Comunicaziun dles ofertes de laûr

N sorvisc dl'aministraziun provinziala de Südtirol

Descriziun generala

Orésses sciöche datur/ia de laûr lascè alsavëi Üsc posć de laûr tres la börsa dl laûr eletronica eJobBörse y adorëise aiüt da le fà?

Nia de plü de scëmpl co chësc: I messëis ma ves adressè personalmënter, tres e-mail o tres fax al zënter de mediaziun de laûr plü dlungia Os y nos ves metun a desposiziun le formular che va debojëgn (ćiara inće dessot). Menédei indô chësc formular scrit fora al zënter de mediaziun dl laûr y I ves batun ite debann Ostes ofertes de laûr tla börsa dl laûr eletronica.

I podëis tó la dezijiun sce Üsc posć dess gnì publicà cun la indicaziun de düć Üsc dać de contat o sce ai dess gnì lascià anonims. Tl ultim caje gnaràl sö n mediadù/na mediadëssa dl zënter de mediaziun dl laûr sciöche porsona de contat por düć i interessà y chësc ves metarà adöm na lista dles candidates y di candidać adatà.

Sce Osta inrescida do personal ne se limitëia nia ma a Südtirol, spo podëise inće publiché Osta domanda a livel europeich tres EURES. Al basta che i le dëis dant tl cadrel arjigné ite aposta sön le formular.

Sce al foss plü pratich por os, podëise ion inće ves registré instësc tla börsa dl laûr eletronica - sambëgn inće debann: i ciafëis i dać de azès personai y i podëis dè ite y atualisé diretamënter düć üsc posć de laûr.

Prëibel tignide cunt dles informaziuns dades dai zëntri de mediaziun al laûr.

(Sorvisc actualisá ai: 29/11/2019)

Ënt competënt

Zënter de mediaziun de laur Maran
Sandplatz 10, 39012 Maran
Telefono: 0473 25 23 00
Fax: 0473 25 23 09
E-mail: avz-meran@provinz.bz.it
Website: http://www.provinz.bz.it/arbeit

Orar por la jënt:

Lönesc, mertesc, mercui, vëndres: dales 9.00 ales 12.00
Jöbia: dales 08.30 ales 13.00 y dales 14.00 ales 16.30