Retüda dles spëises a studëntes y studënc cun handicap

N sorvisc dl'aministraziun provinziala de Südtirol

Descriziun generala


Por ti dé la poscibilité a porsones cun handicap da studié pól gní conzedü chisc contribuc pian ia dal'iscriziun sciöche studënta ordinara/studënt ordinar:

  • retüda dles spëises por n sorvisc de acompagnamënt y assistënza,
  • retüda dles spëises de trasport,
  • retüda dles spëises por cumpré mesi importanc por le stüde,
  • retüda dles spëises por d'atri sorvisc importanc adatá por tó y jí impedimënc ala formaziun universitara.

Por ciafé fora la situaziun economica ti vëgnel ciaré al davagn dl ann denant y al patrimone danman tl momënt che al é gnü dé jö la domanda dla studënta o dl studënt o de sü geniturs o so om/süa fomena o süa partnera/so partner. Aladô dl bojëgn economich él preodü n contribut da pert dla studënta o dl studënt.

Les studëntes y i studënc che á n'invalidité zivila de altamo le 74%, che é verc o surc y che frecuentëia n'université o na scora alta de formaziun tla Talia o te n paisc dl raiun cultural todësch por arjunje n titul o degré academich, á le dërt da fá ciafé n contribut.

La studënta o le studënt che frecuentëia n'université tl Südtirol mëss ince:

a) ester na zitadina o n zitadin dl'UE,

o

b) avëi, sce ara/al n'é nia na zitadina o n zitadin dl'UE, la lizënza de sojornanza dl'UE lungia por la Talia, o ester na zitadina o n zitadin a chëra/chël che al ti é gnü reconesciü aladô dles diretives 2011/95/UE le status de migranta/migrant o le status de sconanza sussidiara y é porchël sciöche na zitadina taliana o n zitadin talian,

o

c) avëi, sce ara/al n'é nia na zitadina o n zitadin dl'UE, n'atra lizënza de sojornanza che vá a öna cun la legislaziun statala y avëi la residënza da altamo un n ann zënza interuziun tl Südtirol.


Sce an frecuentëia n'université defora dal Südtirol mësson avëi la residënza da dui agn tl Südtirol.


Les atres condiziuns é da ciafé ti criters ajuntá chiló dessot.

Al formular metü a desposiziun dal Ofize él da ajunté chisc documënc:

a) n arat sanitar o n atestat dl handicap dla studënta/dl studënt,

b) n’autodetlaraziun dl livel de cura stabilí o dl fat che an ciafa n'assëgn d'acompagnamënt,

c) preventifs por düc i sorvisc y dötes les cumpres por chi che al vëgn damané la retüda dles spëises,

d) na detlaraziun da chëra che an vëiga ciodí y tan che al vá debojëgn di sorvisc y dles cumpres por studié, por chi che al vëgn damané la retüda dles spëises.

Implü vál debojëgn da dé jö aladô dla sort di cosć, por chi che al vëgn damané la retüda, ciamó d'atri documënc. Informaziuns plü menüdes él da ciafé sot l'articul 14 di criters.

Les porsones che fej domanda dá jö sü dac sot süa responsabilité. L'aministraziun provinziala fej sovënz a manco da fá dé jö documënc, mo ara fej controi a caje por odëi sce les detlaraziuns n'é nia falzes. Che che detlarëia le falz ciafa na straufunga. Te caji dër ziti vëgnel ince fat na plüra penala.

Les mosöres particolares por les studëntes y i studënc cun handicap pó gní acumulades cun d'atres mosöres de contribut che dess garantí le dërt da studié al'université.

I cosć por chi che al vëgn conzedü la retüda dles spëises ne pó nia bele ester gnüs retüs da n'atra istituziun publica o privata o da n ënt che ciafa contribuc publics.

(Sorvisc actualisá ai: 06/12/2019)

Ënt competënt

Ofize por la promoziun dl stüde universitar
palazzo 7, via Andreas Hofer 18, 39100 Balsan
Telefono: 0471 41 29 43 Cornelia Lintner
E-mail: hochschulfoerderung@provinz.bz.it
PEC: hochschulfoerderung.dirittostudiouni@pec.prov.bz.it
Website: http://www.provinzia.bz.it/

Orar por la jënt:

Montag, Dienstag, Mittwoch, Freitag: 09.00 - 12.00 Uhr
Donnerstag: 08.30 - 13.00 Uhr und 14.00 - 17.30 Uhr

Terminns

Tres cina ai 3 d'aurí dl 2018 (Termin amesaite: 31.10.2017).