L'ejam de trilinguism

N sorvisc dl'aministraziun provinziala de Südtirol

Descriziun generala

I ejams de bi- y trilinguism vëgn fac - sciöche preodü dal Statut d'autonomia - aladô dl D.P.R. n. 752 di 26.07.1976.
I cater liví dl ejam de trilinguism (A, B, C, D) ti corespogn ales conescënzes che vá debojëgn aladô dl titul de stüde preodü por i liví funzionai desvalis dl'aministraziun publica. Por ciafé tl'aministraziun publica tl Südtirol n post resservé al grup linguistich ladin, mësson avëi l'atestat de triliguism.

L’ejam de trilinguism é metü adöm dal ejam de talian, todësch y dal ejam de ladin. Por fá l’ejam de trilinguism mësson se scrí ite sides al ejam de talian y todësch che al ejam de ladin. L’ejam de talian y todësch y l’ejam de ladin vëgn fac te dis desvalis. L’ejam de ladin pó gní fat sides por ladin dla Val Badia che por ladin de Gherdëna.  

Les porsones interessades de belanfat ci nazionalité pó se scrí ite canche ares ó al ejam de ladin. L'amisciun al ejam de ladin ne n'é nia liada a n titul de stüde.
Che che oress sostigní n ejam che ne ti corespogn nia a so diplom pó zënzater le fá. Porimpó pón ma se scrí ite al ejam de un n livel. Canche an á stlüt jö chësc, pón se scrí ite danü por le medemo o por n ater livel.

Limic minimai d‘eté:

  • livel A y B: 17 agn
  • livel D y C: 14 agn

Tres osc Cunt digital (inom dl utënt y password), podëise ortié online osta iscriziun diretamënter da osc computer, tablet o smartphone. Sce i ëis bele ativé la Cherta di sorvisc ëise n inom dl utënt y na password y i podëis ti rové pormez al'iscriziun clican sön l’icona "Vai pormez al sorvisc online".
Le vantaje é che i ciafëis döta la corespondënza tl Raiun Privat y i ciafëis atira sides la confermaziun che i s’ëis scrit ite, che ince la convocaziun al ejam o comunicaziuns desvalies sön osta domanda. Implü ciafa l’utënt n avis por sms y por e-mail vigni iade che n documënt nü vëgn metü tl Raiun Privat.

Che che n’á nia ciamó ativé la Cherta di sorvisc pó adoré le formular aposta da ortié ala sënta dl Sorvisc Ejams de bi- y trilinguism, strada Perathoner 10, 39100 Balsan ince por posta eletronica. An ne tignará nia cunt de documënc nia da lí o nia scric fora daldöt.

An ne tignará nia cunt de documënc nia da lí o nia scric fora daldöt.
Le de dl ejam mësson se tó para n documënt d’identité che vel y n biro bröm o fosch.

L’ejam de ladin é debann.

Decret dl Presidënt dla Republica di 26 de messé dl 1976, n. 752, y ai criters che toca pro i ejams publicá tl Boletin Ofizial dla Regiun.

Sön nosta plata internet ciafëise sön les plates de vigni livel n valgügn ejëmpli por vigni proa.
Al pó ester d’öga da ti ciaré a chëstes plates internet::

I ejams vëgn ma fac te nosta sënta a Balsan tla strada Perathoner 10 tla secunda alzada. Ai mët man dales 8.45 da doman.
I messëis rové adalerch adora assá y se tó para n documënt d'identité che vel y na biro börna o foscia.
La sënta di ejams de trilinguism é te cité a Balsan, danter la staziun dles corieres y chëra dla ferata, dlungia le parch.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 10/10/2017)

Ënt competënt

Servisc Ejams de bi- y trilinguism
str. Dr. Julius Perathoner 10, 39100 Balsan
Telefonn: 0471 413900
Fax: 0471 413999
E-mail: el@provinzia.bz.it
PEC: zdp.ebt@pec.prov.bz.it
Plata internet: http://www.provinzia.bz.it/trilinguism

Orar por la jënt:

Lönesc - mercui: 8.30 - 12.00, 14.00 - 16.00
Jöbia: 8.30 - 13.00, 14.00 - 17.30
Vëndres: 8.30 - 12.00

Terminns

I ejams de ladin depënn dal numer de iscriziuns y vëgn fac plü o manco un n iade al mëis. L'iscriziun pó gní fata tres y an tëgn cunt dl ordin cronologich.
I EJAMS
Por i liví A, B y C vëgnel azerté les competënzes rezetives, sciöche la comprenjiun tl ascuté sö y da lí, y ince les competënzes produtives dl lingaz scrit y a usc. L'ejam dl livel D, indere, é metü adöm da n ejam a usc, sciöche ince da na proa da tl ascuté sö y de comprenjiun dl test.
An pó se scrí ite te vigni momënt online  o cun i formulars aposta. L'ejam de ladin é debann.

Sce i ëis prescia, ajache i messëis por ejëmpl tó pert a n concurs publich, vára da damané - sce ara vá a livel organisatif - da fá l’ejam denant. Scriede fora prëibel le formular aposta y tignisse ales indicaziuns che toca lapró.