Lian sozial – Dé en afit l’abitaziun alisirada

N sorvisc dl'aministraziun provinziala de Südtirol

Descriziun generala

Por podëi dè en afit n'abitaziun cun lian sozial val debojëgn de n'autorisaziun.

Tl pröm dejenar:

L'autorisaziun vëgn relasciada dal diretur dla Repartiziun Frabiché abitatif, y é preodüda por chisc caji:

  • sce le benefiziar ô cumprè n'atra abitaziun adatada al bojëgn de süa familia;
  • sce le benefiziar nia autosufiziënt n’é nia plü bun da stè tl’abitaziun;
  • sce le benefiziar se trasferësc tl’abitaziun dl om o dla fomena o dla porsona cun chëra che al vir para more uxorio;
  • sce le benefiziar ô trasferì la residënza te n ater comun por rajuns de laûr o ajache al à lascè de laurè;
  • sce le benefiziar surantol la cura de na porsona, che abitëia te n ater comun;
  • sce le benefiziar á na maratia cronica pól ma damané l'assistënza spezialistica adatada te n ater domizil;
  • sce le benefiziar dà en afit l’abitaziun alisirada por rajuns familiares zities y nen tol spo en afit n’atra adatada al bojëgn dla familia;
  • sce l'abitaziun alisirada n’é nia plü adatada al bojëgn dla familia y la porsona che fej domanda ô tó en afit n'atra abitaziun adatada;
  • tl caje de separaziun o de anulaziun di efeć zivii dl matrimone.

L'abitaziun po gnì dè en afit:

  • a parënć ćina al terzo degré de parentela, che à les condiziuns generales por gnì ametüs ales alisiraziuns por frabiché;
  • ala porsona nominada dal Comun o dal Istitut por le Frabiché Sozial (IPES). Por les modalités de domanda al IPES o al Comun damanede do prëibel tl Ofize Programaziun dl Frabiché alisiré. Sce le Comun o l'IPES lascia alsavëi por scrit che ai n’ô nia tó en afit l'abitaziun, pón ti dé en afit l'abitaziun a na familia che á i recuisic generai por gní ametüda ales alisiraziuns dl frabiché provinzial.

Sce l'abitaziuns é gnüda costruida sön n terac alisiré, pora ma gnì afitada da porsones che à les condiziuns por l'assegnaziun de terac alisiré te chël comun.

L’afit temporann po gnì autorisé sce le benefiziar ne po nia stè plü dî te süa abitaziun por rajuns de stüde o de laûr.

L’afit ne po nia ester majer co le 75 porcënt dl afit provinzial.

Tl secundo dejenar:

Inće tl secundo dejenar val debojëgn de n’autorisaziun por podëi afité n’abitaziun cun lian sozial. L’autorisaziun mëss gnì damanada dal benefiziar dl’alisiraziun y gnì relasciada dal diretur de repartiziun.

L’abitaziun mëss gnì dada en afit a porsones che à les condiziuns generales por gnì ametüdes ales alisiraziuns por frabiché provinziales.

Sce l’abitaziun é gnüda costruida sön n terac alisiré, pol ma gnì afité a porsones che à les condiziuns por l'assegnaziun de terac alisiré te chël comun. Implü mëssel gnì desmostrè che l'abitaziun é adatada al bojëgn dla familia (art. 86, comesc 2 y 3, l.p. 13/98).

 L’afit de locaziun ne po nia ester majer co le 75 porcënt dl afit provinzial.

  • Domanda cun martl da bol da € 16,00
  • documënt che proa la motivaziun

      documënć dl afitadin por l'azertamënt dles condiziuns:

  • detlaraziun sön la composiziun dla familia cun indicaziun dla residënza anagrafica y de süa dorada tla provinzia (autozertificaziun);
  • detlaraziun cun chëra che l'afitadin detlarëia de n'avëi nia n'abitaziun adatada, de n’ester nia titolar dl dërt de usufrüt, adoranza o abitaziun adaté y de n'un avëi nia zedü öna ti ultimi 5 agn, y de ne ester nia gnü ametü a n contribut publich por la costruziun/la cumpra/le ressanamënt de n'abitaziun (autozertificaziun).

  • etlaraziun unificada dl davagn y dl patrimone (DUDP) di ultimi 2 agn;  

Sce l'afitadin é maridé o vir adöm more uxorio, mëss la documentaziun nominada dessura gnì dada jö inće por l'om o la fomena o la porsona che vir impara more uxorio.

(Sorvisc actualisá ai: 29/05/2019)

Ënt competënt

Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefono: 0471 41 87 34 (Foglietti Michela)
0471 41 87 11
Fax: 0471 41 87 39
E-mail: wohnbauprogrammierung@provinz.bz.it
PEC: wohnbauprogramm.programmazioneedilizia@pec.prov.bz.it
Website: http://www.provincia.bz.it/edilizia-abitativa/

Orar por la jënt:

Sënta prinzipala a Balsan:

Palaz 12, Strada Kanonikus-Michael-Gamper 1, 39100 Balsan
(Ciantun Strada Schlachthof) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00