Cuntribut per l fit y la spëises de njonta dl cuartier

N sorvisc di raiuns soziai

Descriziun generala

Ala families o a persones singules che à de bujën ti vëniel cunzedù n cuntribut per paië ju l afit y d’autra spëises liëdes ala cësa. La mesura dl cuntribut depënd de un n viers dala situazion economica dla familia nstëssa y dl auter viers dala spëises efetives documentedes per l afit y i cosc cunliëi che la Jonta provinziela rata vester na soma “congruenta”. La cundizion ie che l sibe n cuntrat d’afit reguler.

Plata de nfurmazion: cuntribut per l fit y per la spëises de njonta dl cuatier » - at 20.12.2018

  • Cuntribut per spëises de njonta per pensionisć

Tl ciamp de chësta prestazion iel udù danora n cuntribut per la spëises de njonta, aldò dl articul 20bis dl D.P.P. 30/2000 tla verscion n forza.

L se trata de n cuntribut per la spëises de njonta liedes ala cësa. L ti vën cunzedù ala persones atempedes cun na pension minima che à 65 o plu ani, che viv da sëules y de chëles che la soma dla pension al ann ne vede nia sëura i 9.000,00 euro netto ora y che ne à nia n auter avëi de relevanza ora che l cuatier o la cësa de proprietà.

La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco dodesc mënsc stabilmënter y tresora tl Südtirol:

  • i zitadins talians
  • i zitadins de n stat dla Union europeica
  • i zitadins de stac terc cun na permiscion de permanënza-UE a tëmp lonch data ora dala Talia
  • la persones a chëles che l ti ie unit recunesciù l status de muciadives
  • la persones a chëles che l ti ie unit recunesciù l status de prutezion sussidiera.

Oradechël à la rejon de giapé la prestazions de assistënza economica nce chësta persones, sce les sta da cin ani stabilmënter y zënza interuzion tla provinzia de Bulsan, a cundizion che si permanënza sun l teritore naziunel sibe legal:

  • i zitadins de Stac terc;
  • la persones zënza zitadinanza.  

La nuzazion de chësc servisc ie gratis.

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales. 

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 25/06/2020)

Ënt competënt

Finanzielle Sozialhilfe
G.B.-Purger-Straße 16, 39046 Urtijëi
Telefono: 0471 79 80 15
Fax: 0471 79 86 69
E-mail: sprengel.groeden@bzgsaltenschlern.it
Website: http://www.bzgsaltenschlern.it/

Terminns

Te uni mumënt iel mesun fé dumanda pra l Servisc soziel cumpetënt – Servisc de assistënza ecunomica soziela.

Sce la dumanda per l servisc de assistënza ecunomica soziela vën presenteda dan l 21 ejim di dl mëns, vën la prestazion paiëda ora dal prim di de chël medem mëns. Sce la dumanda vën al incontra presenteda do l 20 ejim di dl mëns, vën la prestazion paiëda ora pian via dal prim di dl mëns do.