Reconescimënt de atestać de formaziun por rové pormez ai profii profescionai di sorvisc soziai

N sorvisc dl'aministraziun provinziala de Südtirol

Descriziun generala

Aladô dl articul 9 dla lege provinziala di 30 d’aurì dl 1991, n. 13 (“Ordinamënt nü di sorvisc soziai tla Provinzia de Balsan”) po la Provinzia Autonoma de Balsan reconësce atestać de formaziun che é gnüs arjunć tl teritore nazional o internazional, por ti podëi rové pormez ai profii profescionai di sorvisc soziai.

Le reconescimënt vel ma tla provinzia de Balsan.

La domanda ti vëgn presentada ala Repartiziun Politiches soziales, Sorvisc Svilup personal.

Prëibel cherdede sö por fà fora n terminn.

Les domandes po gnì presentades dai/dales zitadins/nes che à arjunt atestac de formaziun tl ciamp sozial tl teritore nazional o internazional, sce chëstes formaziuns à contignüs che po gnì confrontà cun chi dles formaziuns tl ciamp sozial dl’aministraziun provinziala y sce ares à almanco la dorada minima preodüda dala lege en forza.

An mëss dè jö chisc documënć:

  1. domanda de reconescimënt;
  2. copia autenticada dl atestat de formaziun o detlaraziun sostitutiva;
  3. program de stüde o di ejams dà jö/di cursc frecuentà veramënter cun l’indicaziun dles ores por vigni materia y dles ores de practicum, dè fora dal zënter de formaziun che alda laprò, o detlaraziun sostitutiva;
  4. curriculum vitae – cun laprò les esperiënzes de laûr;
  5. sce i ëis arjunt le titul de stüde te n paîsc che ne fej nia pert dl’Uniun Europeica: detlaraziun de valur relasciada da na autorité competënta (ambasciada taliana, consulat), traduziun ofiziala por talian dl atestat de formaziun y dl program de stüde.

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 05/11/2019)

Ënt competënt

24.0.1. Sorvisc Svilup personal
Palazzo 12, via Canonico Michael Gamper 1, 39100 Balsan
Telefono: 0471 41 82 01 Ingrid Kapeller (ingrid.kapeller@provinz.bz.it)
Fax: 0471 41 82 29
E-mail: dienstfuerpersonalentwicklung@provinz.bz.it
PEC: dfpers.sspers@pec.prov.bz.it
Website: http://www.provinz.bz.it/sozialwesen

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda pó gní dada jö cater iadi al ann: 31 de jená – 30 d’aurí – 31 de messé – 31 d’otober.