Preanunzia di cantiers (art. 99 d.lgs. 09.04.2008, Nr. 81)

N sorvisc dl'aministraziun provinziala de Südtirol

Descriziun generala

L cumitënt o l respunsabl di lëures ti manda al Ispetorat dl lëur dan l scumenciamënt di lëures la preanunzia, de chëla che l cuntenut curespuend ala njonta XII, y la atualisazions eventueles te chisc caji:

a) Tl cajo de cantieres, sun chëi che l ie preudù la prejënza, nce nia tl medemo tëmp, de de plu mprejes esecutëures.

b) Tl cajo de cantieres per chëi che l ne fova dl prim nia udù danora l bujën de na comunicazion, ma che, pervia de variantes fates dadedò, toma pona ntan la escuzion di lëures tla categuries nunziedes tl pustom a).

c) Tl cajo de cantieres ulache l lëura mé una na mpreja y de chëla che i lëures preudui cumporta bonamënter almanco 200 giornades-uem.

Na copia dla preanunzia muessa unì mandeda, dan l scumenciamënt di lëures che ie oget dl'autorisazion de frabiché o dla comunicazion dl mëter man di lëures, al'aministrazion cunzedënta; mo n'autra copia ie da taché su a na maniera che n la vëije sun l cantier y muessa vester a despusizion di organs de verdia.

La preanunzia de cantieres possa dal auril 2018 mé plu unì fata telematicamënter tres http://www.baustellenmeldungbz.it/ . L ispetorat dl lëur se nuza de chësta nfrastrutura nfurmatica che vën metuda a despusizion dala Cassa per l frabiché dla Provinzia Autonoma de Bulsan cun chëla che la Jonta provinziela à stlut ju n'acurdanza aposta per l manejamënt de n pruzedimënt telematich azessibl tres internet. Do che l ie unì fat la comunicazion y do uni mudazion generea l sistem nfurmatich na cunfërma de rezevuda cun i dac de basa dla comunicazion y la manda tres e-mail al mitënt.

Anutazions n cont de alesiramënc dla chëutes

L articul 1 dla lege di 27 de dezëmber 1997, n. 449, y 16-bis dl decret dl Presidënt dla Republica n. 917/1986, coche nce d'autri regulamënc revardënc la chëutes, vëij danora alesiramënc dla chëutes per cërta costruzions spezifiches.

L decret di 18 de fauré 1998, n. 41, y l pruvedimënt dl diretëur dl'Agenzia dla Ntredes n. 149646 di 2 de nuvëmber 2011 vëij danora danter l auter, che i cantieres nteressei ne muessa nia mé unì preanunziei ti caji udui danora pra i ufizies cumpetënc, ma che la preanunzia muessa nce unì tenida su tl cajo de cuntroi puscibli. Tla Provinzia de Bulsan ie chësta comunicazion da mandé mé al Ispetorat dl Lëur.

La comunicazion dl cantier per l alesiramënt dla chëutes ne ie nia de bujën sce la preanunzia dl cantier ne ie ënghe nia de bujën. Chësta nfurmazion ie nce publicheda tla diretiva dla Agenzia dla Ntredes (cëla tlo).

Nfurmazions plu prezises giapëis tla zirculera dla repartizion Lëur di 15 de merz 2018

Per la nuzeda de chësc servisc muessa l mitënt dla preanunzia dl cantier (cumitënt, respunsabl di lëures o prufesciunist nciarià) se registré dant un n iede sun la plataforma telematica sot a http://www.baustellenmeldungbz.it/ per l'autorisazion al azes ala comunicazion.  

Do la registrazion sot a http://www.baustellenmeldungbz.it/ ne iel, per la nuzeda de chësc servisc, nia plu de bujën de vel' documënc sëurora.

Decret legislatif di 9 d’auril 2008, n. 81 coordinà cun la despusizions de njonta dl decret legislatif di  3 d’agost 2009, n. 106

http://www.provinz.bz.it/arbeit-wirtschaft/arbeit/arbeitsschutz/arbeitssicherheit-gesetzestexte.asp

(Sorvisc actualisá ai: 10/06/2020)

Ënt competënt

Ispetorat dl laur
Palazzo 12, via Canonico Michael Gamper 1, 39100 Balsan
Telefono: 0471 41 85 40
0471 41 85 41
E-mail: arbeitsinspektorat@provinz.bz.it
PEC: arbeitsinspektorat.ispettoratolavoro@pec.prov.bz.it
Website: http://www.provinz.bz.it/arbeit

Orar por la jënt:

Lönesc, mertesc, mercui, vëndres: dales 09.00 ales 12.00

Jöbia: dales 08.30 ales 13.00 y dales 14.00 ales 17.30

Terminns

Dan le scomenciamënt di laûrs