Stipendiums por cursc de formaziun de basa tl setur sanitar

N sorvisc dl'aministraziun provinziala de Südtirol

Descriziun generala

Al vëgn conzedü stipendiums por la formaziun de basa dles profesciuns sanitares, di operadus tecnics y dl personal ausiliar tl ciamp sanitar.

I cursc mëss mëte man danter agost dl 2019 y ai 31 de messé dl 2020.

Metede averda: le termin por dé jö la domanda é tomé ai 3 de jügn dl 2020

Che che frecuentëia n curs tla provinzia de Balsan pó s'anuzé dl stipendium sce:

a) ai é zitadins o zitadines dl’Uniun Europeica, o

b) ai é zitadins o zitadines de Stac che ne fej nia pert dl’Uniun europeica y á n’autorisaziun de sojornanza dl'UE por sojornanzes lunges tla Talia o al ti é gnü reconesciü le status de muciadú o muciadëssa o de proteziun sussidiara aladô dla diretiva 2011/95/UE y vëgn porchël ecuipará ales zitadines y ai zitadins talians, o

c) é zitadines o zitadins de Stac che ne toca nia pro l’Uniun europeica,á n'atra autorisaziun de sojornanza preodüda dales desposiziuns nazionales y á la residënza anagrafica zënza interuziun tla provinzia de Balsan da altamo n ann.

Che che frecuentëia n curs defora dala provinzia de Balsan pó s'anuzé, independentemënter dala zitadinanza, dl stipendium sce ai á la residënza anagrafica zënza interuziun tla provinzia de Balsan da altamo dui agn.

Tl caje de frecuënza de cursc foradecá, mëss le titul de stüde gní reconesciü sides dal Stat olache an le ciafa che dal Stat talian.

Pian ia dal ann academich 2019/2020 él gnü porté ite la DUDP "Detlaraziun Unificada sön le Davagn y le Patrimone" sciöche basa por calcolé i stipendiums. La detlaraziun DUDP y le zertificat VSE sön le "Valur dla situaziun economica" é debann y pó gní damaná pro i patronac o i zëntri de autorisá de assistënza fiscala (CAAF) convenzioná.

De plü informaziuns é da ciafé ti criters desponibli sön chësta plata.

I studënc detlarëia i dac damaná sot süa responsabilité. Porchël renunziëia l'aministraziun provinziala en gran pert ala presentaziun de documënc, mo fej controi a caje por ciafé sö sce ci che vëgn detlaré é vëi.

Te val' caji olache l'aministraziun provinziala n'á nia la poscibilité da ciafé diretamënter i dac da sogec publics o privac de dërt talian, mësson dé jö i documënc cun la domanda o, ti caji dá dant espressamënter, ti dé jö de persona al Ofize ordinamënt sanitar cina le termin dé dant. La lista di documënc damaná é da ciafé sot l'art. 6 di criters.

Al vá a vigni moda dagnora debojëgn da injunté:

  • na descriziun detaiada dl curs fat don dant la dorada, les materies y i recuisic d'amisciun

  • sce la domanda vëgn dada jö bele sotescrita o ortiada por posta o e-mail, mëssel gní ajunté na fotocopia dla cherta d’identité, ater co sce al vëgn sotescrit cun sotescriziun digitala

Chësc sorvisc é dabann.

(Sorvisc actualisá ai: 02/07/2020)

Ënt competënt

Ofize Ordinamënt sanitar
Palazzo 12, via Canonico Michael Gamper 1, 39100 Balsan
Telefono: 0471 41 81 52 Paulato Claudia
0471 41 81 41
Fax: 0471 41 81 59
E-mail: gesundheitsordnung@provinz.bz.it
claudia.paulato@provinz.bz.it
PEC: ges.ord.san@pec.prov.bz.it
Website: http://www.provinzia.bz.it/

Orar por la jënt:

Lönesc, mertesc, mercui, vëndres: dales 9:00 ales 12:00

Jöbia: dales 8:30 ales 13:00 y dales 14:00 ales 17:30

Terminns

Die letzte Frist ist am 3. Juni 2020 abgelaufen.