Sostëgn dles südtirolejes y di südtirolesc foradecà

N sorvisc dl'aministraziun provinziala de Südtirol

Descriziun generala

Assoziaziuns, organisaziuns y istituziuns

Te chësc cheder ti vëgnel conzedü contribuć ales assoziaziuns, organisaziuns y istituziuns. Chësta disciplina vëgn regolamentada dala lege provinziala di 5 de novëmber dl 2001, n. 13 „Provedimënć por les südtirolejes y i südtirolesc foradecà".

I criters por la conzesciun de alisiraziuns a bëgn dles südtirolejes y di südtirolesc foradecà aladô dla lege provinziala nominada dessura, che é gnüs aprovà dala Junta provinziala cun deliberaziun n. 1213 di 20.10.2015, stabilësc i seturs d’intervënt, la mosöra dl finanziamënt, sciöche inće les modalitês de gestiun y de decunt. Le finanziamënt dles scomenciadies vëgn aprovè cun decret.

La domanda de contribut mëss gnì dada jö ćina ai 31 de jenà de vigni ann tl Ofize Osservaziun marćé dl laûr dla Junta provinziala. La domanda mëss ti corespogne al formular dl ofize competënt y gnì sotescrita dala rapresentanta legala o dal rapresentant legal.

Le decunt di contribuć ti mëss gní presentada al ofize competënt te n ann dala conzesciun y é metü adöm da: 

  • na domanda de paiamënt dl contribut conzedü scrita fora tres le formular metü a desposiziun dal ofize competënt
  • na lista dles spëises da olache an vëiga i dac essenziai dla documentaziun dles spëises
  • na detlaraziun firmada dala rapresentanta legala o dal rapresentant legal dl’organisaziun o istituziun sön les spëises che an á veramënter albü, en referimënt ales spëises totales ametüdes al contribut
  • na lista dles porsones che á fat ativités de volontariat aladô dl coma 1, cun indicaziun dl numer de ores d’ativité fates por chësc fin
  • na relaziun sön l'ativité


Al po benefizié dles alisiraziuns les organisaziuns y istituziuns cun sënta tl Südtirol o al èster metüdes sö o manajades da südtirolejes o südtirolesc jüs foradecà o che se dà jö deplëgn o dantadöt cun i interesc de chisc grups: südtirolejes y südtirolesc foradecà, pendolares y pendolars de confin, confinantes/confinanć che va regolarmënter iadelà dal confin; les organisaziuns y les istituziuns mëss avëi chëstes condiziuns: degöna intenziun de davagn, na strotöra democratica y l'iscriziun tl register dles organisaziuns y istituziuns aladô dl articul 4 dla lp 13/2001.


Gnì zoruch a ćiasa

Metede averda: Dal 1. d’aurí dl 2016 n’él nia plü mesi finanziars a desposiziun.

Por l’anuzaziun de chësc sorvisc ne vêlel degönes condiziuns d’azès particolares.

Martl da bol da 16,00 €

(Sorvisc actualisá ai: 17/05/2017)

Ënt competënt

19.1. Ofize Osservaziun marćé dl laûr
Palazzo 12, via Canonico Michael Gamper 1, 39100 Balsan
Telefonn: 0471 41 85 10
0471 41 85 11
Fax: 0471 41 85 39
PEC: amb.oml@pec.prov.bz.it
Plata internet: http://www.provinz.bz.it/arbeit

Terminns

  • Por assoziaziuns, organisaziuns y istituziuns: ai 31 de jenà