Assëgn por la familia dla Regiun

N sorvisc dl'aministraziun provinziala de Südtirol

Descriziun generala

L'assëgn por la familia regional ti speta a families cun:

  • altamo 2 mituns de mëndra eté o
  • n möt sot ai 7 agn o
  • n möt cun handicap, inće de majera eté.

  1. Residënza:
    • mëss avëi da altamo 5 agn, zënza interuziun, la residënza tla Regiun Trentin-Südtirol denanco dè jö la domanda o la residënza storica anagrafica de 15 agn, te chësc caje messon avëi la residënza da altamo un n ann zënza interuziun denanco dè jö la domanda,
    • Zitadins comunitars de n ater paîsc dl'UE nia residënć: te chësc caje messon desmostrè d'avëi n raport de laûr tl Trentin-Südtirol.
  2. Sce la porsona che fej domanda n'à nia chisc recuisić, mëss so om/süa fomena i avëi.


  3. I mituns mëss vire adöm cun la porsona che fej domanda. Chësc mëss resulté sön le zertificat de familia.

  4. Chëstes porsones vëgn parificades ai mituns minorenns:
    • i mituns de majera eté cun handicap
    • i nus minorenns o i nus de majera eté cun handicap;
    • i fredesc, les sorus y i nus minorenns che é orfani de tramidui i geniturs;
    • i fredesc, les sorus y i nus cun handicap;
    • i mituns minorenns afidà a tëmp plëgn dal tribunal o cun provedimënt aministratif;
    • les porsones cun handicap de majera eté sot ghiravanza, cura y aministraziun de sostëgn dla porsona che fej domanda.
  5. An conscidra porsones cun handicap chi sogeć reconesciüs sciöche invalig zivii minorenns o che à n degré d'invalidité zivila de almanco 74%, sciöche inće i verc zivii y i ströms.

    Dötes les porsones zitades dessura mëss vire cun le genitur che fej domanda o cun le genitur afidatar, y ester sön le zertificat de familia de che che fej domanda.

Valutaziun dl davagn y dl patrimone:

Les condiziuns economiches dles porsones che fej domanda por l'assëgn regional gnarà valutades sön la basa dla detlaraziun unificada dl davagn y dl patrimone (DUDP).

Sce I orëis damanè do l'assëgn por la familia dla Regiun messëise dè jö la detlaraziun DUDP s'anuzan di zentri de assistënza fiscala (CAAF) y/o di patronać dla provinzia che pîta chësc sorvisc.

Dal 1. de messé dl 2017 vëgnel damané le davagn dl 2016 (cun DUDP).

I sorvisc pità dai patronać y dai zëntri de assistënza fiscala é debann

Tan alt é pa l'assëgn por la familia?

La soma depënn dal davagn, dal patrimone y dal numer di componënć dla familia.

Tabeles A, B, C »

Can gnaràl pa paié fora l'assëgn?

I paiamënć gnarà fać en rates vigni mëis che vëgn do. Insciö p.ej. gnarà la rata de jenà paiada fora ala fin dl mëis de forà.

Co gnaràl pa paié fora l'assëgn?

Le contribut gnarà paié fora sön le cunt bancar dè dant o sce chësc n'é nia vëgnel paié fora tres assëgn bancar da incassè te 2 mëisc pro na portina dla Cassa dl Sparagn (tesorier dla Provinzia).

Metede averda: aladô dl art. 12, c. 2 dl D.L. di 6 de dezëmber dl 2011, n. 201 "Desposiziuns de prëscia por la chersciüda, la iustizia y le consolidamënt dles finanzes publiches", ne vara nia plü da paié fora cun assëgn bancar somes de o passa 1.000,00 euro Düć i compënsc de passa 1.000,00 euro messarà gnì paià fora sön cunć corënć bancars o postai.

I paiamënć gnarà fać en rates vigni mëis che vëgn do. Insciö p.ej. gnarà la rata de jenà paiada fora ala fin dl mëis de forà.

(Sorvisc actualisá ai: 30/10/2017)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefonn: 0471 41 83 14 Barbara Kaufmann
0471 41 83 09 Davide Giabardo
0471 41 83 11 Marcella Ferrari
0471 41 83 03 Paola Faoro
Fax: 0471 41 83 25
E-mail: aswe.asse@provinz.bz.it
PEC: aswe.asse@pec.prov.bz.it
Plata internet: http://www.provinz.bz.it/aswe

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00 y 14.00 - 17.30

Terminns

La domanda po gnì presentada dal momënt che la porsona che fej domanda à düć i recuisić. Le contribut ti speta dal mëis do chël che ara à fat domanda. Sce la domanda vëgn presentada p.ej. de merz, ti speta l'assëgn dal mëis d'aurì inant.

Sce la domanda vëgn dada jö te 90 dis dala nasciüda, dal'adoziun o dal afidamënt dla möta/dl möt, speta le contribut dal mëis do chësta data.

Por ciafè le contribut zënza interuziuns mëss la domanda gnì renovada vigni ann; dagnora danter le 1. de setëmber y i 31 de dezëmber.

PRESENTAZIUN DLA DOMANDA
La domanda mëss gnì dada jö pro n patronat che se cruziarà da ti la ortié inant al'Agenzia ASSE.