Lian sozial - Sozesciun dl'alisiraziun por frabiché: trascriziun dl'alisiraziun a che che erpa

N sorvisc dl'aministraziun provinziala de Südtirol

Descriziun generala

Sce le benefiziar mör vëiga danfora l'articul 69 dla lege provinziala di 17 de dezëmber dl 1998, n.13  che l'alisiraziun ti vëgnes scrita ai suzessurs. Al é chëstes poscibilités:

  • L'alisiraziun vëgn scrita a düc i suzessurs, sce altamo un á i recuisic generai aladô dl art. 45 dla l.p. n. 13/98 y vir veramënter tres tl'abitaziun alisirada. Te chësc caje devënta düc i copatruns benefiziars. L'alisiraziun vëgn scrita a n su suzessur, sce le titolar dl dërt d'usufrüt o dl dërt d'abitaziun (art. 540 dl Codesc Zivil) à i recuisic generai y vir veramënter tres tl'abitaziun alisirada. Tl caje de trascriziun al om/ala fomena ne vëgnel nia controlè i recuisić generai por la trascriziun dl'alisiraziun, sce chësta porsona ê bele gnüda tuta en conscideraziun dala calcolaziun dl'alisiraziun, canche al ê gnü fat domanda y porchël êra bele benefiziara. Le dovëi da sté veramënter tres tl'abitaziun romagn.Le dërt d'abitaziun a bëgn dl om/dla fomena aladô dl art. 540 dl Codesc Zivil vëgn ma tut en conscideraziun sce al é bele gnü scrit ite tl liber fondiar. Te chësc caje ne vëgn i copatruns nia conscidrá y porchël ne devënti nia benefiziars.
  • Sce degügn di suzessurs n'á les condiziuns generales por l'amisciun ales alisiraziuns por le frabiché provinziales, po l'alisiraziun impò gnì scrita ai suzessurs, sce l'abitaziuns vëgn dada en locaziun o imprestada a n parënt cina al terzo degré che á i recuisic generai preodüs dal art. 45 dla l.p. n, 13/98, o al IPFS o al Comun o, sce chisc n'ô nia la tó en afit, a porsones che á i recuisic generai. L'afit ne po nia ester majer co le 75 % dl afit provinzial. Le dovëi da sté veramënter tres tl'abitaziun romagn. Por les modalités de domanda al'IPES o al Comun sëise dër bel periá da damané do tl Ofize Programaziun dl frabiché alisiré.

L'alisiraziun ti mëss gnì scrita ai suzessurs te 1 ann dala data de mort dl benefiziar.

Sce l'alisiraziun ne po nia gnì scrita mëss i suzessurs damanè la revocaziun dl'alisiraziun dl frabiché. Les somes vëgn calcolades cun les faziuns preodüdes dal art. 64 dla l.p. n. 13/98 pian ia dala data de mort dl benefiziar. Do la retüda de ći che an â damanè vëgnel dé le nulla osta por la straicada dl liam sozial y, sce scrit ite, dl imprëst a bëgn dla Provinzia Autonoma de Balsan. La straicada dl liam sozial/imprëst vëgn damanada adöm cun la istanza de revocaziun.

Sce l'abitaziun é gnüda fata sö sön terac alisiré á le liam na dorada de 20 agn. L'abitaziun po ma gní dada en afit o venüda a porsones cun i recuisic por l'assegnaziun de raiuns edificabli alisirá tl comun. Do 20 agn pon damané che le liam vëgnes straiché.

Aladô dl articul 62, coma 4 dla lege provinziala di 17 de dezëmber dl 1998, n. 13, po la zesciun de cuotes d'arpejun danter coarpadus gnì fata zënza autorisaziun da pert dl Diretur dla Repartiziun Frabiché abitatif. Tl caje de zesciun de cuotes d'arpejun danter coarpadus do la trascriziun dl'alisiraziun ai suzessurs, romagn i cosć y i dovëis che vëgn dal liam sozial dl frabiché abitatif de che resultëia ciamó sciöche patrun.

(Sorvisc actualisá ai: 27/01/2020)

Ënt competënt

Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefono: 0471 / 41 87 18 (Adriana Mazza)
0471 / 41 87 23 (Stefania Gennaccaro)
Fax: 0471 41 87 39
E-mail: wohnbauprogrammierung@provinz.bz.it
PEC: wohnbauprogramm.programmazioneedilizia@pec.prov.bz.it
Website: http://www.provinzia.bz.it/

Orar por la jënt:

Sënta prinzipala a Balsan:

Palaz provinzial 12, strada Kanonikus-Michael-Gamper 1, 39100 Balsan
 - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES:

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

Terminns

L'alisiraziun da frabiché mëss gní scrita ai suzessurs te n 1 ann dala data de mort dl benefiziar. Sce an ne se tëgn nia a chësc terminn vegn l'alisiraziun revocada pian ia dala data de mort dl benefiziar y cun les faziuns preodüdes dal art. 64 dla l.p. n. 13/98 y aladô dles modalités preodüdes dal art. 12 dla l.p. n. 5/16.