Südtirol Pass 65+ - por porsones che à plü co 65 agn

N sorvisc dl'aministraziun provinziala de Südtirol

Descriziun generala

La rejon de giapé l Südtirol Pass 65+ à:

  • la persones sëura 65 ani residëntes tla provinzia de Bulsan y
  • la persones dl Südtirol sëura i 65 ani che viv oradecà. La cundizion ie che les ebe la zitadinanza taliana y che les sibe scrites ite tl AIRE te n chemun dl Südtirol.

Le Südtirol Pass 65+ é na cherta de iade nominativa, nia trasferibla che vel sön düć i mesi dl sistem de trasport integrè dl Südtirol sciöche inće sön les ferates regionales ćina Trënt.

An mëss convalidé le Südtirol Pass 65+ vigni iade che an sënta te n meso de trasport publich (Check In). An ne mëss nia fà le Check Out.

Canche an fej n iade cun la ferata mëss le Südtirol Pass 65+ gnì convalidé ma tla staziun olache an pëia ia y sce an mëss mudé ferata y tó n'atra ferata n'él nia debojëgn da fà ćiamò n iade le Check In.

Les porsones che à süa residënza tl Südtirol po damanè do le Südtirol Pass 65+. L Südtirol Pass 65+ ie na cherta a tarifa forfetera:

  • Per persones dai 65 ai 69 ani cumplii ie la tarifa de 150 euro al ann;
  • Per persones dai 70 ai 74 ani cumplii ie la tarifa de 75 euro al ann;
  • Per persones dai 75 ani cumplii insù ie la tarifa de 20 euro al ann.

Aladô dla desposiziun transitora ciafa dötes les porsones nasciüdes dan le 1945 le Südtirol Pass 65+ por 20 euro al ann.

An po damanè do le Südtirol Pass 65+ pro düć i posć de venüda dl Trasport Integrè dl Südtirol (la lista di posć de venüda é da ciafè sön la plata internet www.mobilitaaltoadige.info/de/autorisierte-verkaufsstellen).

Mesi de trasport che an po adorè cun le Südtirol Pass 65+

  • ferates regionales tl Südtirol y ćina Trënt
  • bus dl trasport local
  • furnadoies por Meransen, Jenesien, Ritten, Mölten, Vöran y Kohlern
  • ferata söl Ritten y furnadoia söla Mendel
  • auto dla posta Svizera sön le tòch danter Mals y Müstair.

Por podëi adorè chësc sorvisc n'àn nia bria da presentè documënć implü.

Tarifa anuala 150 euro (dai 65 ai 69 agn) 

Tarifa anuala 75 euro (dai 70 ai 74 agn) 

Tarifa anuala 20 euro (dai 75 agn)  

Aladô dla desposiziun transitora ciafa dötes les porsones nasciüdes dan le 1945 le Südtirol Pass 65+ por 20 euro al ann. 

Duplicat:

Tl cajo che la cherta vën rubeda, perduda o danejeda possa l Südtirol Pass 65+ unì blocà y l possa nce unì damandà n duplicat (cosc’ : 20 euro). 

Deliberaziun dla Junta provinziala n. 760 di 5 de lugio 2016

Nia da adurvé per:
• ferates a distanza longia (coche Intercity, Eurocity, Euronight, Frecce de
Trenitalia)
• ferates regiuneles sun la trasses Prëner–Dispruch y Sanciana - Lienz
• curieres-nightliner
• Trasport de rodes y tieres (l ie de bujën de fé na cherta de viac a pert)

Südtirol Pass 65+ cun funzion de paiamënt:
Per chi che l ulëssa iel puscibl ativé sun l Südtirol Pass 65+ la funzion de paiamënt per servijes de njonta, sibe coche cherta prepaid (soma de almanco 20 euro) sibe cun adebitamënt diret dal cont de banca (SEPA).

N puderà paië:
• viages sun la ferates regiuneles Prëner–Dispruch y Sanciana–Lienz, paian per la trassa austriaca la tarifa ÖBB). Chi che à na cherta vantaje ÖBB possa la registré sun si cont persunel online y viagë sun la trasses nunziedes cun la tarifa alesireda dla ÖBB;
• viages cun la curieres-nightliner (tarifa nightliner)
• Trasport de rodes (3,50 euro tarifa per n di)
• Trasport de tieres (ala tarifa chilometrica dla cherta scëmpla).


De mpurtanza: l Südtirol Pass 65+ cun funzion de paiamënt muessa unì cunvalidà sciche l Südtirol Pass normal. Chësc uel dì, che sun la curieres extraurbanes muessa la cherta unì cunvalideda sibe canche n va ite tl mesun de trasport (“check-in”) sibe canche n va ora dl mesun (“check-out”). Tl
cajo de viages cun la ferata iel da dé ite l codesc dla stazion de destinazion, sce no ne vel la cunvalideda nia.

Le formular y de plü informaziuns pon ciafè sön la plata internet dla Rëi Zivica dl Südtirol o sön la plata internet http://www.suedtirolmobil.info/lad/chertes-de-viac/suedtirol-pass-65-plus

Per d'autra nfurmazions prions bel de jì sun la plata dla istituzion cumpetënta per chësc servisc.

(Sorvisc actualisá ai: 07/01/2019)

Ënt competënt

38.2. Ufize Trasport de persones
Palaz provinziel 3b, Plaza Silvius Magnago 3, 39100 Balsan
Telefonn: 0471 41 54 80
Fax: 0471 41 54 99
PEC: personenverkehr.trasportopersone@pec.prov.bz.it
Plata internet: http://www.provincia.bz.it/mobilita/

Terminns

L vel: n ann dala data de emiscion

Bele n mëis denant che vigni abonamënt tomes vëgnel sö sön le display, vigni iade che an obliterëia, n messaje che recorda che la tessera toma tosc.