Assëgn statal por la familia

N sorvisc dl'aministraziun provinziala de Südtirol

Descriziun generala

Ara se trata de n provedimënt por sostignì les families cun almanco trëi mituns.

L'assëgn statal ti speta ales zitadines y ai zitadins comunitars y extracomunitars (che à l'autorisaziun de sojornanza lungia UE o l’autorisaziun de sojornanza y de laur combinada) che à la residënza te n comun dl Südtirol y che à chisc recuisić:

  • almanco trëi mituns sot ai 18 agn
  • la familia ne pó nia superé le parameter statal ISEE de referimënt. Por l'ann 2019 é le parameter mascimal 8.745,26 euro. 

La domanda mëss gnì dada jö pro n patronat che se cruziarà da ti la ortié inant al'Agenzia ASSE.

Metede averda! (DPCM n. 159 di 05.12.2013): che che fej domanda podarà ma jì dai patronać a dè jö la domanda sce ai à l'atestaziun dl'ISEE, che ti vëgn dada de regola diesc dis do che ai ti à dè jö al CAF la DSU (detlaraziun sostitutiva unica).

L'anuzaziun de chësc sorvisc é debann.

Lege Statala n. 448/98, art. 65 y mudaziuns suandëntes

Le dërt de ciafè l’assëgn pëia ia dal 1° de jenà dl ann te chël che al vëgn dant les condiziuns aladô dla lege (almanco trëi mituns sot ai 18 agn y na situaziun economica adatada).
Sce le recuisit de avëi almanco trëi mituns se verifichëia impormò do le 1° de jenà pëia ia le dërt dal pröm dé dl mëis do che le recuisit é gnü a s’l’dè.
Le dërt röia dal pröm dé dl mëis do chël che le recuisit vëgn manćia en referimënt ala composiziun dla familia.
L’assëgn vëgn calcolè sön la basa dl indicadù dla situaziun economica ("ISE") y vëgn paié fora te trëdesc mensilitês.
Import mascimal dl assëgn al mëis:
Dal 1.1.2019 al 31.12.2018: import complessif 1.877,46 Euro (144,42 Euro x 13 mëis)

Aladô dl art. 12, c. 2 dl D.L. di 6 de dezëmber dl 2011, n. 201 "Desposiziuns de prëscia por la chersciüda, la iustizia y le consolidamënt dles finanzes publiches", ne vara nia plü da paié fora cun assëgn bancar somes de o passa 1.000,00 Euro Düć i compënsc de passa 1.000,00 Euro messarà gnì paià fora sön cunć corënć bancars o postai.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.
 

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 08 (Franco Fiorillo)
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: https://aswe.provinz.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13:00 y dales 14.00 - 17.30

Terminns

La domanda mëss gnì presentada vigni ann y anter i 31 de jenà dl ann do (p.ej. domanda dl 2016 anter i 31 de jenà dl 2017).