Creaziun de na ponsiun suplementara por les ciasarines

N sorvisc dl'aministraziun provinziala de Südtirol

Descriziun generala

Ara se trata de n contribut por porsones che laora te ciasa, che é scrites ite te n fonds de ponsiun suplementara, de majera eté y che n’é nia registrades pro n’atra assiguraziun obligatoria por le laur autonom o dependënt y che ne ciafa degöna ponsiun direta.

a) Ciasarina:
Sot a ciasarina minon chë porsona che se crüzia te süa familia ma da organisé y manajé la vita familiara y se fistidiëia da ciaré y trá sö i mituns minorens o da ti sté dlungia al om/ala fomena o partner convivënt/convivënta o a d’atri familiars nia autosufiziënc.
Sce la ciasarina n’á nia mituns minorens y gnanca familiars nia autosufiziënc, pón damané le contribut regional sce la porsona interessada á complí 55 agn al momënt dla presentaziun dla domanda.

b) Residënza al momënt dla presentaziun dla domanda:

  • 5 agn de residënza tla Regiun Trentin-Südtirol o
  • 15 agn tla Regiun Trentin-Südtirol (ince cun interuziuns), de chisc almanco 1 ann zënza interuziun dan la presentaziun dla domanda.

La domanda pó gní presentada:

  • pro düc i patronac dla Provinzia; dailó vëgn la domanda menada inant online al'Agenzia.
  • pro la portina dl'Agenzia por le svilup sozial y economich tla str. Canonico Michael Gamper 1 a .

detlaraziun unificada dl davagn y dl patrimone (DUDP). Decret dl Presidënt dla Regiun di 12 de jügn dl 2012, n. 6/L.

Por la presentaziun dla domanda de creaziun de na ponsiun complementara por ciasarines dal 1° de messé dl 2019 vëgnel damané la detlaraziun DUDP 2018. Por la presentaziun dla DUDP pón jí dai zëntri d’assistënza fiscala (CAAF) y/o dai patronac dla provinzia che pita chësta sort de sorvisc o s’anuzé dl sorvisc online eGov.

L'anuzaziun de chësc sorvisc é debann.

Tan alt é pa le contribut?

Le contribut vëgn conzedü tla mosöra dl 30%, 40% o 50% dl contribut paié ite cina alplü 500,00 € al ann por na dorada mascima de 10 agn.

La situaziun economica dla familia dla porsona interessada ne pó nia jí sura chisc limic de davagn fora:

Davagn plü alt (adöm cun la valutaziun dl patrimone): ann de contribuziun 2016 y suandënc:

Numer de porsones

Scala de avalianza

          50 %

               40 %

               30 %

1

1,00

0,00  - 16.000,00       

16.000,01 – 22.000,00         

22.000,01 –   30.000,00

2

1,57

0,00  - 25.120,00       

25.120,01 – 34.540,00         

34.540,01 –   47.100,00

3

2,04

0,00  - 32.640,00       

32.640,01 – 44.880,00         

44.880,01 –   61.200,00

4

2,46

0,00  - 39.360,00       

39.360,01 – 54.120,00         

54.120,01 –   73.800,00

5

2,85

0,00  - 45.600,00       

45.600,01 – 62.700,00         

62.700,01 –   85.500,00

6

3,20

0,00  - 51.200,00       

51.200,01 – 70.400,00         

70.400,01 –   96.000,00

7

3,55

0,00  - 56.800,00       

56.800,01 – 78.100,00         

78.100,01 – 106.500,00

Por vigni porsona che vëgn lapró vëgn la scala de avalianza alzada de 0,35.
La scala de avalianza vëgn alzada de 0,2 sce

  • la familia é metüda adöm madër da öna na porsona che vir da sora y ne partësc nia les spëises cun d’atri; 
  • la familia cun mituns y mitans minorens cun trami i geniturs, (o n genitur cun le/la partner convivënt/convivënta) o n genitur su á lauré tl tëmp de referimënt dé dant dala DUDP cun n davagn brutto minim de altamo 10.000,00 euro a porsona.

Le contribut n’é nia compatibl cun la ponsiun da ciasarina (provedimënt dla Lege Regionala n. 3/1993) y an ne pó nia le mëte pro i atri provedimënc dla Lege Regionala n. 7/1992 y dla Lege Regionala n. 1/2005).

La familia é metüda adöm dala porsona che fej domanda, da so om/süa fomena, dal compagn/dala compagna de vita y da sü mituns che n’á nia ciamó cumplí 18 agn, dai mëndrí en afidamënt y dai familiars che á debojëgn de guern.

Recuisic di mituns sot i 18 agn:
Ai mëss ester mitans o mituns dla porsona che fej domanda, de so om/süa fomena, de so compagn/süa compagna de vita o dla porsona cun chëra che ai vir adöm. Ai mëss vire adöm cun la porsona che presentëia la domanda y gní dant sön le zertificat de familia.

Recuisic dles porsones che á debojëgn de guern:
An ciafa i contribuc por l’assistënza dl om/dla fomena o compagn/compagna de vita, di parënc cina le cuarto degré, di parënc tres matrimone cina le terzo degré, dl compagn/dla cumpagna cun chël/chëra che an vir para nominada tl zertificat anagrafich dl damanant/dla damananta y de atri parënc cina le terzo degré. La porsona nia autosufiziënta mëss resulté dal zertificat de familia dl damanant/dla damananta o vire adöm cun ël/ëra.

Al vëgn conscidré porsones nia autosufiziëntes chëres che á n degré de invalidité de almanco le 74%, sciöche ince i verc zivii y i surc.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

 

(Sorvisc actualisá ai: 09/04/2020)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 19 Wolfgang Zippl
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

30.06.2020