Contribut por l’assiguraziun dla ponsiun tratan i tëmps d’educaziun di mituns

N sorvisc dl'aministraziun provinziala de Südtirol

Descriziun generala

Ara se trata de n contribut che vëgn paié por sostigní la cassa dla ponsiun por i tëmps dedicá al'assistënza y al’educaziun dles mitans/di mituns o di mëndri afidá a tëmp plëgn. Le contribut speta cina al terzo ann de vita dl möt/dla möta o cina trëi agn dala data d'adoziun; tl caje de laur dependënt part time cina al 70% tl setur privat speta le contribut cina al cuinto ann dl möt/dla möta o cina ai cin agn dala data d'adoziun. Por i tëmps d'assistënza por i mëndri afidá a tëmp plëgn speta le contribut por döta la dorada dl afidamënt, cina ala majera eté.

METEDE AVERDA

Les domandes pó ma gní ortiades inant telematicamënter tres i patronac.

Le contribut ti speta a chi che á paié ite volontariamënter te süa cassa previdenziala sciöche:  

  1. lauranc dependënc cun contrat part time cina al 70% tl setur privat
  2. lauranc dependënc dl setur privat en aspetativa nia paida y zënza assiguraziun dla ponsiun
  3. scric ite ala Gestiun Separada dl INPS
  4. porsones che ne fej degöna ativité y che n'é nia scrites ite a na forma previdenziala obligatoria (por ej. Ciasarines/ciasarins, studënc/studëntes).

Le contribut ti speta a chi che á fat paiamënc obligatori te süa cassa dla ponsiun sciöche:  

  1. lauranti autonoms o profescionisć lëdi.

Implü ti spetel a chi che é scric ite a n fonds de ponsiun complementara da passa sis mëisc y á paié ite regolarmënter vigni trëi mëisc o á paié ite te so fonds de ponsiun na soma anfat o majera co 360,00 €.

Le contribut ne ti speta nia al personal dependënt de aministraziuns publiches, ai titolars de ponsiun direta y por i tëmps tratan chi che al é gnü reconesciü contribuc figuratifs (por por ejëmpl por la maternité ince por d'atri mituns, Aspi, Naspi).

Al momënt dla presentaziun dla domanda mëss la porsona che fej domanda:

  • avëi la residënza tla provinzia de Balsan y implü

  • avëi la residënza da altamo 5 agn tla regiun Trentin-Südtirol o avëi na residënza storica de 15 agn tla regiun Trentin-Südtirol, y de chisc altamo un n ann atira denanco fá domanda.

I mituns mëss avëi la residënza tla regiun, ai mëss vire adöm cun la porsona che fej domanda y ai mëss gní dant sön le zertificat de familia; i mëndri afidá mëss avëi la residënza tla regiun.

Maternité

Dan le tëmp por chël che an fej domanda vál debojëgn da s'avëi anuzé dla vacanza de maternité sciöche preodü dal decret legislatif di 26 de merz dl 2001, n. 151 por le möt/la möta por chël/chëra che al vëgn fat domanda.

Le laurante autonom/la lauranta autonoma mëss s'avëi anuzé dla vacanza parentala de trëi mëisc preodüda dal decret legislatif di 26 de merz dl 2001, n. 151 cina le pröm ann de vita dl möt/dla möta y dan le tëmp por chël che an fej domanda de contribut.

Les porsones che fej domanda de contribut por n tëmp d'aspetativa zënza paiamënt y zënza assiguraziun dla ponsiun, a pert la vacanza de maternité mëss s'avëi anuzé altamo de 5 mëisc de vacanza parentala, ince nia indolater, dan le tëmp de aspetativa.

Le contribut n'é nia lié ala situaziun economica dla familia.

Le contribut vëgn conzedü do che al é gnü ortié tres i patronac telematicamënter la domanda cun chisc documënc:

Por chi che damana le contribut por le fonds de ponsiun:

  • na copia di movimënc dl fonds de ponsiun da chël che an vëiga che al é gnü paié regolarmënter i contribuc vigni trëi mëisc por altamo 6 mëisc, o

  • na copia dl paiamënt y/o dl saldo dl fonds de ponsiun da chël che an vëiga n saldo de altamo 360 € de paiamënc individuai

  • na copia dla comunicaziun dl fonds de ponsiun cun indicaziun dl numer de IBAN dl fonds, ma sce l’IBAN dé dant tla lista dles domandes online é falé o sce le fonds n'é nia tla lista.

Por i profescionisć lëdi/les profescionistes lëdies scric ite te na cassa profescionala:

  • na copia dla documentaziun sön la maternité dla profescionista lëdia;

  • na copia dla comunicaziun de süa cassa che atestëia les somes damanades por i paiamënc y le tëmp de contribut y

  • Na copia di paiamënc fac por le tëmp de contribut damané.

Por ci che reverda i mituns adotá vál debojëgn da ajunté la copia dl provedimënt d'adoziun.

Por ci che reverda i mëndri en afidamënt vál debojëgn da ajunté na copia dl atestat relascé dal raiun sozial de competënza.

Art. 1 dla lege regionala di 18 de forá dl 2005, n. 1 y mudaziuns suandëntes.

Decret dl Presidënt dla Regiun di 4 de jügn dl 2008, n. 3/L.

De tan é pa le contribut?

Somes mascimales anuales  

Sort

de paiamënt

Ciasarines/Ciasarins

Personal dependënt en aspetativa

Profescionisć lëdi autonoms/profescionistes lëdies autonomes

Part-time cina al 70%

Paiamënc INPS

€ 9.000,00

€ 4.000,00

€ 4.500,00

Fonds de ponsiun

€ 4.000,00

€ 4.000,00

€ 2.000,00

Contribuc INPS

fonds de ponsiun

€ 9.000,00

€ 4.000,00

€ 4.500,00

Tl caje de prosecuziun volontara o de paiamënc previdenziai obligatori ti vëgnel retü cun le contribut regional ala porsona che fej domanda i contribuc previdenziai paiá en referimënt al tëmp por chël che ara fej domanda cina ala soma mascimala che ti speta proporzionalmënter al tëmp por chël che al é gnü fat domanda.

Tl caje de sostëgn dla ponsiun complementara vëgn la soma che ti speta calcolada sön la basa dla soma mascimala che speta proporzionalmënter al tëmp por chël che al é gnü fat domanda, zënza bojëgn de degun paiamënt da pert dla porsona che fej domanda, tl respet di recuisic de regolarité dl contrib, y paiada diretamënter sön le fonds dla ponsiun dla porsona che fej domanda.

Sce le contribut regional vëgn damané por tramesdöes les formes dla ponsiun, ne pó la cuota de contribut conzedü por i paiamënc tl fonds dla ponsiun complementara a vigni moda nia jí sura la soma mascimala anuala preodüda por chësc contribut fora.

Por chi che s'á bele anuzé altamo un n iade di contribuc por le sostëgn dl'assiguraziun complementara y ó damané indô do le contribut (por ej. do la nasciüda de n ater möt/n'atra möta), vëgnel damané la regolarité de sü conferimënc tla forma de ponsiun complementara, altamo vigni trëi mëisc, do le tëmp curí dal contribut denant. Sce i contribuc ne nia gnüs paiá regolarmënter, pó la porsona interessada regolarisé süa posiziun paian ite tla cassa dla ponsiun de portignënza, por vigni ann solar nia curí dal contribut, na soma de 360,00 euro. Cub “contribut” minon i contribuc a ciaria dl laurant/dla laurante y/o i contribuc regionai preodüs dala lege regionala di 18 de forá dl 2005, n. 1.

Dorada dl prozedimënt  

Le contribut vëgn conzedü por la dorada de 24 mëisc cina al terzo ann de vita di mituns o cina 3 agn dala data d'adoziun.

Per chi che laora sciöche dependënt part time cina al 70% tl setur privat speta le contribut por la dorada de 48 mëisc cina al cuinto ann de vita dl möt o cina 5 agn dala data d'adoziun.

Sce le pere s’á anuzé altamo 3 mëisc dla vacanza parentala, le tëmp che speta vëgn arlungiada de 3 mëisc; la dorada mascima dl contribut s'alza porchël respetivamënter a 27 y 51 mëisc, tres cina l‘eté preodüda dl möt.

Sce le contribut vëgn damané por i tëmps dedicá al'assistënza y al’educaziun de mëndri afidá a tëmp plëgn, spetel por döta la dorada dl afidamënt cina che ai complësc 18 agn.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 18 (Elisabeth Brichta)
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Lönesc, mertesc, mercui y vëndres dales 9:00 ales 12.00

Jöbia dales 8:30 ales 13:00 y dales 14:00 ales 17:30

Terminns

La domanda mëss gní ortiada cina ai 31 d'otober de vigni ann do chël dl contribut.

Les domandes che reverda ci che n'ê nia ciamó gnü paié ite pón dé jö te 6 mëisc dal termin preodü por paié ite volontarariamënter, stabilí dala cassa che á autorisé le paiamënt dl contribut volontar.