Detlaraziun unificada dl davagn y dl patrimone - DUDP

N sorvisc dl'aministraziun provinziala de Südtirol

Descriziun generala

La DUDP - "Detlaraziun Unificata dl Davagn y dl Patrimone" é na detlaraziun sön la situaziun economica che mëss gnì dada jö por ti rové pormez a n valgönes prestaziuns economiches o alisiraziuns de tarifes tl setur sozial y sanitar.

Tl Südtirol êl feter por düć i seturs, olache al vëgn paié fora contribuć o al é preodü le paiamënt de tarifes (por ej. l’assistënza soziala, le sostëgn ales families, le frabiché abitatif, l’assistënza scolastica) criters por la valutaziun dl davagn y dl patrimone de che che faj domanda. Chisc criters de valutaziun ê gnüs portà ite aladô di seturs cun le passè dl tëmp por assegné les prestaziuns publiches a na manira iüsta.

Le fin dla Detlaraziun Unificada dl Davagn y dl Patrimone, metüda sö dala Provinzia cun Decret dl Presidënt dla Provinzia di 11 de jenà dl 2011, n. 2, é da unifiché le sistem de relevamënt dl davagn y dl patrimone por ti rové pormez ales prestaziuns provinziales y da le organisé sot forma de n formular de relevamënt unich y na banca dać zentrala. Vigni porsona messarà ma dè jö öna na detlaraziun al ann, che i seturs adorarà por les domandes de prestaziuns ciafades.

Le fat che al sides sistems de relevamënt desvalis sforza da un n vers l’aministraziun da mantignì prozedöres spezifiches por vigni setur y dal ater vers sfórzera la jënt da dè jö na detlaraziun por vigni setur, cun dać che é sovënz feter anfat. Tres n su sistem de relevamënt vëgnel inće garantì na assegnaziun plü iusta dles prestaziuns.

  • Por ći prestaziuns adori pa śëgn le sistem DUDP?

Chëstes é les prestaziuns che adorarà la DUDP:

  1. l’assëgn provinzial ala familia
  2. l’assëgn regional ala familia
  3. la partezipaziun ales tarifes di sorvisc soziai (ćiases de palsa, assistënza a ćiasa, scolines, y i.i.) 
  4. les prestaziuns de assistënza economica soziala
  5. l’esenziun dal ticket por porsones che à debojëgn
  6. la retüda dles spëises por proteses dai dënz
  7. la retüda por l’assistënza indirëta pro sojornanzes te ospedal
  8. les alisiraziuns tl ciamp dl frabiché abitatif

Por les informaziuns plü importantes sön les condiziuns, i terminns, les portines competënte y i.i. de dötes chëstes prestaziuns ciara la

  • Can y ćiodì adori pa la DUDP?

Nia düć i zitadins y les zitadines ne mëss presentè la DUDP: la detlaraziun va ma debojëgn sce le zitadin o la zitadina fej domanda de contribuć o alisiraziuns sön les tarifes ala Provinzia o a d’atri ënć che adorarà le sistem DUDP. La detlaraziun po gnì presentada te vigni momënt, mo a vigni moda dan la presentaziun de na domanda de prestaziun. Por le zitadin y la zitadina él dessigü plü saurì da la presentè canche al presentëia la domanda de prestaziun o canche al dà jö la detlaraziun dles entrades.

La detlaraziun é individuala y ara mëss porchël gnì relasciada separatamënter por vigni componënt dla familia. Öna na porsona po indere dè jö la DUDP por düć i componënć de süa familia.

  • Olâ mëssi pa dè jö la detlaraziun?

La detlaraziun é debann y po inće gnì dada jö pro i patronać o i zëntri de assistënza fiscala (Caaf) di sindacać, dles assoziaziuns economiches y dles atres organisaziuns pro chëres che al vëgn bele śëgn presentè tröpes domandes de prestaziun. Chëstes organisaziuns, che desponn de na gran rëi de portines te döt le Südtirol pitarà debann süa consulënza en materia ai zitadins y ales zitadines.

Les porsones de majera eté po inće dè jö la detlaraziun diretamënter online. Por les porsones de mëndra eté po la DUDP ma gnì dada jö online da chi che eserzitëia la potesté di geniturs y, sce ares vëgn assistides da n’aministradù o da na aministradëssa de sostëgn, da so aministradù o süa aministradëssa de sostëgn.

La DUDP é na detlaraziun sostituënta aladô dl articul 5 dla lege provinziala 17/93 y mudaziun suandëntes. La lista di documënć dessot tol ite düć i documënć por le davagn y le patrimone; vignun y vignöna tolarà ma chi che ti öga te süa situaziun. Sce i orëis dè jö la DUDP pro la portina podëise se tó do la documentaziun che va debojëgn o scrì fora a ćiasa le formular sön papier.

L’anuzaziun de chësc sorvisc é debann.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 05/10/2017)

Ënt competënt

24. Politiches soziales
Palazzo 12, via Canonico Michael Gamper 1, 39100 Balsan
Telefonn: 0471 41 82 04 Valentina Debiasi Pisetta
0471 41 82 05 Ingrid Pallua
0471 41 82 12 Alessandra Zanirato
0471 41 82 68 Info EEVE-DURP
Fax: 0471 41 82 19
E-mail: eeve.durp@provinz.bz.it
PEC: soziales.politichesociali@pec.prov.bz.it
Plata internet: http://www.provinz.bz.it/familie-soziales-gemeinschaft

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

  • Por ći ann de davagn mëssi pa dè jö la detlaraziun?

Por les domandes de prestaziun dades jö dal pröm de jenà ai 30 de jügn vëgnel tignì cunt dl davagn dan da dui agn; por les domandes de prestaziun dades jö dal pröm de messè ai 31 de dezëmber vëgnel tignì cunt dl davagn dl ann denant.

Por ejëmpl: sce an damana na prestaziun de messè dl 2017 mësson dè jö la DUDP sön le davagn dl 2016.

Ater co les alisiraziuns tl ciamp dl frabiché abitatif, por chëres che al vá debojëgn che i zitadins y les zitadines ais les DUDP di ultimi dui agn de vigni componënt dla familia.

Por ejëmpl: por damané na prestaziun de messé dl 2017, messon presenté le DUDP dl 2015 y dl 2016 de vigni componënt.