Cëifs en cësa

L servisc „cëifs en cësa“ ie de regula daviert a persones che à arjont i 60 ani; te caji particulers pò chësc servisc unì pità nce a d’autra grupes de persones; la dezijion en chësc cont ti spieta ai respunsabli dl servisc de guiern en cësa dl Servisc soziel raionel cumpetënt.

Cëla njontes:

• Dumanda per la cunzescion de servijes de ambulatore y a cësa
• "Autozertificazion sun la situazion de bujën de assistënza"

Na pert dla spëises vën curides dala man publica. L anuzadëur dl servisc à da tenì pea al paiamënt dla tarifa fisseda aldò de si ntredes/avëi, coche preudù dal D.P.J.P. di 11 de agost 2000, nr. 30, tla verscion en forza.

La tarifa minima per l servisc. Per l ann 2021 la tarifa minima per l servisc:

• 4,20 € per n cëif cumplet purtà en cësa y
• 3,80 € mé per la derzeda prinzipela zënza che la vënie purteda en cësa.

La tarifes mascimes vën fissedes dai ënc raionei cumpetënc tres na si deliberazion y curespuend ala spëisa de ndut (cosć de produzion y de compra).

• Reurdinamënt di servijes soziei tla Provinzia de Bulsan: Lege pruvinziela di 30 de auril dl 1991, nr. 13
• Delibera di 29 de mei 2012, n. 798: Criteres d’azes ala prestazions dl’assistënza a cësa 
• Regulamënt en cont di pruvedimënc de assistënza economica soziela y dl paiamënt dla tarifes ti servijes soziei: D.P.J.P. di 11 de agost dl 2000, nr. 30, tla verscion en forza
• Regolamënt sön le relevamënt unifiché dl davagn y dl patrimoni: Decret dl Presidënt dla Provinzia di 11 de jenà dl 2011, n. 2

Recursc: Contra la dezijion dl ënt possel unì prejentà, tl tëmp de 45 dis dala comunicazion, n recurs gerarchich per rejons de legitimità – aldò dl articul 9 dla  Lege pruvinziela di 22 de utober 1993, nr. 17 y dl articul 4 dla lege provinziela di 30 d’auril 1991, n. 13 – ala sezion recursc – Repartiziun Politiches soziales. 

Per d'autra nfurmazions prions bel de jì sun la plata dla istituzion cumpetënta per chësc servisc.