Assëgn statal por maternité

N sorvisc dl'aministraziun provinziala de Südtirol

Descriziun generala

Al é n provedimënt de assistënza dl stat por les umes che é a ćiasa y zënza d'atri dërć por contribuć de maternité.

L'assëgn de maternité ti speta ales zitadines comunitares y extracomunitares che á l'autorisaziun de sojornanza UE por sojornanzes lunges o l’autorisaziun de sojornanza y de laur combinada, che á la residënza te n comun dl Südtirol.

  • Avëi ciafé, adoté o ciafé en afidamënt por l'adoté n möt;
  • ne ciafe nia n tratamënt previdenzial d'indenité de maternité o nen ciafé un plü bas co chësc assëgn;
  • la familia ne pó nia superé le parameter statal ISEE de referimënt. Por l'ann 2019 é le parameter mascimal 17.330,01 euro.

La domanda mëss gnì dada jö pro n patronat che se cruziarà da ti la ortié inant al'Agenzia ASSE.

Metede averda! Dal 1. de jenà dl 2015 inanat val en forza le DPCM n. 159 di 05.12.2013: che che fej domanda podarà ma jì dai patronać a dè jö la domanda sce ai à l'atestaziun dl'ISEE, che ti vëgn dada de regola diesc dis do che ai ti à dè jö al CAF la DSU (detlaraziun sostitutiva unica).

L'anuzaziun de chësc sorvisc é debann.

Decret legislatif n. 151/2001, art. 74 y mudaziuns suandëntes

L’assëgn vëgn calcolè vigni ann sön la basa de n import al mëis; al vëgn assegné 5 mensilitês te n paiamënt unich. Por mituns nasciüs dl 2019 él indöt 1.731,95 Euro (346,39 Euro x 5).

Aladô dl art. 12, c. 2 dl D.L. di 6 de dezëmber dl 2011, n. 201 "Desposiziuns de prëscia por la chersciüda, la iustizia y le consolidamënt dles finanzes publiches", ne vara nia plü da paié fora cun assëgn bancar somes de o passa 1.000,00 Euro. Düć i compënsc de passa 1.000,00 Euro messarà gnì paià fora sön cunć corënć bancars o postai.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

 

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 08 (Franco Fiorillo)
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: https://aswe.provinz.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 -13.0 y 14.00 - 17.30

Terminns

La domanda mëss gnì presentada te sis mëisc dala nasciüda, dal'adoziun o dal afidamënt dl möt dan l'adoziun.