Contribut por l’assiguraziun dla ponsiun tratan i tëmps de cura

N sorvisc dl'aministraziun provinziala de Südtirol

Descriziun generala

Ara se trata de n contribut che vëgn paié por sostigní le contribut previdenzial por i tëmps dedicá al'assistënza a ciasa di familiars o di mëndri afidá a tëmp plëgn, da na gran mancianza de autosufiziënza, chël ó dí che ai é gnüs incadrá tl 2°, 3° o 4° livel d'assistënza provinzial, o, tl caje de mituns cina ai cin agn, cun n degré d'invalidité anfat o majer co le 74 porcënt, o vërc zivii, o surc.

METEDE AVERDA

Les domandes pó ma gní ortiades inant telematicamënter tres i patronac.

Le contribut ti speta a chi che á paié ite volontariamënter te süa cassa previdenziala sciöche:

  1. lauranc dependënc cun contrat part time plü bas co le 70%
  2. lauranc dependënc en aspetativa nia paida y zënza assiguraziun dla ponsiun
  3. scric ite ala Gestiun Separada dl INPS
  4. porsones che ne fej degöna ativité y che n'é nia scrites ite a na forma previdenziala obligatoria (por ej. ciasarines, studënc).

Le contribut ti speta a chi che á fat paiamënc obligatori te süa cassa dla ponsiun sciöche:

  1. lauranti autonoms o profescionisć lëdi.

Implü ti spetel a chi che é scric ite a n fonds de ponsiun complementara da passa sis mëisc y á paié ite regolarmënter vigni trëi mëisc o á paié ite te so fonds de ponsiun na soma anfat o majera co 360,00 €. 

Al momënt dla presentaziun dla domanda mëss la porsona che fej domanda:

  • avëi la residënza tla provinzia de Balsan y implü

  • avëi la residënza da altamo 5 agn tla regiun Trentin-Südtirol o avëi na residënza storica de 15 agn tla regiun Trentin-Südtirol, y de chisc altamo un n ann atira denanco fá domanda.

Le contribut ne ti speta nia:

- ai titolars dla ponsiun direta

- por i tëmps tratan chi che al é gnü reconesciü contribuc figuratifs (por ejëmpl por la maternité ince por d'atri mituns, Aspi, Naspi).

Le contribut pó gní conzedü cina a arjunje le recuisit minimal por ciafé la ponsiun d'anzianité o de veciaia o sura l´eté dla ponsiun preodüda fora, sce la porsona che damana do n'á nia arjunt i 20 agn de contribuc.

Degré de parentela

Le  contribut vëgn conzedü por l’assistënza:

  • dl om/dla fomena
  • dla porsona cun chi che ai s'á lié zivilmënter
  • di parënc cina al cuarto degré y de imparentá cina al terzo degré
  • dla porsona che vir para sön le zertificat anagrafich dla porsona che fej domanda y de sü parënc cina al terzo degré
  • de mëndri en afidamënt a tëmp plëgn

La porsona de familia assistida mëss gní incadrada tl 2°, 3° o 4° degré de nia autosufiziënza o tl caje che ara ais manco co 5 agn póra ince ester invalida zivila al 74%, vërcia o surda.

Le contribut é compatibl cun l’iscriziun dla porsona de familia assistida a strotöres educatives y zëntri de de por porsones cun handicap.

Por le medemo tëmp y la medema porsona de familia assistida pó la domanda gní dada jö ma da öna na porsona che fej domanda.

Le contribut n'é nia lié ala condiziun economica dla familia.

Le contribut vëgn conzedü do che al é gnü ortié tres i patronac telematicamënter la domanda cun chisc documënc:

Por chi che damana le contribut por le fonds de ponsiun:

  • na copia di movimënc dl fonds de ponsiun da chël che an vëiga che al é gnü paié regolarmënter i contribuc vigni trëi mëisc por altamo 6 mëisc, o

  • na copia dl paiamënt y/o copia dl saldo dl fonds de ponsiun da chël che an vëiga n saldo de altamo 360 € de paiamënc individuai

  • na copia dla comunicaziun dl fonds de ponsiun cun indicaziun dl numer de IBAN dl fonds, ma sce l’IBAN dé dant tla lista dles domandes online é falé o sce le fonds n'é nia tla lista.

Por i profescionisć lëdi/les profescionistes lëdies scric ite te na cassa profescionala

  • Copia dla comunicaziun de süa cassa che atestëia les somes damanades por i paiamënc y le tëmp de contribut y copia di paiamënc fac por le tëmp de contribut damané.

Por ci che reverda i mituns adotá vál debojëgn da ajunté la copia dl provedimënt d' adoziun.

Por ci che reverda i mëndri en afidamënt vál debojëgn da ajunté na copia dl atestat relascé dal raiun sozial de competënza.

Art. 2 dla lege regionala di 18 de forá dl 2005, n. 1 y mudaziuns suandëntes.

Decret dl Presidënt dla Regiun di 4 de jügn dl 2008, n. 3/L.

De tan é pa le contribut?

Somes mascimales anuales  

Ciasarines/Ciasarins, dependënc/dependëntes en aspetativa, autonoms/autonomes, profescionisć lëdi/profescionistes lëdies

Dependënc part-time cina al 70%

Sort de paiamënt

Contribut che ti speta por l’assistënza a familiars incadrá tl 2., 3. o 4. livel de nia autosufiziënza

Contribut che ti speta por l’assistënza a mituns o de mëndri afidá de 5 agn cun invalidité cina al 74%, o vërc zivii o surc y/o incadrá tl 2., 3. o 4. livel de nia autosufiziënza*   

Paiamënc volontars y obligatori

€ 4.000,00

€ 9.000,00

€ 2.000,00

Fonds de ponsiun

€ 4.000,00

€ 4.000,00

€ 2.000,00

Contribuc INPS y fonds dla ponsiun

€ 4.000,00

€ 9.000,00

€ 2.000,00

Tl caje de prosecuziun volontara o de paiamënc previdenziai obligatori ti vëgnel retü cun le contribut regional ala porsona che fej domanda i contribuc previdenziai paiá en referimënt al tëmp por chël che al fej domanda, cina ala soma mascimala che ti speta proporzionalmënter al tëmp por chël che al é gnü fat domanda.

Tl caje de sostëgn dla previdënza complementara vëgn la soma che ti speta calcolada sön la basa dla soma mascimala che speta proporzionalmënter al tëmp por chël che an fej domanda, zënza bojëgn de degun paiamënt da pert dla porsona che fej domanda, tl respet di recuisic de regolarité contributiva, y vëgn paié diretamënter sön le fonds dla ponsiun dla porsona che fej domanda.

Sce le contribut regional vëgn damané por tramesdöes les formes dla ponsiun, ne pó la cuota de contribut conzedü por i paiamënc tl fonds dla ponsiun complementara a vigni moda nia jí sura le mascimal anual preodü por chësc contribut fora.

METEDE AVERDA

*: NB: Le contribut por l'assistënza por mituns nia autosufiziënc cun manco de cin agn speta ma cun na majera soma mascimala sce:

1. al é mituns dl om/dla fomena, dla porsona cun chëra che an é liá zivilmënter o dla porsona cun chëra che an vir o mëndri afidá a tëmp plëgn.

2. ai vir por le tëmp damané por le contribut cun la porsona che fej domanda y resultëia sön so zertificat anagrafich (tl caje de afidamënt pón ne tigní nia cunt dla situaziun anagrafica).

3. i mituns cun manco de cin agn n'é nia gnüs scric ite por le tëmp damané por le contribut a strotöres educatives y zëntri de porsones cun handicap.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 18 (Elisabeth Brichta)
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Lönesc, mertesc, mercui y vëndres dales 9:00 ales 12:00

Jöbia dales 8:30 ales 13:00 y dales 14:00 ales 17:30

Terminns

La domanda mëss gní ortiada cina ai 31 d'otober de vigni ann do chël dl contribut.

Te 6 mëisc dal termin  preodü por paié ite volontarariamënter ci che n'ê nia ciamó gnü paié, stabilí dala cassa che á autorisé le paiamënt dl contribut volontar.