Sostëgn dl contribut valontar por la ponsiun dl INPS

N sorvisc dl'aministraziun provinziala de Südtirol

Descriziun generala

Contribut por porsones che á l’autorisaziun por l’assiguraziun sön la ponsiun volontara.

Recuisic dla porsona che fej domanda:

  1. Un di trëi punc:
    - ativité de ciasarin/ciasarina: sot a ciasarin/ ciasarina minon chë porsona che se crüzia te süa familia ma da organisé y manajé la vita familiara y se fistidiëia da ciaré y trá sö i mituns minorens o da ti sté dlungia al/ala partner convivënt/convivënta o ai familiars nia autosufiziënc;

    - tl caje che la porsona che fej domanda n’ais nia mituns o mitans minorens y gnanca familiars nia autosufiziënc, póra damané le contribut regional sce ara á complí 55 agn al momënt dla presentaziun dla domanda;

    - o tl caje che la porsona interessada ais complí 50 agn y ais pordü le laur ti 5 agn dan da presenté la domanda. L’ultim laur ne pó nia ester gnü lascé por licuidaziun de n raport de laur olache trames les perts ê a öna, por dimisciuns volonares (cun l’ezeziun de chëres cun na bona gauja) o por lizenziamënt por na bona gauja o por  na rajun sogetiva motivada. Chëstes desposiziuns vëgn aplicades ince ai contrac de laur a tëmp determiné y tl caje de anulamënt danfora dl contrat. Chësc ne vëgn nia fat por i lauranc de ciasa y i impiegac sajonai tl setur turistich y agricul;
      
  2. residënza zënza interuziuns tla Regiun Trentin-Südtirol da almanco 5 agn o 15 agn de residënza storica, de chisc almanco 1 ann zënza interuziun dala data de presentaziun dla domanda;
  3. degöna assiguraziun obligatoria y degöna atra prestaziun previdenziala analoga da pert de d’atri istituc d’assiguraziun o previdenziai;

  4. degöna ponsiun direta (ne vëgn nia araté sciöche ponsiun direta p.ej. la ponsiun ai romagnüs, la ponsiun soziala o di invalig zivii);

  5. paiamënt regolar di contribuc volontars pro l’istitut d’assiguraziun;

  6. la sovenziun regionala gnará ma paiada fora cina al minim de contribuziun preodü por ciafé la ponsiun d'anzianité o la ponsiun antizipada;

  7. la situaziun economica dla familia (familia restrënta) ne pó nia jí sura n cer’limit fora: al vëgn apliché la scala de avalianza dla detlaraziun unificada dl davagn y patrimone (DUDP).

Davagn mascimo (lapró la valutaziun dl patrimone): ann de contribuziun 2016 y suandënc

Numer de porsones

Scala de avalianza

Davagn mascimo

1

1,00

30.000,00x1,00

30.000,00

2

1,57

30.000,00x1,57

47.100,00

3

2,04

30.000,00x2,04

61.200,00

4

2,46

30.000,00x2,46

73.800,00

5

2,85

30.000,00x2,85

85.500,00

6

3,20

30.000,00x3,20

96.000,00

7

3,55

30.000,00x3,55

106.500,00

Por vigni porsona che vëgn lapró vëgn la scala de avalianza alzada de 0,35.

La scala de avalianza vëgn alzada de 0,2 sce:

  • la familia é metüda adüm madër da öna na porsona che vir da sora y ne partësc nia les spëises cun d’atri;

  • la familia cun mituns y mitans minorens cun trami i geniturs, (o n genitur cun le/la partner convivënt/ convivënta) o n genitur su á lauré tl tëmp de referimënt dé dant dala DUDP cun n davagn brutto minim de vignun de 10.000,00 euro.

La domanda pó gni presentada:

  • pro düc i patronac dla Provinzia; dailó vëgn la domanda menada inant online al'Agenzia.
  • pro la portina dl'Agenzia por le svilup sozial y economich tla str. Canonico Michael Gamper 1 a Balsan.

Les condiziuns economiches dla familia vëgn relevades sön la basa dla detlaraziun unificada dl davagn y dl patrimone (DUDP). Decret dl Presidënt dla Regiun di 12 de jügn dl 2012, n. 6/L.

Por la presentaziun dla domanda de sostëgn sön la contribuziun volontara por la ponsiun dl INPS vëgnel damané dal 1° de messé dl 2019 la detlaraziun DUDP 2018. Por la presentaziun dla DUDP pón damané do pro i zëntri d’assistënza fiscala (CAAF) y/o i patronac dla provinzia che pîta chësc sorvisc o s’anuzé dl sorvisc online eGov.

L’anuzaziun de chësc sorvisc é debann.

Recuisic di mituns sot i 18 agn:
Ai mëss ester mitans o mituns dla porsona che fej domanda, de so om/süa fomena, de so compagn/süa compagna de vita o dla porsona cun chëra che ai vir adöm. Ai mëss vire adöm cun la porsona che presentëia la domanda y gní dant sön le zertificat de familia.

Carateristiches dles porsones nia autosufiziëntes:
Al vëgn conscidré porsones nia autosufiziëntes chëres che á n degré de invalidité de almanco le 74%, sciöche ince i verc zivii y i surc.

An ciafa i contribuc por l’assistënza dl om/dla fomena o dla porsona cun chëra che an vir para aladô dl dërt zivil, di parënc cina le cuarto degré, di parënc tres matrimone cina le terzo degré, dl compagn/dla compagna de vita, cun chël/ chëra che an vir para y vëgn nominé/ nominada tl zertificat anagrafich dl damanant/dla damananta, y de sü parënc cina le terzo degré. La porsona nia autosufiziënta mëss resulté dal zertificat de familia dl damanant/dla damananta o vire adöm cun ël/ëra.

Tan alt é pa le contribut?
Al é n contribut por paiamënc fac volontariamënter te na cassa previdenziala por chës periodes te chëres che al ne vëgn fat degöna ativité cun assiguraziun y an ne ciafa degöna ponsiun direta.

Le contribut é lié ales condiziuns economiches dla familia (familia restrënta), chësc ó dí al davagn y patrimone dl damanant /dla damandanta, dl om/dla fomena, dl compagn/dla compagna cun chël che an vir adöm y da sü mituns che n’á nia ciamó cumplí 18 agn, dai mëndrí en afidamënt y dai familiars che á debojëgn de guern.

Mosöra dl contribut anual: 100% di contribuc d’assiguraziun che an á paié ite volontariamënter cina a alplü 4.000,00 euro.

La mosöra di paiamënc volontars depenn dala categoria profescionala dles porsones assigurades y vëgn dada dant dal’istitut previdenzial o dles assicuraziuns (p.ej. INPS).

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 19 Wolfgang Zippl
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

Le terminn ordinar é ai 30 de jügn de vigni ann.

La domanda por le contribut sön i aretrac mëss gni presentada te 60 dis dala tomanza dla 1° rata.