Lian sozial - Trasgresciuns

N sorvisc dl'aministraziun provinziala de Südtirol

Descriziun generala

La trasgresciun ti vëgn lasciada alsavëi al benefiziar cun lëtra racomanada. Al à 30 dis por dè jö süa tuta de posiziun por scrit.

Aladô dla gravité dles violaziuns él odü danfora:

a) la revocaziun dl'alisiraziun

b) la reduziun dl'alisiraziun

c) na sanziun aministrativa, aladô dl tëmp che al é passè danter la trasgresciun y la recostituziun dla situaziun originara.

Al é odü danfora chëstes sanziuns:

1) Le diretur dla repartiziun desponn la revocaziun, sce an ciafa fora che le benefiziar:

a) à ciafè l'alisiraziun sön la basa de detlaraziun falzes;

b) ne vir nia davëi tres tl'abitaziun;

c) à alienè (venü o scinché) o dè en afit l'abitaziun zënza autorisaziun;

d) à aćiarié l'abitaziun cun dërć reai zënza se tignì ales desposiziuns de lege;

e) à mudé inće ma en pert la destinaziun d'adoranza dl'abitaziun;

f) à trasformè l'abitaziun tan che ara ne n'à nia plü les carateristiches de n'abitaziun popolara o de n'abitaziun economica.

La revocaziun dl'alisiraziun comporta - indipendentemënter dal dejenar olache la trasgresciun é gnüda fata - la restituziun di imporć preodüs por la renunzia plü i interesc legai dal dé dl'azertamënt dla violaziun. Al vëgn inće apliché na sanziun aministrativa dl 10 porcënt dla soma da rete.

Por ći che reverda l'ocupaziun vëiga la lege danfora che l'assënza dal'abitaziun por manco co 6 mëisc ne vëgnes nia conscidrada sciöche violaziun. Por assënzes plü lunges, por ejëmpl por podëi fà intervënć de ressanamënt o tl caje de d'atres rajuns familiares zities o profescionales, val debojëgn da ti damanè l'autorisaziun al diretur de repartiziun cun martl da bol da € 16,00.

2) Le diretur de repartiziun stabilësc la reduziun, sce an ciafa fora che le benefiziar à dè indicaziuns incompletes por gnì ametü al'alisiraziun por frabiché, y che chëstes indicaziuns ê determinantes por la soma dl'alisiraziun. Chësta soma vëgn aumentada di interesc legai pian ia dal dé che an à metü man da paié l'alisiraziun por frabiché, sciöche inće de na sanziun aministrativa dl 5 porcënt dla soma da rete.

3) Le diretur de repartiziun desponn na sanziun aministrativa sce al vëgn azertè che le benefiziar:

a) à dè en pert en afit o zedü a terzi, o a porsones che ne n'à nia les condiziuns odüdes danfora a bel anfat ći titul, inće debann, l'abitaziun, zënza autorisaziun

b) à trasformè l'abitaziun te n'abitaziun economica ti pröms 5 agn dal trasferimënt de residënza;

c) ne n'à nia ademplì les condiziuns implü liades al'amisciun al'alisiraziun por frabiché.

Por le tëmp dala violaziun ćina ala recostituziun dla situaziun originara mësson paié na sanziun aministrativa anfat ai interesc legai dl imprëst zënza interesc o dl contribut. Sce ara se trata de n imprëst alisiré (chël ô dì de n imprëst por chël che la Provinzia surantol le paiamënt de pert di interesc) o de n contribut costant de diesc agn, vëgnel sospenü - por le tëmp descrit dessura -le paiamënt dl contribut de interesc o dl contribut costant de diesc agn, o al mëss ti gnì paié ala Provinzia na soma dla medema mosöra sciöche sanziun.

Sce la situaziun ne ti corespogn nia do 6 mëisc a chëra legitima, desponn le diretur dla Repartiziun provinziala Frabiché abitatif la revocaziun dl'alisiraziun.

Tl respet dles normes che vel por les abitaziuns realisades sön raiuns destinà al frabiché abitatif alisiré, ne vëgn les sanziuns aministratives nia aplicades sce le benefiziar renunziëia al'alisiraziun por frabiché te 30 dis da canche al é gnü lascé alsavëi che la prozedöra d’inrescida é gnüda stlüta jö, pian ia dala data dla violaziun.

Autorisaziun da dè en afit l'abitaziun en via de ressanamënt

Sce le benefiziar dl'alisiraziun dà en afit süa abitaziun zënza autorisaziun y al vëgn azertè che al ê, canche al é gnü stlüt jö le contrat de locaziun, les condiziuns por relascè l'autorisaziun, po l'autorisaziun gnì conzedüda inće en via de ressanamënt. Por le tëmp dla violaziun, mësson paié na sanziun aministrativa dl 500,00 €.

(Sorvisc actualisá ai: 27/01/2020)

Ënt competënt

Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefono: 0471 41 87 34 (Michela Foglietti)
0471 41 87 11
Fax: 0471 41 87 39
E-mail: wohnbauprogrammierung@provinz.bz.it
PEC: wohnbauprogramm.programmazioneedilizia@pec.prov.bz.it
Website: http://www.provinzia.bz.it/

Orar por la jënt:

Sënta prinzipala a Balsan:

Palaz 12, Strada Kanonikus-Michael-Gamper 1, 39100 Balsan
(Ćiantun Strada Schlachthof) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00  

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00