Rendita por chi che é gnüs surć por gaujes profescionales

N sorvisc dl'aministraziun provinziala de Südtirol

Descriziun generala

Ara se trata de na indenisaziun mensila tl caje de n dann dl aldì, che arbassa la capazité de laûr de almanco l’11%, por gauja de vera liada al laûr tres ativitês prigoroses de chë sort, che é curides dal’assiguraziun obligatoria aladô dl art. 1 dl test unitar di 30 de jügn dl 1965, n. 1124.

Por la conzesciun de chësta rendita ne pon nia plü presentè domandes nöies pro l’ofize provinzial competënt dl paiamënt.

La rendita ti vëgn paiada fora ales porsones che à chisc recuisić:

  • domanda bele presentada
  • residënza tla Regiun Trentin-Südtirol da almanco 2 agn, o
  • avëi laurè, anter i dui agn dan la domanda, tl setur a risch en chestiun por almanco un n ann, inće cun interuziun, tl teritore regional.

I caji nüs de surdité por gaujes profescionales ne ciafa nia plü na indenisaziun aladô dla lege regionala, mo aladô dla lege statala tres l’INAIL. Les domandes nöies mëss gnì presentades al INAIL.

Lege Regionala di 2.1.1976, n. 1, tla verjiun en forza.

La mosöra dl’indenisaziun vëgn calcolada sön la basa de na retribuziun convenzionala al ann de € 23.391,00.
L’import dla rendita va da € 155,55 a € 939,44 al mëis, aladô dla gravité dla surdité.
Sce an à la responsabilité por i familiars aumentëia la rendita dl 5% por vigni familiar.
La rendita ne po nia gnì dada inant.

Trasparënza
Les informaziuns sön la dorada dl prozedimënt, le responsabl dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet.

 

(Sorvisc actualisá ai: 24/10/2019)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefono: 0471 41 83 07 (Horst Delago)
Fax: 0471 41 83 29
E-mail: aswe.asse@provinz.bz.it
PEC: aswe.asse@pec.prov.bz.it
Website: http://asse.provincia.bz.it/

Orar por la jënt:

Lönesc, mertesc, mercui y vëndres dales 9:00 ales 12:00

Jöbia dales 8:30 ales 13:00 y dales 14:00 ales 17:30

Terminns

La rendita vëgn paiada fora dal'Agenzia por le svilup sozial y economich vigni dui mëisc.
Sce al s’à stabilisé do da 15 agn la gravité dla surdité sön n degré sot le 16%, spo ne vëgn la rendita nia plü paiada fora vigni dui mëisc, mo ma vignitant sot forma de n import capitalisé.