Antizipazion dl scech de mantenimënt a scunanza de mëndri d’età

N sorvisc di raiuns soziai

Descriziun generala

Chësta prestazion ie de gran aiut per la families cun un n genitor ti caji che l genitor ublià – aldò de coche l’autorità giudiziera l vëij danora – ne paia nia l cuntribut de mantenimënt al auter genitor, a chël che l ti ie unit afidà n mut de mëndra età.  

Per pudëi se nuzé de chësta prestazion muessa l genitor che nen à l dërt damandé do pra l raion soziel de referimënt per si chemun de residënza.

Coche duta la prestazions d’assistënza economica ie nce l paiamënt dl’antizipazion dl cuntribut de mantenimënt sometù ala situazion economica dla persona che fej dumanda.

1. L dërt de damandé la prestazion à l genitor o n auter soget, a chël che l ti ie unit afidà n mënder d’età, sce l mënder d’età ie zitadin:

a) talian o de n stat cumëmber dla Union europeica che ébe la residënza da almanco n ann tla Provinzia de Bulsan

b) de n stat che ne ie nia pert dla Union europeica o che ie zënza stat y che sta da almanco cin ani regulermënter tla Provinzia de Bulsan

2. Nia l dërt ala prestazion ne à l genitor afidater che cunviv cun l genitor ublià al mantenimënt.

3. La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco dodesc mënsc stabilmënter y tresora tl Südtirol:  

  • i zitadins talians
  • i zitadins de n stat dla Union europeica
  • i zitadins de stac terc cun na permiscion de permanënza-UE a tëmp lonch data ora dala Talia
  • la persones a chëles che l ti ie unit recunesciù l status de muciadives
  • la persones a chëles che l ti ie unit recunesciù l status de prutezion sussidiera.

Oradechël à la rejon de giapé la prestazions de assistënza economica nce chësta persones, sce les sta da cin ani stabilmënter y zënza interuzion tla provinzia de Bulsan, a cundizion che si permanënza sun l teritore naziunel sibe legal:  

  • i zitadins de Stac terc;
  • la persones zënza zitadinanza. 

A) DUMANDA - Antizipazion dl cuntribut de mantenimënt a defendura di mëndri d’età – PRESTAZION DE SEGONDO LIVEL

B) copia dl pruvedimënt dl'autorità giudiziera taliana o de n auter stat furest, che à valor de titul esecutif, che stabilësc la soma y la maniera de cuntribuzion al mantenimënt da pert dl genitor nia afidater

C) copia dl at nutificà coche udù danora y sun chël che l ne ie stat deguna reazion tl tëmp de diesc dis, o copia dla sentënza che detlarea l falimënt dla persona ublieda al mantenimënt.

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 19/02/2020)

Ënt competënt

Finanzielle Sozialhilfe
Gustav-Flora-Straße 8, 39025 Naturns
Telefono: 0473 67 18 04
Fax: 0473 67 18 01
E-mail: naturns@bzgbga.it
Website: http://www.bzgbga.it/de/default.asp

Terminns

La prestazion à fazion cun l prim di dl mëns de chël che n à fat dumanda, sce chësta ie unida presenteda nchin al vintejim di de chël mëns, sce no àla fazion pian via dal prim di dl mëns do.

La prestazion dura n ann y vën paieda ora n iede al mëns. La possa unì renuveda cun na dumanda scëmpla njunteda da n’autozertificazion aldò dl articul 5 dla lege provinziela di 22 d’uber dl 1993, n. 17, y mudazions suzessives.