Iscriziun online ales scores dla Provinzia Autonoma de Balsan – Südtirol

N sorvisc dl'aministraziun provinziala de Südtirol

Descriziun generala

L’iscriziun por l’ann scolastich 2021/2022 pó ma plü gní fata ONLINE:

L’iscriziun ala scora mesana vëgn fata d’ofize tla medema direziun raionala o tla scora competënta por le teritore, sce al n’é nia dailó na scora mesana.

L’azes al sorvisc online é ma atif ti dis dl’iscriziun (sce al é da odëi le botun “Sorvisc online”). L’iscriziun online pó gní fata tres SPID o cun la Cherta di sorvisc ativada (te vigni comun dl Südtirol, le sorvisc é debann).  Sön myCIVIS ciafëise dötes les informaziuns.

Informaziuns d’öga sön l’iscriziun online a na scora:

  • an pó ma se scrí ite te öna na scora;
  • i dac che vëgn bele dant tl formular online se referësc ma a chi dl Sistem informatif scolastich dla Provinzia autonoma de Balsan;
  • an mëss se scrí ite online cina ai termins dá dant dessura;
  • n iade che an s’á scrit ite online ciafon na confermaziun che atestëia, che la prozedöra é gnüda stlüta jö sciöche al alda;
  • la comunicaziun sön l’azetaziun o manco dl’iscriziun vëgn ortiada ti dis suandënc dala scora.

Domanda d’iscriziun a na scora desvalia da chëra de competënza teritoriala:

Sce an ó se scrí ite te na scora desfarënta da chëra de competënza teritoriala, mësson se scrí ite online ala scora de competënza teritoriala y spo mësson ti dé jö ala scora de competënza, cina ala data preodüda por l’iscriziun, la domanda de trasferimënt sön papier.

Da chësc sorvisc online é stlüt fora l’iscriziun ala scora mesana (vëgn fata d’ofize), ala formaziun profescionala, ala scora de musiga, la cumpra de bons por la mensa y l’abonamënt por i trasporc

Le sorvisc é debann y an pó chirí fora co s’autentifiché:

  • tres SPID (Sistem publich de identité digitala) o
  • cun la Cherta di sorvisc ativada, le PIN y le letur istalé;

Te myCIVIS ciafon dötes les informaziuns sön co ativé la Cherta di sorvisc, co istalé le letur y le software clican sön chësc link.

Deplü informaziuns sön le SPID ciafon sön la plata te myCIVIS  clican sön https://my.civis.bz.it/public/it/spid.htm

Le sorvisc é debann.

Por informaziuns pón contaté l’Intendënza y Cultura ladina:

Telefon: 0471 41 70 00
E-mail: intendenza-ladina@provinzia.bz.it

Por problems tecnics cherdede sö le Callcenter sot al numer vërt 800 816836 o scriede na e-mail a: servicedesk@provinz.bz.it

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 11/01/2021)

Ënt competënt

Provinzia Autonoma de Bulsan - Südtirol
39100 Balsan
Telefono: 0471 416938 Deutsche Bildungsdirektion für Schuleinschreibung (für Kindergarteneinschreibung Tel. 0471 417650)
0471 411320 Ufficio amministrazione scolastica (per l'iscrizione Scuole dell’infanzia in lingua italiana 0471 400719)
0471 417000 Direziun provinziala Scolines y scores ladines
Website: http://www.provinz.bz.it/formaziun-lingac/scora-ladina/la/default.asp Intendënza y Cultura ladina

Terminns

  • Iscriziun online ala scolina dai 4 ai 14 de jená dl 2021
  • Iscriziun online ala scora elementara dai 7 ai 24 de jená dl 2021
  • Iscriziun online ala scora alta y profescionala dai 15 de jená ai 15 de forá 2021

L’azes al sorvisc online é ma atif ti dis dl’iscriziun (sce al é da odëi le botun “Sorvisc online”).