Assëgn por la familia provinzial +

N sorvisc dl'aministraziun provinziala de Südtirol

Descriziun generala

Le contribut integratif dl assëgn por la familia provinzial é n sostëgn finanziar por les families olache le pere á n laur dependënt tl setur privat tla provinzia de Balsan y s’anüza dl’aspetativa parentala ti pröms 18 mëisc de vita de süa möta/so möt y por almanco dui mëisc intiers zënza interuziun.
Por i peri adotifs o afidatars pëia ia i 18 mëisc dala data dl provedimënt d’adoziun o afidamënt.

La porsona che damana do le contribut integratif:

  • mëss bele avëi dé jö la domanda d'assëgn por la familia provinzial preodü dal art. 9 dla lege provinziala di 17 de ma dl 2013, n. 8 che se referësc al tëmp por chël che al vëgn damané le contribut integratif;
  • mëss avëi düc i recuisic che vá debojëgn por ciafé l'assëgn por la familia provinzial.

Le pere, ince adotif o afidatar:

  • mëss avëi n laur dependënt tl setur privat tla provinzia de Balsan;
  • mëss s’avëi anuzé dla aspetativa parentala preodüda dal articul 32 dl Decret legislatif di 26 de merz dl 2001, n. 151, y mudaziuns suandëntes ti pröms 18 mëisc de vita de süa möta/so möt por altamo dui mëisc intiers zënza interuziun.
    Por mëis intier zënza interuziun minon le tëmp danter le de de n mëis y le de denant dl mëis dedô (por ej. dai 28 de messé dl 2016 ai 27 d’agost dl 2016
  • mëss, sce al n'é nia la porsona che á fat domanda de contribut integratif, fá pert dla familia detlarada tla domanda de assëgn por la familia provinzial.

 N.B. Le contribut integratif ne ti speta nia sce la möta/le möt s’á anuzé de n sorvisc por la pröma infanzia canche le pere ê tla aspetativa parentala por chëra che al damana le contribut integratif.

Copia dla cherta d’identité dl damandant tl caje de domanda ortiada por e-mail o fax Copia dla cherta d'identité dl damandant tl caje de domanda ortiada por e-mail o fax.

I sorvisc pità dai patronac y dai zëntri de assistënza fiscala é debann.

Tan dî ciafon pa le contribut integratif?
Le contribut integratif vëgn conzedü por almanco dui y alplü trëi mëisc intiers zënza interuziuns de aspetativa parentala.
Por mëis intier zënza interuziun minon le tëmp danter le de de n mëis y le de denant dl mëis dedô (por ej. dai 28 de messé dl 2016 ai 27 d’agost dl 2016).

Olá fejon pa domanda?
La domanda pó gní presentada diretamënter al’ASSE, o tres i Patronac dla Provinzia autonoma de Balsan, che la ortia inant al’ASSE.

Cai é pa i termins de presentaziun dla domanda?
La domanda pó gní presentada pian ia dala data olache le pere á rové l’aspetativa parentala por chëra che al damana le contribut integratif y nia do 90 dis da chësta data.

Tan alt é pa l'assëgn por la familia?
Le contribut integratif é de:

  • 400,00 euro al mëis sce le pere ciafa n'indenité dl 30% dla retribuziun tratan le tëmp de aspetativa parentala por chëra che al fej domanda de contribut integrati;
  • 800,00 euro al mëis sce le pere ne ciafa degöna retribuziun tratan le tëmp de aspetativa parentala por chëra che al fej domanda de contribut integratif;
  • 600,00 euro al mëis sce le pere ciafa n'indenité dl 30% dla retribuziun ma por na pert dl tëmp de aspetativa parentala por chëra che al fej domanda de contribut integratif.

Can gnarál pa paié fora l'assëgn?

Le contribut integratif vëgn paié te un n iade cun l’assëgn por la familia provinzial y aladô dles medemes modalités.

Co gnarál pa paié fora l'assëgn?

Le contribut gnará paié fora sön le cunt bancar dé dant sön la domanda.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

 

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 18 (Elisabeth Brichta)
0471 41 83 05 (Silvia Clò)
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: https://aswe.provinz.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30