Contribut por la dërta indenité por l’aministraziun de sostëgn

Descriziun generala

Ales porsones sotmetüdes a aministraziun de sostëgn cun un davagn bas, ti pól gní dé n contribut por ti paié a so aministradú de sostëgn la dërta indenité, che le vicar de ghiravanza dl tribunal de Balsan ti á surandé.

La soma dl contribut depënn dala soma dla dërta indenité assegnada dal vicar de ghiravanza, che vëgn dal at de paiamënt che al á sortescrit, y ne pó nia jí sura i 1.200 euro al ann fora.

Le contribut vëgn ma conzedü sce la porsona sotmetüda a aministraziun de sostëgn y so aministradú de sostëgn ademplësc i recuisic, da cumproé tres na detlaraziun sostitutiva aladô dl art. 5 dla lege provinziala di 22 d'otober dl 1993, n. 17:

  1. la familia de fat dla porsona sotmetüda a aministraziun de sostëgn á n valur dla situaziun economica de alplü 1,22. 
  2. L’aministradú o l'aministradëssa de sostëgn dla porsona aministrada:
    • é tla lista provinziala preodüda dal articul 5 dla lege provinziala di 16 de messé dl 2018, n. 12;
    • n'é nia l'om/la fomena o le/la partner che convir cun la porsona aministrada;
    • n'á nia lians de parentela o afinité cina al terzo degré cun la porsona aministrada;
    • n'é nia tl register dles profesciuns iudiziares o contables, o ne fej nia chësc laur de profesciun.

Chëstes porsones ti pó pormez ales prestaziuns de assistënza soziala economica, sce ares se tëgn sö te na manira permanënta y zënza interuziun da almanco dodesc mëisc tl Südtirol denanco presenté la domanda:

  • les zitadines y i zitadins talians;
  • les zitadines y i zitadins di stac dl'Uniun europeica;
  • les zitadines y i zitadins de stac terzi che é titolars de n'autorisaziun de sojornanza dl'UE a tëmp lunch, relasciada tla Talia;
  • porsones che á le status de sciampé;
  • porsones che á le status de proteziun sussidiara;

Implü á ince chëstes porsones le dërt da ti podëi pormez ales prestaziuns de assistënza soziala economica, do da cin agn de sojornanza permanënta y de residënza zënza interuziun tl Südtirol, tan inant che ares se tëgn sö legalmënter tl teritore nazional:

  • les zitadines y i zitadins de stac terzi;
  • les zitadines y i zitadins zënza n stat.

L’anuzaziun de chësc sorvisc é debann.

Recursc Cuntra la dezijiun dl ënt pól gní fat recurs gerarchich tl tëmp de 45 dis dala comunicaziun por rajuns de legitimité - aladô dl articul 9 dla lege provinziala di 22 d'otober dl 1993, n. 17 y dl articul 4 dla lege provinziala di 30 d'aurí dl 1991, n. 13 - pro la Seziun recursc - Repartiziun Sozial.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 02/03/2020)

Ënt competënt

Sozialsprengel BOZEN Don Bosco Europa – Sitz Europa
Palermostraße 54, 39100 Balsan
Telefono: +39 0471 502750
Fax: +39 0471 502734
E-mail: SprengelEuropa@sozialbetrieb.bz.it
PEC: assb@legalmail.it

Terminns

Te vigni momënt pón jí dal Raiun sozial competënt - Sorvisc d'assistënza economica por dé jö la domanda y ciafé aiüt.

Por les prestaziuns d'assistënza economica soziala, vëgn la prestaziun paiada fora pian ia dal pröm de dl medemo mëis, sce la domanda vëgn presentada cina le 20ejim de dl mëis; sce la domanda vëgn dada jö do le 20ejim de dl mëis, vëgn la prestaziun paiada pian ia dal pröm de dl mëis dedô.

De regola vëgn la soma paiada fora te un n iade un n iade al ann, porimpó pól ince gní paié fora plü de un n iade, sce al é de plü aministradus ia por le medemo ann.