Guiern en cësa

N sorvisc di raiuns soziai

Descriziun generala

L guiern en cësa dà cunsulënza de sustëni y cumplementera, pieta prevenzion y assistënza te cësa dla persona y te zëntri guiern via per l di. L pò unì damandà da persones nia autosufiziëntes cun problems fisics y/o psichics, da families cun persones sotmetudes a risia o a uni moda da families che ne ti la fej nia plu a ruvé a cë tla vita de familia zënza aiut da dedora.

La prestazions dl guiern en cësa ie: trasport y acumpaniamënt, aiut tl guiern de cësa, cura dl corp, atività soziopedagogica, prestazions dianiostich terapeutes.L fin dl guiern en cësa ie chël de fé a na moda che la persones cun bujëns posse sté plu che la va te si ambiënt de vita da unidì. L dërt a chësc servisc ie dat zënza tenì cont dla situazion ecunomica y soziela dla persona.

D’autra nfurmazions en chësc cont giapëis pra l personal spezialisà dl guiern en cësa tl Servisc soziel cumpetënt te vosc raion.

La dezijion dl ënt cumpetënt, en cont de na cumpartezipazion eventuela ala tarifa, vel per n tëmp de alplù 12 mënsc.  

L guiern en cësa vën pità a duta la families y persones singules che per gaujes familieres o persuneles ie te na situazion de bujën y ne ti ie nia a cundujer na vita autonoma o nce mé nianca a fé da sëules cërta azions da unidì zënza aiut.

L anuzadëur tol pert mé cun na tarifa stabilida, aldò dl davani y dl avëi, coche preudù dal D.P.J.P. di 11 de agost 2000, nr. 30, te si verscion en forza.

L anuzadëur, per chël che l ti vën paià ora la sporta de cura (Lege pruvinziela di 12 de otober 2007, nr. 9) o la sporta de acumpaniamënt (Lege pruvinziela di 21 de agost dl 1978, nr. 46), à da paië la tarifa che curespuend a si livel de bujën, bel unfat da coche ie si situazion ecunomica y chëla de si familia plu strënta

Per l ann 2019 monta la tarifa mascima fisseda dala Jonta pruvinziela per una na ëura de guiern en cësa a € 24,00. La tarifa minima curespuend a € 3,90 al’ëura; l cuarto livel costa € 13,00.

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales. 

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 04/02/2020)

Ënt competënt

Hauspflege der Stadtgemeinde Meran
Otto-Huber-Str. 8, 39012 Maran
Telefono: 0473 22 31 70
Fax: 0473 20 99 48
E-mail: Sabine.Raffeiner@gemeinde.meran.bz.it
Website: http://www.bzgbga.it/de/default.asp

Terminns

Per fé dumanda de pudëi se nuzé de chësc servisc ne n’iel nia da tenì ite terminns particulers.