Spaterlada de patüc da mangé y de d’atri produc

N sorvisc dl'aministraziun provinziala de Südtirol

Descriziun generala

Le Südtirol ó promöie mosöres concretes cuntra la spaterlada tles fases de produziun, trasformaziun, destribuziun y soministraziun de patüc da mangé, medejines, guant de secunda man y d’atri produc.

La lege provinziala di 13 de merz dl 2018, n. 2 "Sostëgn de scomenciadies cuntra la spaterlada de patüc da mangé y d’atri produc" stlarësc les regoles y les modalités por dé inant debann patüc da mangé dessurora che pó ciamó gní consumé, medejines, guant y azessurs de secunda man y d'atri produc nia alimentars che pó gní scincá por fins soziai. Chësta lege ne dess nia ma valorisé l’ativité de solidarieté y de benefiziënza, che s’orientëia ai prinzips dla responsabilité soziala, mo ince porté pro a na miú sostignibilité ambientala ciaran plü che ara vá da smendrí les spaterlades tles fases de produziun, trasformaziun, destribuziun y soministraziun de patüc da mangé y d’atri produc.

Tla lege vëgnel ince descrit les mosöres che la Provinzia y i ënc locai pró da sostigní por arjunje i fins preodüs dala lege: ara se trata de mosöres de prevenziun che ó da öna na pert promöie na gestiun responsabla de ci che é dessurora (prevenziun) y dal'atra ciaré che chësc patüc vëgnes ince recuperé.

Por programé mosöres efiziëntes cuntra les spaterlades te döta la provinzia y monitoré süa atuaziun vëgnel metü sö na Mësa por le coordinamënt dles politiches de smendrimënt dles spaterlades y de destribuziun di produc dessurora.

La Provinzia sostëgn implü ince l’istituziun de n comité tecnich formé da esperc dl setur che á les competënzes che vá debojëgn por le svilup de n sistem de control y de gestiun por smendrí les spaterlades y sostigní la destribuziun dl patüc da mangé y dles medejines dessurora.  


(Sorvisc actualisá ai: 06/02/2019)

Ënt competënt

Ofize por la Sconanza di mëndri y l'inclujiun soziala
Palazzo 12, via Canonico Michael Gamper 1, 39100 Balsan
Telefono: 0471/418242 Ceccarelli Maria Teresa
0471 41 82 31
Fax: 0471 41 82 49
E-mail: minoriinclusione@provincia.bz.it
PEC: kinderjugendinklusion.minoriinclusione@pec.prov.bz.it
Website: http://www.provinzia.bz.it/