Equipolënza dla formaziun profescionala tl setur sanitar por zitadines y zitadins dl'UE

N sorvisc dl'aministraziun provinziala de Südtirol

Descriziun generala

Aladô dl D.P.R. 197/1980 (Normes d’atuaziun dl Statut d’Autonomia) po la Provinzia Autonoma de Balsan relascè detlaraziuns de ecuipolënza de titui tl setur sanitar nia de medejina sce al é odü dant le bojëgn a livel provinzial. La detlaraziun de ecuipolënza vel ma sön le teritore dl Südtirol. La domanda é da fà al Ofize provinzial Ordinament sanitar.

La domanda po ma gnì fata da zitadines y zitadins dl'UE che à arjunt le titul de stüde te n stat dl raiun todësch (cun laprò la Svizera).

Pro la domanda él da injuntè la documentaziun suandënta:

1. copia autenticada de n diplom arjunt te n stat dl raiun todësch cun traduziun ofiziala por talian
2. copia autenticada dl program di stüdi, dles ores preodüdes por les singules materies, di contignüs y dles ores de practicum dades dant (relasciades dala scora) cun traduziun ofiziala por talian 
3. zertificat de conformité cun les diretives dla UE dl titul de stüde relascè dal’autorité de govern competënta (Ministêr dla sanité), cun traduziun ofiziala

4. copia scëmpla dl diplom dla matura

5. fotocopia dla cherta d’identité.

L’anuzaziun de chësc sorvisc é debann.

Decret dl Presidënt dla Republica di 26.01.1980, n. 197

(Sorvisc actualisá ai: 28/09/2018)

Ënt competënt

23.4. Ofize Ordinamënt sanitar
Palazzo 12, via Canonico Michael Gamper 1, 39100 Balsan
Telefonn: 0471 41 81 48
Fax: 0471 41 81 59
PEC: ges.ord.san@pec.prov.bz.it
Plata internet: http://www.provincia.bz.it/salute

Orar por la jënt:

Mertesc, mercui y jöbia dales 8.30 ales 12.30 y dales 14.00 ales 17.30

Terminns

Por l’anuzaziun de chësc sorvisc ne n’él da tignì ite degügn terminns particolars.