Integraziun tl laûr - Neumarkt

N sorvisc dl'aministraziun provinziala de Südtirol

Descriziun generala

La integraziun tl laûr é inćiasada te düć i zëntri de mediaziun dl laûr dla provinzia. Le sorvisc promöi la integraziun tl laûr de porsones che à dificolté, porvia de n impedimënt, da rové tl marćé de laûr. Les mosöres de sostëgn y de mediaziun dëida assiguré i raporć de laûr bele dan man y/o ciafè fora de nöies poscibilitês d’ocupaziun.

Por che él pa ponsè?

  • Porsones cun n impedimënt o problems psicosoziai;
  • categories sozialmënter debles
  • aziëndes.

Prestaziuns

  • Consulënza

La integraziun tl laûr pîta na consulënza cualificada por chi che chir da laûr y por aziëndes, inće en relaziun ala mediaziun mirada. Al vëgn aconsié tl caje de domandes psicosoziales, iuridiches, finanziares o tecniches sön le post de laûr.

  • Proieć de integraziun tl laûr

Al vëgn realisé proieć de integraziun tl laûr individuai en colaboraziun cun i sorvisc sanitars y soziai, por integrè les porsones bel plan tl monn dl laûr.

  • Mediaziun mirada

La integraziun tl laûr se dà jö cun la mediaziun de porsones che chir da laûr, scrites ite tles listes dles categories sconades, te aziëndes che é obliades aladô dla lege n. 68 dl 1999, da tó sö porsones cun invalidité.

  • Mosöres de promoziun

Por daturs de laûr privać él odü danfora sostëgns finanziars, por promöie che al vëgnes tut sö porsones cun n impedimënt, l’adatamënt dl post de laûr o por la eliminaziun de barieres architetoniches.

(Sorvisc actualisá ai: 29/11/2019)

Ënt competënt

Zënter de mediaziun de laur Neumarkt
Palazzo provinciale Bassa Atesina, piazza Franz Bonatti 2/3, 39044 Neumarkt
Telefono: 0471 82 41 00
0471 82 41 01
E-mail: avz-neumarkt@provinz.bz.it
Website: http://www.provinz.bz.it/arbeit

Orar por la jënt:

Lönesc, mertesc,mercui, vëndres: dales 09.00 ales 12.00 

jöbia: dales 09.00 ales 12.00 y dales 14.30 ales 16.30