dl Presidënt dla Jonta pruvinziela di 11 de agost dl 2000, nr. 30, tla verscion en forza):

  1. Davani minim soziel
  2. Cuntribut per l fit y per la spëises de njonta dl cuartier
  3. Prestazion spezifica
  4. Bonaman
  5. Mantenimënt dla vita de familia y dla cësa
  6. Spëises de acumpaniamënt o de trasport
  7. Vita autonoma y partezipaziun soziala
  8. Compra y adatamënt de veicui
  9. Adatamënt de veicui per chëi de familia
  10. Servisc de tele-aiut a cësa
  11. Antizipazion dl scech de mantenimënt a scunanza de mëndri d’età (lege pruvinziela nr.15/2003)

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales.   

La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco dodesc mënsc stabilmënter y tresora tl Südtirol:

  • i zitadins talians
  • i zitadins de n stat dla Union europeica
  • i zitadins de stac terc cun na permiscion de permanënza-UE a tëmp lonch data ora dala Talia
  • la persones a chëles che l ti ie unit recunesciù l status de muciadives
  • la persones a chëles che l ti ie unit recunesciù l status de prutezion sussidiera.

Oradechël à la rejon de giapé la prestazions de assistënza economica nce chësta persones, sce les sta da cin ani stabilmënter y zënza interuzion tla provinzia de Bulsan, a cundizion che si permanënza sun l teritore naziunel sibe legal:

  • i zitadins de Stac terc;
  • la persones zënza zitadinanza.

Regulamënt d’esecuzion en cont di pruvedimënc de assistënza economica soziela y dl paiamënt dla tarifes ti servijes soziei (Decrët dl Presidënt dla Jonta pruvinziela di 11 de agost dl 2000, nr. 30, tla verscion en forza)

Regolamënt sön le relevamënt unifiché dl davagn y dl patrimoni: Decret dl Presidënt dla Provinzia di 11 de jenà dl 2011, n. 2

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 12/03/2019)

Ënt competënt

Sozialsprengel Zentrum Oberau - Sitz Zentrum
Rittner Straße 37, 39100 Balsan
Telefono: +39 0471 324297
Fax: +39 0471 329093
E-mail: SprengelZentrum@sozialbetrieb.bz.it
PEC: assb@legalmail.it

Terminns

Te uni mumënt iel mesun fé dumanda pra l Servisc soziel cumpetënt – Servisc de assistënza ecunomica soziela.

Sce la dumanda per l servisc de assistënza ecunomica soziela vën presenteda dan l 21 ejim di dl mëns, vën la prestazion paiëda ora dal prim di de chël medem mëns. Sce la dumanda vën al incontra presenteda do l 20 ejim di dl mëns, vën la prestazion paiëda ora pian via dal prim di dl mëns do.