Pendolars – contribuć por les spëises de iade por le personal dependënt

N sorvisc dl'aministraziun provinziala de Südtirol

Descriziun generala

La Junta provinziala conzed, aladô dl articul 54 dla lege provinziala di 23 de novëmber dl 2015, n. 15, contribuc por spëises de iade al personal dependënt che mëss se sposté por rajuns de laur por altamo 120 dis al ann (dis de iade efetifs ia por l’ann) dal post de sojornanza abitual te n stat dl'Uniun europeica o tla Confederaziun svizera al post de laur tla provinzia de Balsan o dal post de sojornanza abitual tla provinzia de Balsan al post de laur te n stat dl'Uniun europeica o tla Confederaziun svizera, sön na destanza de passa 18 chilometri, olache al ne passa nia altamo vigni mesora n meso dl trasport publich, sce:

  • a) le personal dependënt ne po nia tó i mesi publics ajache le pröm meso publich röia sön le post de laûr do che le turnus de laûr à metü man y/o l’ultimo meso publich pëia ia dan la fin dl turnus de laûr;
  • b) i tëmps d’aspeta complessifs da tó i mesi publics plü adatà, tignin cunt inće de percursc a pè eventuai, é de altamo 60 menüć;
  • c) la fermada plü daimprò, olache ara va da lascè l’auto y an po tó n meso publich cun n tëmp d’aspeta complessif de manco co 60 menuć, é a passa 10 chilometri da ćiasa; te chësc caje ti speta le contribut ma por la destanza da ćiasa ala fermada nominada dessura.

Le contribut ne speta nia sce:

  • le personal dependënt po tó debann n meso de süa aziënda por jì a laurè;
  • le contribut é mënder co 200,00 euro;
  • le davagn individual complessif zënza detraziuns dl personal dependënt é majer co 50.000,00 euro al ann.

Le contribut vëgn calcolè multiplican l’import de euro 0,05 (contribut unitar a chilometer) por le numer de chilometri fać al dé da jì y gnì y por le numer de dis che chësc dërt vel.

  • Avëi n laûr dependënt;
  • avëi laurè y ester stà sön le iade altamo 120 dis al ann;
  • avëi na destanza de passa 18 km da ćiasa al post de laûr, sce ara ne va nia da tó i mesi dl trasport publich sciöche dé dant dessura;
  • avëi tëmps d’aspeta de altamo 60 menuć da adorè i mesi de trasport publich sce an fej la soma danter:
    1. le tëmp d’aspeta danter l’orar da rovè programè dl meso publich de linia plü adatè por arjunje le post de laûr y le scomenciamënt dl turnus de laûr;
    2. le tëmp d’aspeta danter la fin dl turnus de laûr y l’orar de partënza programè dl pröm meso publich de linia plü daimprò al post de laûr;
    3. tëmp d’aspeta por baratè meso de trasport publich de linia sides da jì co da gnì.

Les domandes de contribut po ma gnì dades jö online. 

Le personal dependënt dà jö i dać damanà sot süa responsabilité, porchël fej l'aministraziun provinziala controi a caje sön les detlaraziuns. Sce al vëgn fora dai controi che le contignü dles detlaraziuns é falzes, vëgnel apliché sanziuns.

La marca da bol da 16 euro vëgn paiada virtualmënte aladô dl’autorisaziun dla direziun provinziala dl’Agenzia dles Entrades y trata jö canche le contribut vëgn paié fora. Chësta soma mëss ince gní paiada sce le contribut ne vëgn nia conzedü.

 

A vigni porsona che fej domanda ti gnaràl lascè al savëi le resultat dla domanda de contribut por spëises de iade.

Les retificaziuns eventuales dla domanda de contribut por spëises de iade ti po gnì ortiades al Ofize Trasport de porsones tres e-mail ContributiPendolari@provincia.bz.it, tres fax al numer 0471/415499 o por posta ala misciun: Ofize Trasport de porsones, Plaza Silvius Magnago 3/Palaz 3B, 39100 Balsan.

(Sorvisc actualisá ai: 15/02/2018)

Ënt competënt

38.2. Ufize Trasport de persones
Palaz provinziel 3b, Plaza Silvius Magnago 3, 39100 Balsan
Telefonn: 0471 41 54 92
0471 41 54 82
Fax: 0471 41 54 99
PEC: personenverkehr.trasportopersone@pec.prov.bz.it
Plata internet: http://www.provincia.bz.it/mobilita/

Terminns

Al vëgn dötaurela lauré fora danü i criters varënc por la conzesciun dl contribut por les spëises de iade a bëgn de dependëntes y dependënc.

Porchël ne vára nia ciamó da presenté les domandes che reverda l’ann 2017.

I termins por presenté les domandes de contribut por les spëises de iade a bëgn de dependëntes y dependënc gnará tosc lasciá alsavëi.

Les domandes de contribut é da presenté tres le portal online dla Rëi Zivica dl Südtirol; an ti pó ma pormez cun:

- SPID*

- Cherta di Sorvisc (Tessera sanitara) ativada

- Cherta d’Identité Eletronica (CIE)

*SPID, le Sistem Publich de Identité Digitala te dá la poscibilité da ti podëi pormez a düc i sorvisc online dl’Aministraziun Publica cun n’Identité Digitala unica (username y password) che pó gní adorada da computer, tablet y smartphone.

De plü informaziuns
Ne aste nia SPID?

De plü informaziuns: https://my.civis.bz.it/