Contribuć por la gestiun de sorvisc spezialistics por i desturbs alimentars de natöra psicologica

N sorvisc dl'aministraziun provinziala de Südtirol

Descriziun generala

Al ti po gnì conzedü contribuć a uniuns zënza fins de davagn y a ënć publics o privać por les scomenciadies suandëntes che reverda i desturbs alimentars de natöra psicologica:

  • pröma consulënza y sostëgn ai interessà (dantadöt te n‘eté jona) y a sü parënć tres conversaziuns informatives y de motivaziun
  • le renforzamënt dl autoaiüt tres l'organisaziun, l'assistënza y l'acompagnamënt de grups de autoaiüt, la formaziun de moderadus y l’elaboraziun de conzeć por l'autoaiüt
  • la promoziun dl laûr de rëi y di contać cun i ënć publics y privać, i media y i esperć
  • la consulënza y la formaziun de grups profescionai che laôra cun jogn (educadus, operadus jonii, maestri y i.i.)
  • ativité de informaziun y de sensibilisaziun cun laprò la elaboraziun y la produziun de material aladô por sostignì le renforzamënt dles competënzes vitales individuales dla popolaziun.

Por ciafè n contribut mëss i ënć che fej domanda:

  • avëi i recuisić odüs danfora dal sistem de acreditaziun dla Provinzia
  • avëi süa sënta tla provinzia de Balsan
  • ester daverć al publich almanco cater dis al’edema y pité consulënza al telefonn y tres e-mails
  • ester atifs da almanco 5 agn tl ćiamp di desturbs alimentars aladô dl art. 1, coma 3 di criters
  • portè dant n proiet strotoré y de na dorada plü lungia y nia ma iniziatives singoles
  • avëi personal cun na esperiënza spezialistica aladô de de plü agn
  • colaborè con la rëi de sorvisc, dantadöt cun i medi de ćiasa, i ginecologs, i doturs dai dënz y i sorvisc sozio-sanitars
  • pité sües iniziatives ti dui lingac dla provinzia y – sce al vëgn damanè – laurè sön döt le teritore provinzial

Pro la domanda de contribut y la domanda por les spëises de gestiun corëntes generales (ćiara formulars) él da injuntè i documënć suandënć:

  • copia dl statut y dl at de fondaziun, sce la domanda vëgn menada ite por le pröm iade o sce chësc documënt é gnü mudé o injuntè
  • na relaziun cörta sön l’ativité dl ann da denant
  • na previjiun dl program dles ativitês preodüdes tratan l’ann de referimënt
  • la lista dles iniziatives programades, por chëres che an damana do n contribut (formular A)
  • na descriziun avisa de vigni iniziativa (formular B)
  • na detlaraziun di atri finanziamënć damanà al’aministraziun provinziala cun l’indicaziun dla lege provinziala revardënta, dla scomenciadia y dla soma complessiva dl contribut damanè (formular C)
  • na detlaraziun revardënta la retignüda dles cutes (4 porcënt) sön la cuta sön le davagn dla porsona iuridica (IRPEG (formular D)
  • na detlaraziun dla CVA (IVA - (formular E)

I ënć che n’é nia esonerà mëss mëte n martl da bol da 16,00 euro sön le formular dla domanda por n contribut.

Keine weiteren Informationen.

(Sorvisc actualisá ai: 19/03/2019)

Ënt competënt

Ofize Prestaziuns sanitares
Palazzo 12, via Canonico Michael Gamper 1, 39100 Balsan
Telefonn: 0471 41 80 70
0471 41 80 71
Fax: 0471 41 80 99
PEC: leistungen.prestazioni@pec.prov.bz.it
Plata internet: http://www.provincia.bz.it/salute

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda por n contribut sotescrita da n rapresentant legal é da scrì fora sön le formular aposta y da menè al raiun sanitar dan i 31 de jenà dl ann de referimënt. Sce la domanda vëgn menada ite plü tert ne pora nia gnì tuta en conscidraziun.