Afidamënt de mëndri d’età a strutures

N sorvisc di raiuns soziai

Descriziun generala

Afidamënt de mëndri d'età a strutures

Afidamënt a na strutura soziopedagogica, sozioterapeutica ntegreda y sozioterapeutica

Pra l afidamënt a na strutura soziopedagogica se tratel dl afidamënt de n mënder/na mëndra d'età, che ne à tl mumënt degun ambient familier adatà, a na strutura soziopedagogica publica o privata. L mënder/la mëndra possa unì tëut/tëuta su a tëmp plën o a tëmp parziel. L fin ie chël de seguré si educazion y istruzion per l tëmp che ie debujën per superé la deficulteies dla familia de pruvenienza.

Tipologia:

  • Cumenanza-cuatier
  • cumenanza familiera/cësa familia
  • Residënzes secudiedes y zëntri per l di

Per mëndri/mëndres d'età sota i sies ani possa l afidamënt mé unì fat te na familia o pra na persona afidatera, pra na cumenanza de sort familiera/cësa familia o pra l Istitut provinziel per l'assistënza ala nfanzia (L 4 de mei 1983, n. 184, art. 2, coma 2).

L bujën de n afidamënt vën cunstatà cun valutazion tecnica dl Servisc soziel cumpetënt. La sëurantëuta tla strutura vën mé fata tres l Servisc soziel nstës.

La familia de pruveniënza à da tenì pea, aldò de si davani y dla situazion dl avëi, ala spëises de albierch tla strutura. L calcul dla tarifa vën fat dal Servisc soziel cumpetënt te chël raion.

  • Lege pruvininziela di 21 de dezëmber 1987, nr. 33 "Assistënza y benefiziënza publica: pruvedimënc en cont de afidamënt de mëndri d’età"
  • Decrët dl Presidënt dla Jonta pruvinziela di 7 de agost 1989, nr. 19 "Regulamënt de esecuzion dla lege pruvinziela di 21 de dezëmber 1987, nr. 33, che reverda „Assistënza en cont de afidamënt de mëndri d’età“

(Sorvisc actualisá ai: 15/02/2019)

Ënt competënt

Sozial-pädagogische Grundbetreuung
Marktweg 4, 39024 Mals
Telefono: 0473 83 60 00
Fax: 0473 83 60 06
E-mail: infosprengelmals@bzgvin.it
Website: http://www.bzgvin.it/