Iscriziun tl register provinzial di laboratori por l'autocontrol tl'alimentaziun

N sorvisc dl'aministraziun provinziala de Südtirol

Descriziun generala

Les impreses alimentares mëss s’anuzé dl autocontrol pro süa produziun.
Tl cheder dl autocontrol él da fá analises por garantí l’igiena y la segurëza de sü produc. Les analises vëgn fates da laboratori por l’autocontrol.
Ajache nia düc i produturs de alimentars n’á laboratori interns por l’autocontrol pó les analises alimentares ince gní fates fá da laboratori esterns. I laboratori estern che fej analises alimentares por produturs alimentars mëss ester acreditá y ester scric ite tl register provinzial aposta.
Le register provinzial vëgn autorisé dal assessur provinzial competënt/dal’assessuria provinziala competënta y tigní dal Ofize Prevenziun, promoziun dla sanité y sanité publica (23.5).
Le register atualisé é sot informaziuns por impreses alimentares.

Tl register provinzial pól ma se scrí ite labori cun la sënta tl Südtirol.
I laboratori esterns mëss ester zertificá aladô dl UNI CEI EN ISO/IEC 17025 por tesć o grups de tesć tres n’organisaziun d’acreditaziun reconesciüda che laora aladô dl UNI CEI EN ISO/IEC 17011. 

  • copia dl’atestaziun de acreditaziun o
  • copia dl contrat cun l’organisaziun d’acreditaziun sciöche confermaziun che an é piá ia cun la prozedöra por ciafé l’acreditaziun;
  • la lista dles analises acreditades o grups d’analisa por chëres che al vëgn damané la registraziun y la lista dles analises che mëss ciamó gní acreditá partis ite te analises microbiologiches y chimiches. I alimentars analisá, les metodes d’analisa adorades y les desposiziuns varëntes mëss gní dades dant. Por le register dles analises pól gní scrit fora le formular aposta o gní ajunté la lista arjignada dala sënta d’acreditaziun da chëra che an vëiga les informaziuns damanades.

I laboratori nia acreditá pó gní scric ite tl register provinzial sce ai ajunta na copia dl contrat stlüt jö cun l’organisaziun d’acreditaziun che confermëia che le prozedimënt por ciafé l’acreditaziun é pié ia. L’acreditaziun mëss gní stlüta jö te 18 mëisc dal’iscriziun tl register provinzial y ti mëss gní lasciada alsavëi al Ofize provinzial Prevenziun, Promoziun dla sanité y Sanité publica tl medemo termo.

  • 250 € de spëises d'aministraziun
    La comunicaziun ala porsona che fej domanda che alda lapró pornanche la registraziun é gnüda fata;
  • 2 martli da bol da 16,00 €: un n martl da bol por la domanda de registraziun y un por le decret dl assessur provinzial/dl’assessuria provinziala.

Por vigni sënta operativa dl labor mëssel gní fat na domanda de registraziun nöia. Sce al se müda la sënta operativa dl labor mëssel gní dé jö na domanda de registraziun nöia.

Le rapresentant legal dl labor ti lascia alsavëi al ofize competënt (23.5)

  • vigni mudaziun di dac che é gnüs lasciá alsavëi tratan la registraziun (por ejëmpl n rapresentant legal nü, mudaziuns dla forma dla sozieté o  mudaziun dles analises acreditades);
  • le resultat di controi periodics fac dal’organisaziun d’acreditaziun y plü avisa te 30 dis da canche al á ciafé la comunicaziun di resultac dl control.

I laboratori pó inciarié n ater laboratore da fá certi tesć sce le laboratore é scrit ite tl register provinzial dla Provinzia autonoma de Balsan o sce le laboratore laora te n paîsc dl’UE y é gnü acredité aladô dles normes UNI nominades dessura.
Le laboratore che dá l’inciaria mëss ti mëte a desposiziun al’autorité de control la documentaziun da chëra che an vëiga che le laboratore terzo pó fá les analises surandades. La Provinzia autonoma de Balsan pó fá i controi ofiziai tl laboratore terzo o damané do dac de control pro le laboratore terzo.

(Sorvisc actualisá ai: 07/11/2019)

Ënt competënt

Ofize Prevenziun, Promoziun dla sanité y Sanité publica
Palazzo 12, via Canonico Michael Gamper 1, 39100 Balsan
Telefono: 0471 41 81 60
0471 41 81 61
E-mail: praevention@provinz.bz.it
PEC: praevention.prevenzione@pec.prov.bz.it
praevention.prevenzione@pec.prov.bz.it
Website: http://www.provinz.bz.it/gesundheit-leben/gesundheitsfoerderung/default.asp

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

Der Antrag kann jederzeit eingereicht werden.