Zertificat de idoneité por le comerz y la venüda de produć fitosanitars

N sorvisc dl'aministraziun provinziala de Südtirol

Descriziun generala

Pian ia dai 26 de novëmber dl 2015 mëss vigni porsona che ó eserzité n’ativité de venüda al detai o al ingrossa de produc fitosanitars y de sü coadiuvanc avëi n zertificat d'abilitaziun spezifich relascé dal Ofize Prevenziun, promoziun dla sanité y sanité publica.

Por ciafé le zertificat d'abilitaziun por le comerz y la venüda de produc fitosanitars vál debojëgn da frecuenté n curs de formaziun de basa de 25 ores y passé n ejam. De plü informaziuns sön i cursc y ejams é da ciafé tla seziun “D'atres informaziuns”.

Le zertificat vel cin agn. Che che ó le renové mëss dé jö la domanda de renovamënt y tó pert a cursc d'ajornamënt de altamo 12 ores.

Important: Le renovamënt dl zertificat pó gní damané do sis mëisc dan y cina 12 mëisc do süa tomanza. L’ajornamënt obligatore de altamo 12 ores indere mëss gní fat tratan i cin agn de validité dl zertificat.

Sce an renunziëia messon dé jö le zertificat tl Ofize Prevenziun, Promoziun dla sanité y Sanité publica por l’archiviaziun dla pratica.

Por ciafé le zertificat mësson avëi:

  • avëi 18 agn;
  • le diplom d'istruziun alta de cin agn o na laurea, ince de trëi agn te disciplines agrares, forestales, biologiches, ambientales, chimiches, mediches y veterinares;
  • l’atestat de partezipaziun al curs de formaziun de basa por destributurs de produc fitosanitars (25 ores);
  • superamënt dl ejam scrit y a usc dan na comisciun de esperc.

Por renové le zertificat mësson:

  • tó pert a cursc/scomenciadies d’ajornamënt spezifics reconesciüs dal Ofize Prevenziun, promoziun dla sanité y sanité publica de altamo 12 ores denant che le zertificat d’abilitaziun tomes.

Por relascé le zertificat d'abilitaziun por le comerz y la venüda de produc fitosanitars vál debojëgn:

  • dla domanda d'amisciun al ejam por ciafé le zertificat d'abilitaziun por le comerz y la venüda di produc fitosanitars;
  • dl atestat de partezipaziun al curs de formaziun de basa por destributurs de produc fitosanitars (25 ores);
  • de na fotografia digitala fata dan da püch tl format jpg cun na ressoluziun alta;
  • de na fotocopia de n documënt d'identité varënt.

Por la revijiun dl zertificat d'abilitaziun por le comerz y la venüda de produc fitosanitars vál debojëgn:

  • dla domanda de revijiun dl zertificat d'abilitaziun;
  • dl atestat/di atestac che proa la partezipaziun a cursc/scomenciadies spezifics d’ajornamënt organisá o reconesciüs dal Ofize Prevenziun, promoziun dla sanité y sanité publica de altamo 12 ores denant che al tomes le zertificat d’abilitaziun;
  • na fotografia digitala fata dan da püch tl format jpg cun na ressoluziun alta;
  • fotocopia de n documënt d'identité varënt;
  • le zertificat sotmetü a revijiun.

Por l’emisciun de n duplicat dl zertificat d'abilitaziun por le comerz y la venüda de produc fitosanitars vál debojëgn:

  • dla domanda d'emisciun de n duplicat;
  • de na fotografia digitala fata dan da püch tl format jpg cun na ressoluziun alta;
  • dla fotocopia de n documënt d'identité varënt;
  • dl zertificat da renové, sce le zertificat é danejé;
  • dla denunzia de pordüda o arobada, sce an á pordü le zertificat d'abilitaziun o sce al s'é gnü tut. 

Por la renunzia dl zertificat d'abilitaziun por le comerz y la venüda de produc fitosanitars vál debojëgn:

  • da scrí la renunzia dl zertificat sön papier scëmpl ajuntan le zertificat.

Por i cosć dl curs de basa de 20 ores, anfat por adoradus profescionai, distributurs consulënc de produturs fitosanitars, Ves inviunse a contaté diretamënter l’organisaziun.

I cosć por la partezipaziun al modul de spezialisaziun y/o a n curs d'ajornamënt por destributurs y consulënc é de 24,00 €.

I cosć por relascé le zertificat d'abilitaziun é de dui martli da bol da 16,00 €. N martl da bol é da paié por la domanda d'amisciun al ejam. Le secundo mëss gní paié ma do che an á passé l'ejam por l’emisciun dla patënt d'abilitaziun.

I cosć por renové o dé fora n duplicat dl zertificat d'abilitaziun é de 16,00 € (martl da bol).

Decret legislatif di 14 d'agost dl 2012, n. 150

Decret ministerial di 22 de jená dl 2014 (Plann d’aziun nazional por l’adoranza sostenibla di pestizig – PAN)

Deliberaziun dla Junta provinziala di 25 de setëmber dl 2018, n. 965

Decret ministerial di 22 de jená dl 2018, n. 33 (mosöres y recuisic di produc fitosanitars por n'adoranza sigöda da pert di adoradus nia profescionai)

Cursc de formaziun de basa por ciafé le zertificat d'abilitaziun por le comerz y la venüda de produc fitosanitars

I cursc de formaziun de basa por adoradus profescionai, destributurs de produc fitosanitars y consulënc (20 ores) vëgn organisá da fornidus esterns reconesciüs, sciöche la Scora profescionala provinziala por la coltivaziun de ordöra y vignes y l’oricoltöra te via Rio Vallarsa 16 a 39055 Laives, tel. 0471 959774, e-mail: fp.vadena@scuola.alto-adige.it 

Le modul de spezialisaziun por destributurs de produc fitosanitars potenziai de 5 ores, vëgn organisé adöm cun l'Ofize por la Prevenziun, promoziun dla sanité y sanité publica y l'Ofize Coltivaziun de ordöra y vignes.

Iscriziun por i destributurs de produc fitosanitars: tres le formular aposta d'iscriziun dl Ofize Prevenziun, promoziun dla sanité y sanité publica.

Iscriziun por i i destributurs de produc fitosanitars:
Ofize Coltivaziun de ordöra y vignes

Cursc d'ajornamënt

L’ajornamënt pó gní fat tres la partezipaziun ai cursc d'ajornamënt organisá dal Ofize Prevenziun, promoziun dla sanité y sanité publica o tres la partezipaziun a cursc y/o manifestaziuns organisá da d'atri fornidus de formaziun reconesciüs.

Al vëgn ince ametü sciöche credic formatifs scomenciadies d'ajornamënt aprovades da d'atres Regiuns o Provinzies sciöche ajornamënt obligatore por renové i zertificac d'abilitaziun.

Te caji ezezionai y do avëi damané al ofize competënt, vëgnel ince reconesciü scomenciadies de formaziun foradecá.

L'ejam por l'acuisiziun dl zertificat d'abilitaziun por le comerz y la venüda di produc fitosanitars

Che che ó acuisí le zertificat d'abilitaziun por le comerz y la venüda de produc fitosanitars dá jö la domanda tl Ofize Prevenziun, promoziun dla sanité y sanité publica por l'ejam y fej n ejam scrit y n ejam a usc dan na comisciun de esperc, metüda adöm da rapresentanc dl Departimënt de Stat por l'Agricoltöra y l'operaziun medica dla Provinzia Autonoma dl Südtirol y l'Agenzia Provinziala por l'Ambiënt.

L'Ofize Prevenziun, promoziun dla sanité y sanité publica dá fora i zertificac d'abilitaziun por le comerz y la venüda di produc fitosanitars.

Comerz y venüda de produc fitosanitars

Al momënt dla venüda mëssel ester dailó altamo öna na porsona, n titolar/na titolara o n dependënt/na dependënta che á le zertificat d'abilitaziun por ti forní a che che cumpra les informaziuns. 

Da tigní cunt:

Che che á le zertificat d'abilitaziun por le comerz y la venüda de produc fitosanitars ne pó nia eserzité n‘ativité de consulënza. Ara se trata de na incompatibilité che se referësc ala porsona, nia al punt de venüda.

(Sorvisc actualisá ai: 21/05/2019)

Ënt competënt

23.5. Ofize Prevenziun, promoziun dla sanité y sanité publica
Palazzo 12, via Canonico Michael Gamper 1, 39100 Balsan
Telefonn: 0471 418160
0471 418161
Fax: 0471 41 81 89
PEC: praevention.prevenzione@pec.prov.bz.it
Plata internet: http://www.provincia.bz.it/salute

Orar por la jënt:

Lönesc - vëndres: 9.00 - 12.00
Jöbia: 9.00 - 13.00 y 14.00 - 17.30

Terminns