Gestion de n’apoteca tla forma de sozietà

N sorvisc dl'aministraziun provinziala de Südtirol

Descriziun generala

Coche udù danora dala normativa dl setor possa la titularità dl eserzize dl’apoteca privata unì cunzeduda, ora che a persones fisiches, nce a sozieteies de persones y a sozieteies cooperatives cun respunsabltà limiteta.
L’autorisazion ala sozietà de mené n’apoteca vën data cun pruvedimënt definitif dal’autorità cumpetënta che ie la Repartizion Sanità. La Repartizion Sanità recunësc, for cun n decret aposta, uni mudazion che reverda la rejon soziela y la cumposizion dla sozieteies tituleres de  n’apoteca sciche nce la direzion dl’apoteca meneda da chësta sozietà.

Gestion dl’apoteca tla de sozietà:
La sozietà muessa avëi coche sëul oget la gestion de una o plu apoteches, nchin al plu cater apoteches, dutes nluegedes sun l teritore provinziel te chël che la sozietà à sënta leghela.
L possa mé vester cumëmbri dla sozietà apotecheri scric ite tl album, che à l recuisit dl’abltà, uel dì che à bele dant davanià l’abltà te n cuncors o che à fat almanco doi ani de pratica prufescionela.

La direzion dl’apoteca meneda tla forma de sozietà ti vën sëurandata a un di cumëmbri dla sozietà che nen ie respunsabl. L diretëur/La diretëura muessa avëi l atestat de cunescënza dla rujenedes tudëscia y italiana n referimënt al diplom de laurea aldò di articuli 3 y 4 dl Decret dl Presidënt dla Republica di 26 de lugio 1976 n. 752 y mudazions suzessives o zertificazions detlaredes de valor valif. Sce l  se trata de n’apoteca nluegeda te n raion ladin, iel udù danora per l diretëur/la diretëura coche recuisit l atestat de trilinguism.

Sostituzion dla direzion: Tl cajo d’assënza curta dl diretëur/dla diretëura muessa l’adurvanza dla doi rujenedes provinzieles tudësch y talian vester segureda. Tl cajo de n’assënza dl diretëur/dla diretëura de plu che 7 dis muessa l sostitut/la sostituta, cumëmber dla sozietà, avëi una dla zertificazions de cunescënza dla doi rujenedes dla provinzia nunziedes dessëura. La comunicazion dla sostituzion muessa unì fata tl tëmp dl setim di dla sostituzion nstëssa ala Repartizion sanità, Ufize Raions saniteres.

Sce l resta mé plu un n cumëmber dla sozietà: tl tëmp de sies mënsc possa l cumëmber dla sozietà che resta tò su d’autri cumëmbri nueves tl respet dla cundizions ududes danora dala lege.

Suzescion, per gauja de mort, de na cuota de sozietà:
Sce la persona n cuestion ne n’à nia i recuisic udui danora dala normativa n forza (abltà desmustreda te n cuncors fat dant o doi ani de pratica prufescionela) muessela ti lascé la cuota de partezipazion tl tëmp de sies mënsc dala detlarazion de suzescion a n soget che à i recuisic damandei.
Cundizions de ncumpatibltà cun la partezipazion ala sozietà che mëina n’apoteca ie dates da:

  • uni sort d’autra atività dejëuta tl setor dla produzion, ntermediazion y nfurmazion scientifica de na medejina;
  • la posizion de tituler/titulera, gestëur provisore/gestëura provisora, diretëur/diretëura o culaboradëur/culaboradëura de n’autra apoteca che no chëla de chëla che ie titulera la sozietà de chëla che l apotecher/l’apotechera ie cumëmber.
  • uni sort de raport de lëur publich o privat.

Comunicazions ublientes

L statut dla sozieteies y uni mudazion fata dadedò muessa unì comunichei tl tëmp de 60 dis dala data dl’autorisazion dla gestion dl’apoteca

  • al Ufize provinziel cumpetënt Raions saniteres,
  • ala Federazion di ordens di apotecheri talians,
  • al Orden provinziel di apotecheri.

Copia dl at notariel che documentea che l ie unit fat l trasferimënt de titularità y de uni mudazion che reverda la sozietà.

3 marches da bol da euro 16,00

  • Lege 8 nuvëmber 1991, n. 362
  • Lege 2 d’auril 1968, n. 475
  • Lege provinziela di 11 d’utober 2012, n. 16

(Sorvisc actualisá ai: 23/04/2020)

Ënt competënt

Ofize Govern sanitar
Palazzo 12, via Canonico Michael Gamper 1, 39100 Balsan
Telefono: 0471 41 80 50
0471 41 80 51
E-mail: gesundheitssteuerung@provinz.bz.it
PEC: gesundheitssteuerung.governosanitario@pec.prov.bz.it
Website: http://www.provinzia.bz.it/

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

Uni mudazion dla titularità che reverda o la sozietà o la direzion dl’apoteca meneda dala sozietà muessa unì comunicheda debota al Ufize Govern sanitar, Repartizion Salut.
L statut dla sozietà y uni mudazion suzessiva muessa unì comunichei tl tëmp de 60 dis dala data dl’autorisazion tres decret dl diretëur/dla diretëura dla Repartizion sanità

  • al Ufize provinziel cumpetënt
  • ala Federazion di ordens di apotecheri talians,
  • al Orden provinziel di apotecheri.