Invalidité zivila – Prestaziuns economiches por inavalig, verc y surc

N sorvisc dl'aministraziun provinziala de Südtirol

Descriziun generala

Les porsones vëgn reconesciüdes sciöche invalig zivii, verc zivii y surć dales comisciuns sanitares dl'Aziënda Sanitara dl Südtirol a chëres che an mess ti dé jö la domanda aposta. Aladô dla documentaziun clinica y dl azertamënt dles condiziuns de sanité determinëia la comisciun le degré d'invalidité.

Le resultat dla vijita ti vëgn ortié al'Agenzia por le svilup sozial y economich por controlé i recuisic por ti rové pormez ales prestaziuns economiches.

La condiziun é che l'invalidité ne sides nia gaujada da na vera, dal laûr o dal sorvisc.

Les prestaziuns economiches é prestaziuns de assistënza, ares ne n’é nia sotmetüdes a cuta (IRPEF) y ne po nia gnì trasmetüdes a chi che romagn indô.

.

An desfarenziëia danter döes categories de prestaziuns: ponsiuns y indenités.

Les ponsiuns é sotmetüdes  a limic de davagn y se referësc al davagn brutto sotmetü ala cuta IRPEF dl ann denant.

Dl 2018 éres de:

  • €16.814,34 por porsones daldöt invalides, verc y surć
  • € 4.906,72 por porsones en pert invalides

Les ponsiuns por porsones ziviles invalides vëgn paiades dal'Agenzia por le svilup sozial y economich cina che ares complësc 67 agn. Daldô ti passa la competënza al INPS che paia l'assëgn sozial.

Les indenités ne vëgn nia sotmetüdes a termi de davagn y d'eté.

.

Chilò dessot ciafëise la soma dles prestaziuns al mëis por l'ann 2019:  

sort de reconescimënt

%

eté

prestaziun

soma al mëis

porsones ziviles daldöt invalides cun acompagnamënt

100

da 18 a 67

ponsiun

€ 441,20

+ acomp.

indenité d‘acompagnamënt *

€ 517,84

porsones ziviles daldöt invalides

100

da 18 a 67

ponsiun

€ 441,20

porsones ziviles en pert invalides

74-99

da 18 a 67

ponsiun

€ 441,20

porsones ziviles de mendra eté en pert invalides

74-99

da 0 a 18

assëgn al mëis por porsones en pert invalides de mendra eté *

€ 441,20

porsones ziviles daldöt verces

-

ponsiun

€ 441,20

indenité d‘acompagnamënt

€ 921,13

assëgn integratif

€ 118,37

porsones ziviles en pert verces

-

ponsiun

€ 441,20

indenité speziala

€ 210,61  

assëgn integratif

€   84,56

surc

-

da 0 a 18

indenité de comunicaziun

€ 256,89

surc

-

da 18

ponsiun

€ 441,20

indenité de comunicaziun

€ 256,89

* prestaziun economica che ne speta nia sce an ciafa l'assëgn de cura

Les prestaziuns vëgn paiades te 13 mensilités le 1° de dl mëis te n ofize dla posta o tres le cunt corënt bancar o postal.

La porsona che fej domanda mëss avëi chisc recuisić por ciafè les prestaziuns economiches:

  • le reconescimënt de ester invalid, verc o surt
  • la residënza tl Südtirol
  • la zitadinanza taliana o la zitadinanza de un di stac mëmbri dl'UE o de n stat che ne fej nia pert dl'UE cun lapró l'autorisaziun de sojornanza dl'UE de altamo un n ann

Do avëi ciafé le resultat dla vijita colegiala gnarál damané d'atri documënc sce al vá debojëgn.

L’anuzaziun de chësc sorvisc é debann.

L.p. di 21 d’agost dl 1978, n. 46, "Provedimënć revardënć i invalig zivii, verc zivii y ströms", tla verjiun varënta

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

(Sorvisc actualisá ai: 14/03/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefonn: 0471 41 82 87 (Barbara Ebner)
Fax: 0471 41 83 29
E-mail: aswe.asse@provinz.bz.it
Plata internet: http://www.provinz.bz.it/aswe

Orar por la jënt:

Lönesc - vëndres: dales 9.00 ales 12.00

Jöbia: dales 8.30 ales 13.00 y dales 14.00 ales 17.30

Terminns

Por l’anuzaziun de chësc sorvisc ne n’él da tignì ite degügn terminns particolars.