Lian sozial - Renunzia y anulamënt dl'alisiraziun por frabiché

N sorvisc dl'aministraziun provinziala de Südtirol

Descriziun generala

La porsona che ciafa l'alisiraziun po te vigni momënt renunzié al'alisiraziun por frabiché y damanè la straicada dl lian sozial:

a) tl caje de imprëst zënza fić ti mëssel gnì retü ala Provinzia na soma che ti corespogn al imprëst che romagn y ai fić legai sön l'imprëst che romagn; i fić vëgn calcolà dal pröm dé de amortamënt dl imprëst inant. La soma da ti dè ala Provinzia sciöche indenité por le lian sozial ne po nia ester mëndra co n terzo dl imprëst zënza fić che é gnü conzedü. Ti ultimi cater agn de dorada dl lian vëgn la soma smendrida vigni ann de n cuinto dla soma nominada dessura;

b) tl caje de imprëst alisiré làscion da paié le contribut de fić y le benefiziar mëss ti paié ala Provinzia la soma di contribuć por i fić paià, che ne po a vigni moda nia ester majera co la soma di contribuć de fić por cin agn. Ti ultimi cater agn de dorada dl lian vëgn la soma smendrida vigni ann de n cuinto dla soma nominada dessura;

c) tl caje de n contribut costant de diesc agn làscion da paié i contribuć y la porsona che ciafa l'alisiraziun mëss ti paié ala Provinzia na soma che corespogn ai contribuć paià, che ne po a vigni moda nia ester majera co la soma de cin agn. Ti ultimi cater agn de dorada dl lian vëgn la soma smendrida vigni ann de n cuinto dla soma nominada dessura;

d) tl caje de contribut de un n iade mëssel tl pröm dejenar de dorada dl lian gnì retü döta la soma. Tl secundo dejenar mëssel gnì retü, por vigni ann che manćia por arjunje i vint agn de lian, n diejim dl contribut de un n iade.

La renunzia dl'alisiraziun por frabiché ne dà nia le dërt d'amisciun a na alisiraziun nöia por la costruziun, la cumpra o la recuperada de n'abitaziun.

Por gnì indô ametüs a n'alisisiraziun por frabiché por na costruziun nöia, la cumpra o la recuperada de n'abitaziun, mëss l'alisiraziun ciafada daimpröma gnì anulada.

L'anulamënt vëiga danfora la retüda dl'alisiraziun ciafada, plü i fić storics. Chisc vëgn calcolà dala data dl paiamënt dl'alisiraziun ćina ala data dla restituziun.

N.B.:Dan la presentaziun dla domanda por l'anulamënt dl'alisiraziun por frabiché déssel gnì lascè controlè dal'ofize promoziun dl frabiché alisiré, sce an à ćiamò dötes les condiziuns che va debojëgn por ti rové ćiamò n iade pormez a n'alisiraziun por frabiché.

L'anulamënt dl'alisiraziun por frabiché comporta ma le fat che an n'é nia plü n componënt de na familia che é gnüda ametüda a n contribut publich por la costruziun, la cumpra o la recuperada de n'abitaziun (condiziun aladô dl art. 45 coma 1, lët. c dla l.p. n. 13/98).

(Sorvisc actualisá ai: 05/06/2018)

Ënt competënt

25.1. Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefonn: 0471 41 87 29 (Michaela Ploner)
Fax: 0471 41 87 39
PEC: wohnbauprogramm.programmazioneedilizia@pec.prov.bz.it
Plata internet: http://www.provincia.bz.it/edilizia-abitativa/

Orar por la jënt:

Sënta prinzipala a Balsan:

Palaz 12, Strada Kanonikus-Michael-Gamper 1, 39100 Balsan
(Ćiantun Strada Schlachthof) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES:

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

Terminns

Por l’anuzaziun de chësc sorvisc ne n’él da tignì ite degügn terminns particolars.