Stipendiums por cursc de formaziun de basa dles profesciuns sanitares

Pian ia dal ann academich 2019/2020 él gnü porté ite la DUDP "Detlaraziun Unificada sön le Davagn y le Patrimone" sciöche basa por calcolé i stipendiums.

La DUDP é na detlaraziun de davagn y patrimone por vigni porsona. Impormó do che al é gnü dé jö la DURP por vigni componënt dla familia pól gní calcolé le "Valur dla situaziun economica" (VSE) sciöche mosöra dla situaziun economica dla familia. Vigni porsona che fej domanda mëss porchël dé jö la DURP denanco dé jö la domanda, por podëi dé dant le VSE tla domanda.

La DURP y l'atestat VSE é debann y pó gní damaná pro i patronac o i zëntri de assistënza fiscala (CAAF) convenzioná.

Al vëgn aconsié da fá fora bele sëgn n termin pro le CAAF, ajache canche an dá jö la domanda de stipendium mësson bele avëi la VSE.

I studënc detlarëia i dac damaná sot süa responsabilité. Porchël renunziëia l'aministraziun provinziala en gran pert ala presentaziun de documënc, mo fej controi a caje por ciafé sö sce ci che vëgn detlaré é vëi.

Te val' caji olache l'aministraziun provinziala n'á nia la poscibilité da ciafé diretamënter i dac da sogec publics o privac de dërt talian, mësson dé jö i documënc cun la domanda o, ti caji dá dant espressamënter, ti dé jö de persona al Ofize ordinamënt sanitar cina le termin dé dant. La lista di documënc damaná é da ciafé sot i criters.

Al vá a vigni moda dagnora debojëgn da injunté:

• na descriziun detaiada dl curs fat don dant la dorada, les materies y i recuisic d'amisciun

• l’atestaziun d’iscriziun al curs relascé dala scora

• sce la domanda vëgn dada jö bele sotescrita o ortiada por posta o e-mail, mëssel gní ajunté na fotocopia dla cherta d’identité, ater co sce al vëgn sotescrit cun sotescriziun digitala

Chësc sorvisc é dabann.

• Lege provinziala di 15 de novëmber dl 2002, n. 14, articul 4, coma 1, lëtra b)
•