Osservatore Epidemiologich Provinzial

N sorvisc dl'aministraziun provinziala de Südtirol

Descriziun generala

L'Osservatore Epidemiologich Provinzial (OEP) é na strotöra tecnich-scientifica dl Assessorat por la Salut. Al ti fej avëi ala Junta provinziala informaziuns epidemiologiches (destribuziun y frecuënza de maraties y de evënć relevanć tl setur sanitar) por ciafè fora i bojëgns sanitars dla popolaziun y di seturs critics che va debojëgn por la programaziun, l’orientamënt y la valutaziun dl’efiziënza di intervënć dla politica sanitara.

I seturs d’ativitè plü importanć dl Osservatore Epidemiologich Provinzial é:

  • sistems de control (rüstl, meningita bateriala, maraties infetives)
  • registri de patologia (diabetes, tumors, protesa dl üf, malformaziuns de nasciüda,..): inzidënza y prevalënza dles maraties
  • mortalité
  • vazinaziuns
  • rëi dles maraties rades
  • comportamënć y stii de vita
  • osservatore dl’alimentaziun
  • farmacoepidemiologia
  • epidemiologia tlinica y diretives
  • valutaziun di sorvisc sanitars.

La publicaziun plü importanta dl Osservatore Epidemiologich é la Relaziun sanitara provinziala.

I esperć ne po nia fà a manco de chësta relaziun y por les porsones interessades él na fontana de dać de valur sön le sorvisc sanitar tla provinzia de Balsan.

Da novëmber dl 2009 incà é la Relaziun sanitara provinziala online.

A chësta moda vara da publiché la majera pert di dać ajornà sön la situaziun sanitara dla popolaziun y sön les istituziuns sanitares publiches y privates bele tl pröm mez ann; al é plü scëmpl y an adora manco dî da rové pormez ai dać online co a chi sön papier y le numer di anuzadus é majer.

La strotöra dla Relaziun sanitara online é anfat ala verjiun sön papier; ara é partida sö te trëi perts che reverda la popolaziun y la sanité, i sorvisc sanitars y les ressurses. Vigni pert é partida sö te capitui che mët man cun n ressumê sön i aspeć plü importanć dl fenomenn ejaminé.

Por l’anuzaziun de chësc sorvisc ne vêlel degönes condiziuns d’azès particolares.

Por l’anuzaziun de chësc sorvisc ne val nia debojëgn de dè jö documënć implü.

L’anuzaziun de chësc sorvisc é debann.

D’atres informaziuns de ütl y detaiades é da ciafè sön la plata internet dl Osservatore Epidemiologich Provinzial, www.provincia.bz.it/oep, che é partì sö te cin seturs d’ativité (Sistem Informatif Sanitar, Registri de patologia, Relaziun sanitara, Stüdi y inrescides, Dać online).

Por domandes de dać Ves periunse da ćiarè sot la seziun dać online.

Por domandes de dać, scrites o al telefonn, Ves periunse da contatè l’Osservatore Epidemiologich. Le numer de telefonn é 0471 418040 y la misciun e-mail é oep@provincia.bz.it.

Le personal inćiarié Ves fajarà avëi pornanche ara va na resposta competënta.

(Sorvisc actualisá ai: 24/07/2017)

Ënt competënt

23.2.1. Beobachtungsstelle für Gesundheit
Palazzo 12, via Canonico Michael Gamper 1, 39100 Balsan
Telefonn: 0471 41 80 40
Fax: 0471 41 80 48
Plata internet: http://www.provincia.bz.it/salute-benessere/osservatorio-salute/

Terminns

Por l’anuzaziun de chësc sorvisc ne n’él da tignì ite degügn terminns particolars.